ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵖⴻⵍⵍⴰ ⵏ ⵢⵉⴼⴻⵙⵢⴰⵏⴻⵏ ⵏ ⵢⵉⴳⴻⵏ ⴰⵖⴻⵍⵏⴰⵡ ⵢⴻⵔⵣⴰ ⵖⴻⵔ ⵜⴻⵕⵎⵉⵙⵜ ⵜⴰⵖⴻⵍⵏⴰⵡⵜ ⵏ ⵓⴼⴰⵔⴻⵙ ⵏ ⵢⵉⴽⴰⵎⵢⵓⵏⴻⵏ ⴷⵉ ⵔⵧⵓⵉⴱⴰ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵊⵉⵏⵉⵔⴰⵍ ⵏ ⵜⴼⴻⴽⴽⴰ ⵏ ⵜⵔⴻⴷⵙⴰ, ⴰⵀⵎⴻⴷ ⴳⴰïⴷ ⵙⴰⵍⴰⵀ, ⴰⵏⵎⴰⵣⵓⵍ ⵏ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ, ⴰⵖⴻⵍⵍⴰ ⵏ ⵢⵉⴼⴻⵙⵢⴰⵏⴻⵏ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ (ⴰⵏⵒ) ⵢⴻⵔⵣⴰ ⴰⵙⵙ ⵏ ⵍⴰⵔⴻⴱⵄⴰ ⵙ ⴰⵅⵅⴰⵎ ⵏ ⵜⴻⵕⵎⵉⵙⵜ ⵜⴰⵖⴻⵍⵏⴰⵡⵜ ⵏ ⵓⴼⴰⵔⴻⵙ ⵏ ⵢⵉⴽⴰⵎⵢⵓⵏⴻⵏ ⴷⴻⴳ ⵔⵡⵉⴱⴰ ⴰⴽⴽⴻⵏ ⴰⴷ ⵉⵡⴰⵍⵉ ⵜⵉⵎⵓⴷⵎⵉⵏ ⵜⵉⵎⴰⵢⵏⵓⵜⵉⵏ ⵏ ⵢⵉⴽⴰⵎⵢⵓⵏⴻⵏ ⴰⴽⴽⴻⴷ ⵍⴽⵉⵔⴰⵏ, ⴰⵣⵓⵏ ⵏ ⵎⴻⵔⵛⴻⴷⴻⵙ-ⴱⴻⵏⵣ, ⵉ ⴷ-ⵜⴻⴼⴰⵔⵙ ⵜⴻⵕⵎⵉⵙⵜ-ⴰ, ⵉ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ (ⵎⴷⵏ).
ⵙⴻⴳ ⵢⴻⴹⴼⴻⵔ ⵢⵉⵡⴻⵏ ⵏ ⵓⴼⵙⵉⵔ ⵖⴻⴼ ⵜⴻⵕⵎⵉⵙⵜ-ⴰ, ⴰⵊⵉⵏⵉⵔⴰⵍ ⵏ ⵜⴼⴻⴽⴽⴰ ⵏ ⵜⵔⴻⴷⵙⴰ ⵉⵡⴰⵍⴰ ⵉⴷⴳⴻⵏ ⵏ ⵓⴼⴰⵔⴻⵙ, ⵙⴰⴽⵉⵏ ⵢⴻⵙⵡⴻⴹ ⴰⴽⴰⵍⴰ ⵏ ⵓⵙⴻⴹⵔⵓ ⵏ ⵢⵉⴽⴰⵎⵢⵓⵏⴻⵏ ⴰⴽⴽⴻⴷ ⵍⴽⵉⵔⴰⵏ, ⵉⵡⴰⵍⴰ ⴷⴰⵖⴻⵏ ⴽⵔⴰ ⵏ ⵜⵎⵓⴷⵎⵉⵏ ⵉ ⴷ-ⴼⴰⵔⵙⴻⵏ ⵢⵉⴼⴰⵙⵙⴻⵏ ⵉⵣⵣⴰⵢⵔⵉⵢⴻⵏ’’, ⵉ ⴷ-ⵜⴻⵙⵙⴻⴷⴷⵉ ⵜⴻⵖⴱⴰⵍⵓⵜ-ⵏⵏⵉ.
ⴰⵊⵉⵏⵉⵔⴰⵍ ⵏ ⵜⴼⴻⴽⴽⴰ ⵏ ⵜⵔⴻⴷⵙⴰ ‘’ⵢⴻⴽⴽⴻⵙ ⵜⴰⴷⵓⵍⵉ ⵖⴻⴼ ⵜⵎⵓⴷⵎⵉⵏ ⵜⵉⵎⴻⵣⵡⵓⵔⴰ ⵉ ⴷ-ⵜⴼⴰⵔⴻⵙ ⵜⴻⵕⵎⵉⵙⵜ-ⴰ, ⵢⴻⵔⵏⴰ ⵉⵀⴰ ⵉ ⵓⵣⵉⴽⴻⵏ ⵏ ⵡⴰⵎⴻⴽ ⵉ ⵜⴻⴷⴷⵓⵏ ⴰⴽⴽⴻⴷ ⵜⴻⵣⵎⴻⵔⵜ ⵏ ⵢⵉⴽⴰⵎⵢⵓⵏⴻⵏ ⴰⴽⴽⴻⴷ ⵍⴽⵉⵔⴰⵏ ⴷⴻⴳ ⵓⴱⵔⵉⴷ ⵢⴻⵙⵄⴰⵏ ⵓⴳⵓⵔⴻⵏ ⴰⴽⴽⴻⴷ ⵢⴻⵥⵔⴰ’’.
