Asebter amenzawi

Ikellef uneɣlaf amenzu alubnani Messahel ad yessiweḍ tabṛat n wesnemmer i uselway Bouteflika

BIRUT – Ikellef uneɣlaf amenzu alubnani, Salam Tammam, ass n ttlata, aneɣlaf n tɣawsiwin n Lmeɣreb d Temɣunt Taɛṛabt, Abdelkader Messahel, akken ad yessiweḍ tabṛat n leqder d wesnemmer i uselway n tegduda, Abdelaziz Bouteflika, ɣef wadduden uɣtisen (ṣarima) n Ldzayer deg wayen yerzan tasertit tabeṛṛanit.

Deg yiwen n udiwenni (ḥiwar) ay d-yellan deg ukatar n terzi n uxeddim ay iga Messahel ɣef Lubnan, bedren-d sin-a n yidisan tagnit deg snat-a n tmura d temnaḍt, am wakken ay d-wekkden aɛewwel-nsen akken ad sjehden assaɣen isindisanen.

Yewweḍ Mass Messahel ɣer Birut ass n ttlata akken ad yeg tirzi n uxeddim deffir ma yerza yagi ɣef Dimecq (Surya). Deg terzi-a, ad yessiwel Mass Messahel d yimasayen (mas’ulin) ilubnaniyen ɣef temsal n nnfeɛ ucrik d ttawilat n ussejhed n wassaɣen isindisanen izaden yellan gar Lezzayer d Lubnan.