ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵓⵖⴻⵍ ⵖⴻⵔ ⵜⵎⴰⵣⵉⵖⵜ : ⵢⴻⵙⵙⴻⴼⴽ ⴰⴷ ⵢⵉⵍⵉ ⴰⴽⴽⴻⵏ ⴰⴷ ⵏⴻⵙⵙⴻⴷⴷⵓ ⵉⴹⵔⵉⵙⴻⵏ ⵏ ⵓⵣⴰⴷⵓⵔ ⵏ ⵓⵡⴰⵏⴻⴽ

ⵜⵉⵣⵉ ⵓⵣⵣⵓ - ⴰⵙⵓⵖⴻⵍ ⵖⴻⵔ ⵜⵎⴰⵣⵉⵖⵜ ⵢⴻⵙⵙⴻⴼⴽ ⴰⴷ ⵢⵉⵍⵉ ⴰⴽⴽⴻⵏ ⴰⴷ ⵏⴻⵙⵙⴻⴷⴷⵓ ⵉⴹⵔⵉⵙⴻⵏ ⵏ ⵍⵙⴰⵙ ⵏ ⵓⵡⴰⵏⴻⴽ, ⵉ ⴷ-ⵣⵣⵉⵔⴻⴳⴻⵏ, ⴷⴻⴳ ⵜⵉⵣⵉ ⵓⵣⵣⵓ, ⵢⵉⵎⴻⴽⴽⵉⵢⴻⵏ ⴷⴻⴳ ⵢⵉⵡⴻⵜ ⵏ ⵜⵏⴻⵎⵙⴻⵍⵜ ⵖⴻⴼ ‘’ⵓⵙⵓⵖⴻⵍ ⵏ ⵢⵉⴹⵔⵉⵙⴻⵏ ⵓⵏⵚⵉⴱⴻⵏ : ⵜⴰⵎⴻⵏⴹⴰⵡⵜ 2016’’.

ⴷⴻⴳ ⵢⵉⵡⴻⵏ ⵏ ⵓⵍⵖⵓ, ⵉ ⴷ-ⵙⵏⴻⵣⵡⵉⵏ ⴰⵙⵙ ⵏ ⵜⵜⵍⴰⵜⴰ, ⴷⴻⴳ ⵜⴰⴳⴳⴰⵔⴰ ⵏ ⵢⵉⵎⵓⵀⴰⵍ ⵏ ⵜⵏⴻⵎⵙⴻⵍⵜ ⵉ ⵢⴻⵙⵙⴻⴷⴷⴰ ⴱⵧⵓⴷⵊⴻⵎⴰⴰ ⴰⵣⵉⵔⵉ, ⴷ ⴰⴷⵓⴽⵜⵓⵔ ⴷⴻⴳ ⵜⵙⴻⵏⵙⵓⵖⴻⵍⵜ ⴷⴻⴳ ⵓⵙⴻⵇⵇⴰⵎⵓ ⵓⵏⵏⵉⴳ ⵏ ⵜⵉⵎⵎⵓⵣⵖⴰ (ⵀⵛⴰ), ⵉ ⵙⵙⵓⴷⴷⵙⴻⵏ ⵖⴻⵔ ⵜⴰⵎⴰ ⵏ ⵜⴻⵎⵍⵉⵍⵉⵜ ⵜⵓⵙⵙⵏⴰⵏⵜ ⵖⴻⴼ ‘’ⴱⴻⵍⵄⵉⴷ ⴰⵜ ⵄⵍⵉ (1909-1950) : ⴷ ⴰⵎⴻⵙⴽⴰⵔ, ⴷ ⵜⴰⵚⴻⴽⴽⴰ ⵉ ⵢⴻⵙⵙⴻⴼⴽ ⴰⴷ ⴰⵙ-ⵏⴰⵍⴻⵙ ⵜⴰⵖⵓⵔⵉ’’, ⵉⵎⴻⴽⴽⵉⵢⴻⵏ ⵣⵣⵉⵔⴳⴻⵏ-ⴷ ‘’ⴱⴻⵖⵖⵓ ⵏ ⵓⵙⵏⴻⴼⵍⵉ ⵙ ⵜⵎⴰⵣⵉⵖⵜ ⵏ ⵡⴰⵢⴻⵏ ⵉⵛⴻⵖⴱⴻⵏ ⴰⵖⵍⴰⵏ ⴷⴻⴳ ⴰⴽⴽ ⵜⵉⵖⵓⵍⴰ’’ ⵙ ⵓⵙⵓⵖⴻⵍ ⵏ ⵢⵉⵚⵓⴹⴰⴼ ⴰⴽⴽⴻⴷ ⵢⵉⴹⵔⵉⵙⴻⵏ ⵓⵏⵚⵉⴱⴻⵏ ⵖⴻⵔ ⵜⵓⵜⵍⴰⵢⵜ-ⴰ ⵜⴰⵖⴻⵍⵏⴰⵡⵜ ⵜⵓⵏⵚⵉⴱⵜ.

ⵢⵉⵡⴻⵜ ⵙⴻⴳ ⴳⴰⵔ ⵜⵉⴳⴰⵡⵉⵏ ⵉ ⵢⴻⵙⵙⴻⴼⴽ ⴰⴷ ⵜⴻⵜⵜⵡⴰⵅⴷⴻⵎ ⴰⴽⴽⴻⵏ ⴰⴷ ⵏⴻⴼⴽ ⵜⴰⴼⴻⴽⴽⴰ ⵉ ⵓⵙⵎⴻⵏⴹⴻⵡ ⵏ ⵜⵎⴰⵣⵉⵖⵜ ⴷ ⵜⵓⵜⵍⴰⵢⵜ ⵜⴰⵖⴻⵍⵏⴰⵡⵜ ⵜⵓⵏⵚⵉⴱⵜ ⴷ ⴰⵙⴻⴹⵔⵓ ⵏ ⵏ ⵜⴻⴹⵔⵉⵙⵜ ⵙ ⵜⵎⴰⵣⵉⵖⵜ ⵏ ⵜⵎⴻⵏⴹⴰⵡⵜ, ⴰⵚⴰⴹⵓⴼ ⵏ ⵍⵙⴰⵙ ⵏ ⵜⵎⵓⵔⵜ’’ ⵉ ⴷ-ⵏⵏⴰⵏ ⵙⴻⴳ ⵜⴻⵖⴱⴰⵍⵓⵜ-ⵏⵏⵉ.

ⴰⵙⵓⵖⴻⵍ ⵏ ⵢⵉⴹⵔⵉⵙⴻⵏ ⵏⵏⵉⴹⴻⵏ ⵓⵏⵚⵉⴱⴻⵏ ⴰⵎⴻⴷⵢⴰ ⵏ (ⵓⵏⴰⵛⵉⴷ ⴰⵖⴻⵍⵏⴰⵡ, ⵜⴰⵙⴻⵖⵔⵓⵜ ⵏ ⵓⵎⴻⵣⵡⴰⵔⵓ ⵏ ⵡⴻⵎⴱⴻⵔ…), ⴷ ⴰⴱⵔⵉⴷ ⴰⵎⴻⵣⵡⴰⵔⵓ ⴰⵔⴰ ⵏⴰⵖ ⴷⴻⴳ ⵜⴰⵣⵡⴰⵔⴰ ⵉ ⴰⵖ-ⴷ-ⵏⵏⴰⵏ.

ⵙⵙⵓⵎⵔⴻⵏ-ⴷ ⴽⵓⵥ ⵉⵡⴻⵍⵍⵉⵀⴻⵏ ⵉ ⵢⴻⵔⵣⴰⵏ ⴰⵙⴻⴱⵖⴻⵙ ⵏ ⵓⵙⵓⵖⴻⵍ ⵖⴻⵔ ⵜⵎⴰⵣⵉⵖⵜ ⴷⴻⴳ ⵜⴰⴳⴳⴰⵔⴰ ⵏ ⵢⵉⵎⵓⵀⴰⵍ. ⴰⵖⴷⴻⴱⴱⵓ ⵢⴻⵔⵙ ⵖⴻⴼ ⵡⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵉⴽⴻⵎⵎⴻⵍ ⵓⵎⴰⵀⵉⵍ ⵏ ⵓⵙⵓⵖⴻⵍ ⵏ ⵜⵎⴻⵏⴹⴰⵡⵜ ⴰⴽⴽⴻⴷ ⵓⵙⵏⴻⵣⵡⵉ-ⵉⵙ ⴷⴻⴳ ⵢⵉⴷⴳⴻⵏ ⵏ ⵉⵏⵜⴻⵔⵏⴻⵜ, ⴷⴻⴳ ⵜⴰⵣⵡⴰⵔⴰ ⴷⴻⴳ ⵡⵉⵏ ⵏ ⵜⵏⴻⴳⴳⴰ ⵏ ⵜⴻⵍⵖⵓⵜ ⵜⴰⵣⵣⴰⵢⵔⵉⵜ (ⴰⵒⵙ) ⴰⴽⴽⴻⴷ ⵡⵉⵏ ⵏ ⵓⵙⴻⵇⵇⴰⵎⵓ ⵓⵏⵏⵉⴳ ⵏ ⵜⵉⵎⵎⵓⵣⵖⴰ (ⵀⵛⴰ).