ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵃⴻⵜⵜⴻⵜ-ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ ⵖⴻⴼ ⵡⴻⵃⵔⴰⵣ ⵏ ⵢⴻⴽⵙⴰⴱⴻⵏ
ⵎⴻⵙⵜⵖⴰⵏⴻⵎ– ⵉⵃⴻⵜⵜⴻⵜ-ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⵏⵧⵓⵔⴻⴷⵉⵏⴻ ⴱⴻⴷⵧⵓⵉ, ⴰⵙⵙ ⵏ ⵍⴰⵕⴻⴱⵄⴰ ⵜⴰⵎⴻⴷⴷⵉⵜ ⴷⴻⴳ ⵎⴻⵙⵜⵖⴰⵏⴻⵎ, ⵖⴻⴼ ⵡⴻⵃⵔⴰⵣ ⵏ ⵢⴻⴽⵙⴰⴱⴻⵏ ⴰⵢ ⴷ-ⵢⴻⴽⴽⴰⵏ ⵙⴻⴳ ⵢⵉⵙⴻⴼⵍⴻⵏ ⴰⵢ ⵢⴻⵜⵜⵓⵏⴻⴼⴽⴻⵏ ⴷ ⵜⵎⵓⵖⵍⵉ ⵜⴰⴼⵔⴰⵔⴰⵢⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ.
ⴷⴻⴳ ⵢⵉⵡⴻⵏ ⵏ ⵡⴻⵎⵢⴰⴳⴻⵔ ⴷ ⵜⵎⴻⵜⵜⵉ ⵜⴰⵖⴰⵔⵉⵎⵜ ⴷⴻⴳ ⵡⴰⵙⵙ ⴰⵎⴻⵣⵡⴰⵔⵓ ⵏ ⵜⴻⵔⵣⵉ-ⵏⵏⴻⵙ ⵖⴻⴼ ⵜⵡⵉⵍⴰⵢⵜ, ⵉⴳⴻⵔ-ⴷ ⵓⵏⴻⵖⵍⴰⴼ ⵜⵉⵖⵔⵉ ⵉ ⵡⴻⵃⵔⴰⵣ ⵏ ⵢⴻⴽⵙⴰⴱⴻⵏ ⵏ ⵜⴰⵍⵡⵉⵜ ⴷ ⵡⴻⵔⴽⴰⴷ ⴰⵢ ⴷ-ⵜⵃⴻⵍⵍⴰ ⵜⵎⵓⵔⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⵙ ⵜⵎⴻⵔⵡⴰ (ⵄⴰⵛⵔⵉⵢⵢⴰ) ⵜⴰⴱⴻⵔⴽⴰⵏⵜ ⴰⵢ ⵉⵄⴻⴷⴷⴰⵏ ⵖⴻⴼ ⵍⴻⵣⵣⴰⵢⴻⵔ ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⵙⴷⵓⵇⵇⴻⵙ ⵡⴻⵙⵏⴻⴼⵍⵉ (ⵜⴰⵏⵎⵉⵢⴰ) ⴰⵖⴻⵍⵏⴰⵡ ⵉ ⵍⴻⵀⵏⴰ ⵏ ⵜⵎⵓⵔⵜ. ⵡⴰ ⴷ ⴰⵛⵇⵉⵔⵔⴻⵡ ⴰⵢ ⵜⵇⵓⴱⴻⵍ ⵍⴻⵣⵣⴰⵢⴻⵔ ⵙ ⵡⴰⵀⵉⵍⴻⵏ-ⵏⵏⴻⵙ ⴰⵢⵖⴻⴼ ⴷ-ⵉⴹⴻⴱⴱⴻⵔ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷⴻⴳ ⵡⴰⴽⴽ ⵉⵏⵓⵔⴰⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
« ⵡⴰⵔ ⴰⵣⴰⵍⴻⵏ ⵢⴻⵥⵥⴰⵏ ⴷⴻⴳ ⵜⵎⴻⵜⵜⵉ ⵜⴰⵖⴰⵔⵉⵎⵜ ⴷ ⵡⴰⵣⴰⵍⴻⵏ ⵏ ⵡⴻⵎⵙⵓⵖⴰⵍ ⴰⵖⴻⵍⵏⴰⵡ, ⵓⵔ ⵏⴻⵣⵎⵉⵔ ⴰⴷ ⴷ-ⵏⴻⵙⵙⵉⵡⴻⵍ ⵖⴻⴼ ⵜⵣⵉⵜⵍⵉⵡⵉⵏ (ⵟⵓⵎⵓⵃⴰⵜ) ⵏ ⵓⵏⵏⴻⴼⵍⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⵉⴷⵓⴱⴰ (ⵙⵓⵍⵓⵟⴰⵜ) ⵉⵏⴰⴳⴷⵓⴷⴻⵏ ⴰⵜⵏⵉ ⵉ ⵍⵎⴻⵏⴷ ⵏ ⵓⵖⴻⵔⵎⴰⵏ ⴰⴷⵣⴰⵢⵔⵉ ⴷ ⵡⴰⵢⴻⵏ ⵢⴻⵙⵙⴰⵔⴰⵎ, ⵢⴻⵔⵏⵓ ⴰⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ ⵍⴰ ⵉⵅⴻⴷⴷⴻⵎ ⴰⴽⴽⴻⵏ ⴰⴷ ⴷ-ⵢⴻⵙⵙⵓⴼⴼⴻⵖ ⴰⵙⵙⵉⵔⴻⵎ ⵏ ⵡⴻⵖⵔⴻⴼ ⵖⴻⵔ ⵜⵉⴷⴻⵜ.
ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵢⴻⵙⵎⴻⴽⵜⵉ-ⴷ ⵎⴰⵙⵙ ⴱⴻⴷⵧⵓⵉ ⵙ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⵏ ⵡⴻⵖⵍⵉⴼ-ⵏⵏⴻⵙ ⵉ ⵓⵙⵙⴻⵍⵀⵓ ⵏ ⵓⵎⴻⵥⵍⵓ ⴰⵏⴰⴳⴷⵓⴷ (ⵅⵉⴷⵎⴰ ⵄⵓⵎⵓⵎⵉⵢⵢⴰ) ⵏ ⵜⴻⴷⴱⴻⵍⵜ ⴷ ⵓⵙⵙⴻⴼⵔⴻⴽ ⴰⵍⵉⴽⵜⵕⵓⵏⴰⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵖⴻⴼ ⵓⵜⵜⴻⴽⴽⵉ ⵏ ⵓⵖⴻⵔⵎⴰⵏ ⴷⴻⴳ ⵡⴻⵙⵏⴻⴼⵍⵉ.
ⵉⵡⴻⴽⴽⴻⴷ-ⴷ ⴷⴰⵖ ⵓⵏⴻⵖⵍⴰⴼ ⴰⵄⴻⵡⵡⴻⵍ ⵏ ⵡⴻⵖⵍⵉⴼ-ⵏⵏⴻⵙ ⵖⴻⴼ ⵓⴽⴻⵎⵎⴻⵍ ⵏ ⵍⴻⵎⵄⴰⵡⵏⴰ ⵜⴰⴷⴰⵎⵙⴰⵏⵜ ⴷⴻⴳ ⵜⵡⵉⵍⴰⵢⵜ ⵏ ⵎⴻⵙⵜⵖⴰⵏⴻⵎ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ ⴷⴰⴽⴽⴻⵏ ⵓⵔ ⵢⴻⵜⵜⵄⴻⴹⴹⵉⵍ ⴰⴷ ⴷ-ⵢⵉⵍⵉ ⵓⵙⴻⵏⴼⴰⵔ ⵉ ⵡⴻⵙⵏⵓⵍⴼⵓ ⵏ ⵡⴰⵎⵎⴰⵙ ⴰⵎⴰⵢⵏⵓ ⵏ ⵡⴻⵎⴹⴰⵍ ⵏ ⵜⵓⵔⵙⴰⴹ ⴷⴻⴳ ⵜⵖⵉⵡⴰⵏⵜ-ⴰ.
