Asebter amenzawi

Iḥettet-d uneɣlaf n tɣawsiwin n daxel ɣef weḥraz n yeksaben

MESTɣANEM– Iḥettet-d uneɣlaf n tɣawsiwin n daxel, Nouredine Bedoui, ass n laṛebɛa tameddit deg Mestɣanem, ɣef weḥraz n yeksaben ay d-yekkan seg yiseflen ay yettunefken d tmuɣli tafrarayt n uselway n tegduda, Abdelaziz Bouteflika.

Deg yiwen n wemyager d tmetti taɣarimt deg wass amezwaru n terzi-nnes ɣef twilayt, iger-d uneɣlaf tiɣri i weḥraz n yeksaben n talwit d werkad ay d-tḥella tmurt, am wakken ay d-yesmekti s tmerwa (ɛacriyya) taberkant ay iɛeddan ɣef Lezzayer yernu yenna-d dakken yessefk ad yettwasduqqes wesnefli (tanmiya) aɣelnaw i lehna n tmurt. Wa d acqirrew ay tqubel Lezzayer s wahilen-nnes ayɣef d-iḍebber uselway n tegduda deg wakk inurar, ɣef wakken ay d-yenna.

« War azalen yeẓẓan deg tmetti taɣarimt d wazalen n wemsuɣal aɣelnaw, ur nezmir ad d-nessiwel ɣef tzitliwin (ṭumuḥat) n unnefli », ɣef wakken ay d-yenna, am wakken ay d-yerna dakken iduba (suluṭat) inagduden atni i lmend n uɣerman adzayri d wayen yessaram, yernu aɣlif n tɣawsiwin n daxel la ixeddem akken ad d-yessuffeɣ assirem n weɣref ɣer tidet.

Dɣa deg temsalt-a, yesmekti-d Mass Bedoui s wussisen (maǧhudat) n weɣlif-nnes i usselhu n umeẓlu anagdud (xidma ɛumumiyya) n tedbelt d ussefrek aliktṛunan, am wakken ay d-iwekked ɣef uttekki n uɣerman deg wesnefli.

Iwekked-d daɣ uneɣlaf aɛewwel n weɣlif-nnes ɣef ukemmel n lemɛawna tadamsant deg twilayt n Mestɣanem, am wakken ay d-ixebber dakken ur yettɛeḍḍil ad d-yili usenfar i wesnulfu n wammas amaynu n wemḍal n tursaḍ deg tɣiwant-a.