Asebter amenzawi

Talɣuɣa taɣelnawt n yicahen n temsulta: 65 n yimariren deg Tbeskert

TIBESKERT– Tebda-d Telɣuɣa taɣelnawt tis 4 n yicahen gar temsultiwin ass n ttlata deg tzeqqa takkaddalt n uɣerbaz amnaḍan n waddalen ulimpiyen, s uttekki n 65 n yimariren gar-asent 22 n tsednan.

Deg tinawt-nnes, mi tebda telɣuɣa, yenna-d unemhal n tɣellist tamatut s yisem n unemhal amatu n tɣellist taɣelnawt, dakken amsizwer-a n 3 n wussan mlalen-d deg-s yimariren seg 5 n temnaḍin , yernu ti d Qsenṭina, Wehṛan, Beccaṛ, Leblida d Waregla, am wakken ay d-yella waya deg ukatar (iṭar) n teswast taddalant n temsulta ay d-theyya Tmehla Tamatut n Tɣellist Taɣelnawt.

Talɣuɣa-a ad tfak s tfugla n tukci n warrazen ad d-yilin ass n lexmis, ɣef wakken ay aɣ-d-nnan.