Asebter amenzawi

Arẓam n 135 n tnariyin n Usenduq n Wid Ur Yesɛin Tacehṛit deg 4 n wayyuren ay d-yetteddun

TIZI WEZZU – Nnan-d unemhal amatu n Usenduq Aɣelnaw n Tɣellist Tanmettit n Wid Ur Yesɛin Tacehṛit (CASNOS), Acheuk-Youssef Chaouki, ass n ttlata deg Tizi Wezzu dakken Asenduq ad yernu ad yesɛu 135 n tnariyin (makatib) imaynuten deg 4 n wayyuren ay d-yetteddun.

«Neḍfer, seg melmi kan, yiwen n uɣawas aɣelnaw amaynu n wefraq n tnariyin s ussebded n tneggiwin (wakalat) n Usenduq deg yal tawilayt, yernu maci kan deg yal tamnaḍt am zik, yernu nga aya akken ad nesselhu iweẓla-nneɣ », ɣef wakken ay d-yenna umasay-a (mas’ul).

Yenna-d daɣ dakken « tineggiwin-a timnaḍanin ur llint zemrent ad d-lhun d wakk iɣeblan n wid d-yemmeṛkan deg temruzin (mulḥaqat), ama d tineggiwin n ugafa (camal) n tmurt, ama d tid n wenẓul ».

Yenna-d daɣ umasay-a dakken tamehla tamatut n Usenduq la txeddem imir-a akken ad tesɛu ugar n leɛqudat d tekliniyin, ladɣa tid ay yettgen timehlin (ɛamaliyyat) timdeqqeqin.

Yerna yenna-d dakken « aya ad d-yili deffir ma nessebded-d tamilalt n yemsenza d yinḍen (ḥirafiyyin), am wakken daɣ ad d-ttwasseḍrun yisenfaren niḍen i lfayda n yibugaṭuten, imensafaren (ṣaydaliyyin) d yemsujjiyen imesmuta ».