Asebter amenzawi

Asuɣel ɣer tmaziɣt : yessefk ad yili akken ad nesseddu iḍrisen n uzadur n Uwanek

TIZI UZZU - Asuɣel ɣer tmaziɣt yessefk ad yili akken ad nesseddu iḍrisen n lsas n Uwanek, i d-zziregen, deg Tizi Uzzu, yimekkiyen deg yiwet n tnemselt ɣef ‘’usuɣel n yiḍrisen unṣiben : Tamenḍawt 2016’’.

Deg yiwen n ulɣu, i d-snezwin ass n ttlata, deg taggara n yimuhal n tnemselt i yessedda Boudjemaa Aziri, d aduktur deg tsensuɣelt deg useqqamu unnig n timmuzɣa (HCA), i ssuddsen ɣer tama n temlilit tussnant ɣef ‘’Belɛid at Ɛli (1909-1950) : d ameskar, d taṣekka i yessefk ad as-nales taɣuri’’, imekkiyen zzirgen-d ‘’beɣɣu n usnefli s tmaziɣt n wayen iceɣben aɣlan deg akk tiɣula’’ s usuɣel n yiṣuḍaf akked yiḍrisen unṣiben ɣer tutlayt-a taɣelnawt tunṣibt.

Yiwet seg gar tigawin i yessefk ad tettwaxdem akken ad nefk tafekka i usmenḍew n tmaziɣt d tutlayt taɣelnawt tunṣibt d aseḍru n n teḍrist s tmaziɣt n Tmenḍawt, aṣaḍuf n lsas n tmurt’’ i d-nnan seg teɣbalut-nni.

Asuɣel n yiḍrisen nniḍen unṣiben amedya n (unacid aɣelnaw, taseɣrut n umezwaru n wember…), d abrid amezwaru ara naɣ deg tazwara i aɣ-d-nnan.

Ssumren-d kuẓ iwellihen i yerzan asebɣes n usuɣel ɣer tmaziɣt deg taggara n yimuhal. Aɣdebbu yers ɣef wakken yessefk ad ikemmel umahil n usuɣel n tmenḍawt akked usnezwi-is deg yidgen n Internet, deg tazwara deg win n Tnegga n Telɣut Tazzayrit (APS) akked win n Useqqamu Unnig n Timmuzɣa (HCA).