ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵏⴻⵎⵙⴻⵍⵜ ⵜⴰⴳⵔⴰⵖⵍⴰⵏⵜ ⵖⴻⴼ ⵜⴻⵎⵍⵉⵍⵜ ⵏ ⵉⵏⵜⴻⵔⵏⴻⵜ ⴷⴻⴳ ⵓⵎⴻⵏⵏⵓⵖ ⵎⴳⴰⵍ ⵜⴰⵥⵔⵉⵖⴻⴼⵜ ⴷⴻⴳ ⵍⴻⵣⵣⴰⵢⴻⵔ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵉⵎⵓⵀⴰⵍ ⵏ ⵢⵉⵡⴻⵜ ⵏ ⵜⵏⴻⵎⵙⴻⵍⵜ ⵜⴰⴳⵔⴰⵖⵍⴰⵏⵜ ⵖⴻⴼ ⵜⴻⵎⵍⵉⵍⵜ ⵏ ⵉⵏⵜⴻⵔⵏⴻⵜ ⴰⴽⴽⴻⴷ ⵢⵉⵣⴻⴹⴹⴰ ⵉⵏⵎⴻⵜⵜⵉⵢⴻⵏ ⴷⴻⴳ ⵓⵃⴻⵣⵣⴻⴱ ⴰⴽⴽⴻⴷ ⵓⵎⴻⵏⵏⵓⵖ ⵎⴳⴰⵍ ⵜⴰⵥⵔⵉⵖⴻⴼⵜ ⴰⴽⴽⴻⴷ ⵜⵔⴻⵎⵖⴰ ⵢⴻⵙⵙⴻⵎⵔⴰⵙⴻⵏ ⵉⵏⵜⴻⵔⵏⴰⵜ ⴱⴷⴰⵏ ⴰⵙⵙ ⵏ ⵍⴰⵔⴻⴱⵄⴰ ⴷⴻⴳ ⵍⴻⵣⵣⴰⵢⴻⵔ.
ⵜⴰⵏⴻⵎⵙⴻⵍⵜ, ⴰⵔⴰ ⵢⴻⴷⴷⵓⵏ ⴰⵔ ⴰⵙⵙ ⵏ ⵍⴻⵅⵎⵉⵙ, ⴰⴷ ⵜⴻⵙⵙⴻⴳⵔⴻⵡ ⵉⵏⴰⵡⵓⵔⴻⵏ ⵓⵏⵏⵉⴳⴻⵏ ⴰⴽⴽⴻⴷ ⵢⵉⵎⴰⵣⵣⴰⵢⴻⵏ, ⴷⵖⴰ ⴷⴻⴳ ⵜⴰⵖⵓⵍⵜ ⵏ ⵜⴻⵙⵏⴰⵜⵡⵉⵍⵉⵏ ⵏ ⵜⴻⵍⵖⵓⵜ ⴰⴽⴽⴻⴷ ⵜⴻⵖⵡⴰⵍⵜ, ⵏ ⵜⴻⵖⴷⴻⵎⵜ, ⵏ ⵜⴻⵎⵙⵓⵍⵜⴰ, ⵏ ⵢⵉⵎⴻⵥⵍⴰ ⵢⴻⵎⵅⴰⵍⵍⴰⴼⴻⵏ ⵏ ⵜⵖⴻⵍⵍⵉⵙⵜ, ⵏ ⴷⴷⵉⵏ, ⵏ ⵢⵉⵎⵉⴷⵢⴰⵜⴻⵏ, ⵏ ⵓⵙⴻⴳⵎⵉ ⴰⴽⴽⴻⴷ ⵜⴻⴳⵎⵉ ⵜⵓⵙⵙⵏⴰⵏⵜ (ⴰⵙⴻⴼⵔⴻⴽ ⴰⴽⴽⴻⴷ ⵜⵄⴻⵙⵙⴰⵙⵜ ⵏ ⵢⵉⵥⴻⴹⴹⴰ ⵏ ⵉⵏⵜⴻⵔⵏⴻⵜ) ⵢⴻⴷⴷⴰⵏ ⴷⴻⴳ ⵓⴱⵔⵉⴷ ⵏ ⵓⵎⴻⵏⵏⵓⵖ ⵎⴳⴰⵍ ⵜⴰⵔⴻⵎⵖⴰ ⴷⴻⴳ ⵉⵏⵜⴰⵔⵏⴻⵜ.
ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵜⵎⴰⵣⵖⴰ, ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴰⴽⴽⴻⴷ ⵜⴻⵎⵖⵓⵏⵜ ⵏ ⵢⵉⵡⵓⵏⴰⴽ ⴰⵄⵔⴰⴱⴻⵏ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ ⵢⴻⵣⵣⵉⵔⴻⴳ-ⴷ ⵎⵉ ⵍⴷⵉⵏ ⵢⵉⵎⵓⵀⴰⵍ ⵙ ⵓⵙⵓⴷⴷⴻⵙ ⵏ ⵜⵏⴻⵎⵙⴻⵍⵜ-ⴰ, ‘’ⵍⴻⵣⵣⴰⵢⴻⵔ, ⴰⵛⵖⴰⴱ ⵉ ⵜⵜ-ⵉⵛⴻⵖⴱⴻⵏ, ⴷ ⵎⴻⵙⵜⴻⵏ ⵏ ⵜⵖⴻⵍⵍⵉⵙⵜ-ⵉⵙ ⴷⴻⴳ ⵢⵉⵡⴻⵜ ⵏ ⵜⵡⴻⵏⵏⴰⴹⵜ ⵜⴰⵎⵏⴰⴹⴰⵏⵜ ⵉⴷⴻⴳ ⴰⵎⵉⵀⵉ ⵏ ⵜⵔⴻⵎⵖⴰ ⵜⴻⵜⵜⵉⵎⵖⵓⵔ ⵢⴰⵍ ⴰⵙⵙ’’.
