ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵎⵙⵉⵣⵡⴻⵔⵜ ⵏ ⵓⵙⵙⴻⵎⵔⴻⵙ ⵏ ⵢⵉⵙⴻⵍⵎⴰⴷⴻⵏ ⵉⵎⴳⵓⵜⴰ: ⵡⵉⴷ ⵜⴻⵔⵣⴰ ⵜⴻⵎⵙⴰⵍⵜ ⵣⴻⵎⵔⴻⵏ ⴰⴷ ⵎⵎⴻⵕⴽⵉⵏ ⴰⵙⵙ ⵏ ⵍⴻⵅⵎⵉⵙ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴷⴻⴼⴼⵉⵔ ⵎⴰ ⵙⵙⵓⵜⵔⴻⵏ ⵢⵉⵙⴻⵍⵎⴰⴷⴻⵏ ⵉⵎⴳⵓⵜⴰ ⵓⵔ ⵢⴻⵎⵎⴻⵕⴽⴰⵏ ⵉⵎⴰⵏ-ⵏⵙⴻⵏ ⴰⴽⴽⴻⵏ ⴰⴷ ⵜⴻⵜⵜⵡⴰⵙⵙⴻⵖⵣⴻⴼ ⵜⴰⵍⵍⵉⵜ ⵏ ⵓⵎⵎⴻⵕⴽⵉ, ⵢⴻⵔⵏⵓ ⵙ ⵓⵇⴰⴷⴻⵔ ⵏ ⵜⵙⴻⵔⵜⵉⵜ ⵏ ⵓⵙⵙⴻⴼⵔⴻⴽ ⴷ ⵓⵀⴻⴷⴷⴻⵏ ⴰⵢ ⴹⴻⴼⵔⴻⵏ ⵢⵉⴷⵓⴱⴰ ⵉⵏⴰⴳⴷⵓⴷⴻⵏ (ⵙⵓⵍⵓⵟⴰⵜ ⵄⵓⵎⵓⵎⵉⵢⵢⴰ), ⵉⵅⴻⴱⴱⴻⵔ-ⴷ ⵡⴻⵖⵍⵉⴼ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ ⴷⴰⴽⴽⴻⵏ ⵡⵉⴷ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⵣⴻⵎⵔⴻⵏ ⴰⴷ ⵙⵙⴻⵔⵙⴻⵏ ⵉⴽⴰⵔⴰⵎⴻⵏ-ⵏⵙⴻⵏ (ⵎⵉⵍⴰⴼⴼⴰⵜ) ⴰⵙⵙ ⵏ ⵍⴻⵅⵎⵉⵙ 28 ⵢⴻⴱⵔⵉⵔ 2016 ⵙⴻⴳ ⵜⵉⵙ 8:00 ⵏ ⵜⵚⴻⴱⵃⵉⵜ ⵖⴻⵔ ⵜⵉⵙ 6:00 ⵜⵎⴻⴷⴷⵉⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵡⴻⵍⵖⵓ ⵏ ⵡⴻⵖⵍⵉⴼ.

ⵡⵉⴷ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⵢⴻⵙⵙⴻⴼⴽ ⴰⴷ ⴷ-ⴰⵡⵉⵏ ⴰⴽⴰⵔⴰⵎ ⴰⵢⴷⴻⴳ ⵢⴻⵍⵍⴰ ⵓⵙⵙⵓⵜⴻⵔ ⵢⵓⵔⴰⵏ, ⵜⴰⵙⵓⴽⵉⵏⵜ (ⵏⵓⵙⵅⴰ) ⵏ ⵓⴳⴻⵔⴷⴰⵙ-ⵏⵙⴻⵏ (ⵛⴰⵀⴰⴷⴰ) ⴷ ⵜⵙⴰⴳⴳⵉⵢⵉⵏ-ⵏⵙⴻⵏ (ⵜⴰⵚⵔⵉⵃⴰⵜ) ⵏ ⵓⵅⴻⴷⴷⵉⵎ ⴷⴻⴳ ⵡⴻⵃⵔⵉⵛ ⵏ ⵓⵙⵙⴻⴳⵎⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ-ⵏⵏⵉ.