Asebter amenzawi

Taqbuct n Lezzayer : Massa taqbuct d tinebgit ɣer Bab Lwad

LEZZAYER – Tarkeft n ’’Teqbuct n Lezzayer 2016’’, s tzikent-is ileḥḥun i umi semman ‘’Massa Taqbuct’’, i tessuddes i tikkelt tis snat teṛmist Mobilis akked Tfidiralit tazzayrit n tcirt n uḍar (FAF), tettkemmil tuzzya-s akken ad tegri d tinebgit deg Bab Lwad, lexmis-a deg unrar Ferhani qbel taggara s kraḍ wussan ideg ara mqabalen MC Alger akked NA Hussein-Dey, ass n lḥedd deg unrar n 5 yulyu deg Tmaneɣ ɣef (16s30).

Massa Taqbuct’’ mmugren-tt s lferḥ akked leqder wid iḥemmlen taɣlamt n MCA, i yelḥan deg yiberdan akken ad ṭṭfen yid-s tiwlifin ara yeqqimen deg umezruy s tihawt n usleɣmay n teɣlamt, Lotfi Amrouche akked uselway n tesmilt n usuddes n tzizwert, Ali Malek.

Imesnilen n Mouloudia kkin akken ad cerken lferḥ d widen iḥemmlen taɣlamt, s usirem akken ad tegri teqbuct deg Bab Lwad mi ara yuraren timlilit n taggara akken ad xeddmen tameɣra tameqqrant deg yiɣladen n teɣlamt taqburt n tmaneɣt.