ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵜⴰⵖⴻⵍⵏⴰⵡⵜ ⵏ ⵢⵉⵛⴰⵀⴻⵏ ⵏ ⵜⴻⵎⵙⵓⵍⵜⴰ: 65 ⵏ ⵢⵉⵎⴰⵔⵉⵔⴻⵏ ⴷⴻⴳ ⵜⴱⴻⵙⴽⴻⵔⵜ

ⵜⵉⴱⴻⵙⴽⴻⵔⵜ– ⵜⴻⴱⴷⴰ-ⴷ ⵜⴻⵍⵖⵓⵖⴰ ⵜⴰⵖⴻⵍⵏⴰⵡⵜ ⵜⵉⵙ 4 ⵏ ⵢⵉⵛⴰⵀⴻⵏ ⴳⴰⵔ ⵜⴻⵎⵙⵓⵍⵜⵉⵡⵉⵏ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵜⵣⴻⵇⵇⴰ ⵜⴰⴽⴽⴰⴷⴷⴰⵍⵜ ⵏ ⵓⵖⴻⵔⴱⴰⵣ ⴰⵎⵏⴰⴹⴰⵏ ⵏ ⵡⴰⴷⴷⴰⵍⴻⵏ ⵓⵍⵉⵎⵒⵉⵢⴻⵏ, ⵙ ⵓⵜⵜⴻⴽⴽⵉ ⵏ 65 ⵏ ⵢⵉⵎⴰⵔⵉⵔⴻⵏ ⴳⴰⵔ-ⴰⵙⴻⵏⵜ 22 ⵏ ⵜⵙⴻⴷⵏⴰⵏ.

ⴷⴻⴳ ⵜⵉⵏⴰⵡⵜ-ⵏⵏⴻⵙ, ⵎⵉ ⵜⴻⴱⴷⴰ ⵜⴻⵍⵖⵓⵖⴰ, ⵢⴻⵏⵏⴰ-ⴷ ⵓⵏⴻⵎⵀⴰⵍ ⵏ ⵜⵖⴻⵍⵍⵉⵙⵜ ⵜⴰⵎⴰⵜⵓⵜ ⵙ ⵢⵉⵙⴻⵎ ⵏ ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ, ⴷⴰⴽⴽⴻⵏ ⴰⵎⵙⵉⵣⵡⴻⵔ-ⴰ ⵏ 3 ⵏ ⵡⵓⵙⵙⴰⵏ ⵎⵍⴰⵍⴻⵏ-ⴷ ⴷⴻⴳ-ⵙ ⵢⵉⵎⴰⵔⵉⵔⴻⵏ ⵙⴻⴳ 5 ⵏ ⵜⴻⵎⵏⴰⴹⵉⵏ , ⵢⴻⵔⵏⵓ ⵜⵉ ⴷ ⵇⵙⴻⵏⵟⵉⵏⴰ, ⵡⴻⵀⵕⴰⵏ, ⴱⴻⵛⵛⴰⵕ, ⵍⴻⴱⵍⵉⴷⴰ ⴷ ⵡⴰⵔⴻⴳⵍⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵍⵍⴰ ⵡⴰⵢⴰ ⴷⴻⴳ ⵓⴽⴰⵜⴰⵔ (ⵉⵟⴰⵔ) ⵏ ⵜⴻⵙⵡⴰⵙⵜ ⵜⴰⴷⴷⴰⵍⴰⵏⵜ ⵏ ⵜⴻⵎⵙⵓⵍⵜⴰ ⴰⵢ ⴷ-ⵜⵀⴻⵢⵢⴰ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ.

ⵜⴰⵍⵖⵓⵖⴰ-ⴰ ⴰⴷ ⵜⴼⴰⴽ ⵙ ⵜⴼⵓⴳⵍⴰ ⵏ ⵜⵓⴽⵛⵉ ⵏ ⵡⴰⵔⵔⴰⵣⴻⵏ ⴰⴷ ⴷ-ⵢⵉⵍⵉⵏ ⴰⵙⵙ ⵏ ⵍⴻⵅⵎⵉⵙ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵏⵏⴰⵏ.