ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵎⵙⵓⵍⵜⴰ ⵍⴰ ⵜⵅⴻⴷⴷⴻⵎ ⵖⴻⴼ ⵡⴻⵎⵄⴰⵡⴻⵏ ⴷ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⵉ ⵢⵉⵎⴻⵏⵖⵉ ⵎⴳⴰⵍ ⵜⴻⵊⵔⵉⵎⵜ
ⵄⵉⵏ ⴷⴷⴻⴼⵍⴰ – ⵜⴰⵎⴻⵀⵍⴰ (ⵎⵓⴷⵉⵔⵉⵢⵢⴰ) ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⵍⴰ ⵜⵅⴻⴷⴷⴻⵎ ⴰⴽⴽⴻⵏ ⴰⴷ ⵜⴻⵙⵄⵓ ⵜⵉⵛⵛⵓⵔⴽⴰ ⴰⴽⴽⴻⴷ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⴰⴽⴽⴻⵏ ⴰⴷ ⵜⴻⵏⵏⴰⵖ ⵎⴳⴰⵍ ⵜⴻⵊⵔⵉⵎⵜ ⴷ ⵢⵉⵅⴻⵚⵚⴰⵔⴻⵏ ⵉⵃⵓⵣⴰⵏ ⵜⵉⵎⴻⵜⵜⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵄⵉⵏ ⴷⴷⴻⴼⵍⴰ, ⵢⵉⵡⴻⵏ ⵏ ⵓⴼⴻⵙⵢⴰⵏ ⵉⵎⵉⵏⴻⴳ (ⴹⴰⴱⵉⵟ ⵙⴰⵎⵉ) ⵏ ⵜⵖⴻⵍⵍⵉⵙⵜ ⴷⴻⴳ ⵢⵉⵡⴻⵏ ⵏ ⵡⴻⵎⵢⴰⴳⴻⵔ ⴰⵢ ⴷ-ⵢⴻⵍⵍⴰⵏ ⵢⵉⵡⴻⵏ ⵡⴰⵙⵙ ⵓⵇⴱⴻⵍ ⵡⴰⵙⵙ ⴰⴳⵔⴰⵖⵍⴰⵏ ⵏ ⵜⵖⴻⵎⵙⴰ.
« ⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⴰⵢ ⵍⴰ ⵜⴻⵜⵜⴻⴳ ⵜⴻⵎⵙⵓⵍⵜⴰ (ⵛⵓⵔⵟⴰ) ⴷ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⵢⴻⵙⵙⴻⴼⴽ ⴰⴷ ⵎⵍⵉⵍⴻⵏ ⵎⴳⴰⵍ ⵜⴻⵊⵔⵉⵎⵜ ⴷ ⵢⵉⵅⴻⵚⵚⴰⵔⴻⵏ ⵉⵏⵎⴻⵜⵜⵉⵢⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⵡⴰⴹ ⴰⵎⵏⴰⴹⴰⵏ ⵏ ⵜⴻⵎⵙⵓⵍⵜⴰ ⵏ ⵜⵍⴻⵎⵎⴰⵙⵜ ⵏ ⵜⵎⵓⵔⵜ, ⵎⴰⵀⵎⵧⵓⴷ ⵔⴰⴱⴰⵀ, ⴷⴻⴳ ⵡⴰⵙⵙ ⵏ ⵜⴻⵣⵔⴰⵡⵜ ⴰⵢ ⴷ-ⵜⴻⵙⵙⵓⴷⴷⴻⵙ ⵜⵖⴻⵍⵍⵉⵙⵜ ⵏ ⵜⵡⵉⵍⴰⵢⵜ ⵏ ⵄⵉⵏ ⴷⴷⴻⴼⵍⴰ ⵙ ⵡⴻⵣⵡⴻⵍ ⵏ « ⵜⴰⵙⴻⵎⵔⴻⵙⵜ ⵜⴰⵖⴻⵎⵙⴰⵏⵜ ⴳⴰⵔ ⵡⴻⵎⵙⵉⵣⵡⴻⵔ ⴷ ⵜⵎⴰⵙⵉⵜ ».
ⵖⴻⴼ ⵍⴻⵃⵙⴰⴱ ⵏ ⵎⴰⵀⵎⵧⵓⴷ ⵔⴰⴱⴰⵀ, ⵜⴰⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⵜⴻⵙⵙⴰⵔⴰⵎ ⴰⴷ ⵙⵙⵉⵡⴹⴻⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⴰⴷ ⴷ-ⵙⵙⵓⴼⴼⵓⵖⴻⵏ ⵉⵙⴰⵍⴰⵏ ⴷ ⵉⵎⴻⵙⵖⵓⵔⴰ (ⵎⴰⵡⴹⵓⵄⵉⵢⵢⴰ), ⵢⴻⵜⵜⵡⴰⵙⴼⴻⵇⴷⴻⵏ ⵢⴻⵔⵏⵓ ⵣⴻⴷⴷⵉⴳⴻⵏ, ⴷ ⵉⵙⴰⵍⴰⵏ ⵓⵔ ⵢⴻⵜⵜⴹⴻⵍⵍⵉⵍⴻⵏ ⵎⴻⴷⴷⴻⵏ, ⵓⵔ ⵢⴻⵙⵙⵡⴰⵖⴻⵏ ⵜⴰⴼⴻⵍⵙⴰ (ⵎⵉⵚⴷⴰⵇⵉⵢⵢⴰ) ⵏ ⵜⵜⴰⵡⵉⵍⴰⵜ-ⵏⵏⵉ ⴰⵢ ⴷ-ⵢⴻⵙⵙⵓⴼⴼⵖⴻⵏ ⵉⵙⴰⵍⴰⵏ-ⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ ⴷⴰⴽⴽⴻⵏ ⵜⴰⵎⵙⵓⵍⵜⴰ ⵜⴻⴱⵖⴰ ⵙ ⵜⵉⴷⴻⵜ « ⴰⴷ ⵜⴻⵎⵄⴰⵡⴰⵏ » ⴷ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⴰⴽⴽⴻⵏ ⴰⴷ ⵏⵏⴰⵖⴻⵏ ⵎⴳⴰⵍ ⵙ ⴽⵔⴰ ⵏ ⵡⴰⵢⴻⵏ ⴰⵢ ⵉⵣⴻⵎⵔⴻⵏ « ⴰⴷ ⵢⴻⴱⴹⵓ ⵜⵉⵎⴻⵜⵜⵉ ⵏⴻⵖ ⴰⴷ ⵢⴻⵙⵡⴰⵖ ⵜⴰⴷⵓⴽⵍⵉ-ⵏⵏⴻⵙ ».
ⵙ ⵡⴰⵢⴰ, ⵢⴻⵏⵛⴻⴷ-ⴷ ⵉⵏⴻⵖⵎⴰⵙⴻⵏ ⴰⴽⴽⴻⵏ ⴰⴷ ⴷⴷⵓⵏ ⵖⴻⵔ ⵜⴻⴱⵏⵉⵇⵉⵏ ⵏ ⵜⴻⵖⵡⴰⵍⵜ ⵏ ⵡⴰⵎⵎⴰⵙⴻⵏ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⴰⴽⴽⴻⵏ ⴰⴷ ⴰⵙⴻⵏ-ⴷ-ⴼⴽⴻⵏ ⵉⵙⴰⵍⴰⵏ ⴰⵢ ⵃⵡⴰⵊⴻⵏ.
ⴷ ⴰⵛⵓ ⴽⴰⵏ, ⵢⴻⵏⵏⴰ-ⴷ ⴷⴰⴽⴽⴻⵏ ⴽⵔⴰ ⵏ ⵢⵉⵙⴰⵍⴰⵏ ⵓⵔ ⵣⵎⵉⵔⴻⵏ ⴰⴷ ⴷ-ⵜⵜⵓⵏⴻⴼⴽⴻⵏ ⵎⴰ ⵢⴻⵍⵍⴰ ⵜⴰⵎⵙⴰⵍⵜ ⴰⵜⵜⴰⵏ ⴷⴻⴳ ⵡⴻⵃⵜⴰⵛ, ⵢⴻⵔⵏⵓ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⵍⴻⵎⵎⴻⵔ ⴰⴷ ⴷ-ⵜⵜⵡⴰⴽⴻⵛⴼⴻⵏ ⵢⵉⵙⴰⵍⴰⵏ-ⴰ, ⵣⴻⵎⵔⴻⵏ ⴰⴷ ⴹⵓⵔⵔⴻⵏ ⴰⵃⵜⴰⵛ ⴷ ⵜⵙⴻⴽⴽⵉⵔⵉⵏ (ⵉⴵⵔⴰ’ⴰⵜ) ⵏ ⵍⵇⴰⵏⵓⵏ ⵢⴻⵇⵇⵏⴻⵏ ⵖⴻⵔ ⵡⴰⵢⴰ.
