Asebter amenzawi

Timsizwert n ussemres n yiselmaden imguta: wid terza temsalt zemren ad mmeṛkin ass n lexmis

LEZZAYER TAMANEɣT – Deffir ma ssutren yiselmaden imguta ur yemmeṛkan iman-nsen akken ad tettwasseɣzef tallit n ummeṛki, yernu s uqader n tsertit n ussefrek d uhedden ay ḍefren yiduba inagduden (suluṭat ɛumumiyya), ixebber-d weɣlif n ussegmi aɣelnaw dakken wid ay terza temsalt zemren ad ssersen ikaramen-nsen (milaffat) ass n lexmis 28 Yebrir 2016 seg tis 8:00 n tṣebḥit ɣer tis 6:00 tmeddit, ɣef wakken ay d-yenna yiwen n welɣu n weɣlif.

Wid ay terza temsalt yessefk ad d-awin akaram aydeg yella ussuter yuran, tasukint (nusxa) n ugerdas-nsen (cahada) d tsaggiyin-nsen (taṣriḥat) n uxeddim deg weḥric n ussegmi, ɣef wakken ay d-yenna welɣu-nni.