Asebter amenzawi
Seg Tasanayt s tmaziɣt imunen
Amtawa n umedhel gar Tnegga n APS akked tin Rrus Rossiya Segodnya
MUSKU – Yettwastenya yiwen n umtawa n umedhel akked umbiddel n telɣutin, ass n larebɛa deg Musku, gar Tnegga taɣelnawt n tɣamsa APS akked Tnegga tarusit n telɣut Rossiya Segodnya.
Yestenya amtawa-a unemhal amatu n Tnegga APS, Abdelhamid Kacha, akked Mass Oleg Ossipov, n Tnegga tarusit, deg Musku, ɣer tama n tirzi tunṣibt n uneɣlaf Amezwaru, Abdelmalek Sellal.
ɣef wakken i yers deg umtawa, mmezgent-d i snat tneggiwin akken ad sneflin amedhel asaduran ucrik deg taɣult n telɣut akken ad sǧehden amedhel ucrik gar snat tmura.
