ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵖⵉⵏ ⵏ ⵓⴷⴻⴼⵔⵉⵔ ‘’ⴻⵍ ⴽⵀⴰⴱⴰⵔ’’ : ⴷ ⴰⵢⴻⵏ ⵢⴻⵔⵣⴰⵏ ⵜⴰⵏⴻⵣⵣⵓⵜ, ⴷ ⵜⴰⵖⴷⴻⵎⵜ ⴰⵔⴰ ⵜⵜ-ⵉⴷ-ⵢⴻⴼⵔⵓⵏ

ⵇⵚⴻⵏⵟⵉⵏⴰ – ⴰⵏⴻⵖⵍⴰⴼ ⵏ ⵜⴻⵖⵡⴰⵍⵜ, ⵀⴰⵎⵉⴷ ⴳⵔⵉⵏⴻ, ⵢⴻⵏⵏⴰ-ⴷ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵇⵚⴻⵏⵟⵉⵏⴰ ⴷⴰⴽⴽⴻⵏ ‘’ⵜⵉⵖⵉⵏ ⵏ ⵓⴷⴻⴼⵔⵉⵔ ‘’ⴻⵍ ⴽⵀⴰⴱⴰⵔ’’ ⴷ ⴰⵢⴻⵏ ⵢⴻⵔⵣⴰⵏ ⵜⴰⵏⴻⵣⵣⵓⵜ, ⴷ ⵜⴰⵖⴷⴻⵎⵜ ⴰⵔⴰ ⵜⵜ-ⵉⴷ-ⵢⴻⴼⵔⵓⵏ, ⴷ ⵏⴻⵜⵜⴰⵜ ⴰⵔⴰ ⵉⵡⴰⵍⵉⵏ ⵎⴰ ⵢⴻⵍⵍⴰ ⵜⵇⵓⴷⴻⵔ ⴰⵚⴰⴹⵓⴼ ⵏⵉⵖ ⴰⵍⴰ’’.

ⵎⵉ ⵢⴻⵍⵍⴰ ⵢⴻⵜⵜⵎⴻⵙⵍⴰⵢ-ⴷ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵢⴻⵔⵣⴰⵏ ⴰⵙⵉⵙⵙⴻⵏ ⴰⴽⴽⴻⴷ ⵓⵙⴻⴽⵜⴰⵣⴰⵍ ⵏ ⵜⴷⵓⵍⵉ ⵏ ⵜⴻⵍⵖⵓⵜ ⵏ’’ⵇⵚⴻⵏⵟⵉⵏⴰ, ⵜⴰⵎⴰⵏⴻⵖⵜ 2015 ⵏ ⵢⵉⴷⵍⴻⵙ ⴰⵄⵔⴰⴱ’’, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ‘’ⴰⵚⴰⴹⵓⴼ ⵏ ⵜⴻⴳⴷⵓⴷⴰ ⵢⴻⴽⴽⴰ-ⴷ ⵏⵏⵉⴳ ⵎⴻⴷⴷⴻⵏ ⴰⴽⴽ, ⴷⴻⴳ ⵓⵡⴻⵥⵍⵓ-ⴰ, ⴰⵡⴰⵍ ⴰⵏⴻⴳⴳⴰⵔⵓ ⴰⴷ ⵢⴻⴳⵔⵉ ⵖⵓⵔ ⵜⴻⵖⴷⴻⵎⵜ.

ⵖⴻⴼ ⵓⵡⴻⵥⵍⵓ-ⴰ, ⴰⵏⴻⵖⵍⴰⴼ ⵏ ⵜⴻⵖⵡⴰⵍⵜ ‘’ⵢⴻⵙⵙⴻⵎⵔⴻⵙ ⴰⵚⴰⴹⵓⴼ ⵏ ⵜⴻⴳⴷⵓⴷⴰ (ⴰⵏⴳⴰⵍ ⵏ ⵜⴻⵍⵖⵓⵜ) ⵜⵓⵔⴰ ⵢⴻⵜⵜⵔⴰⴵⵓ ⴷ ⴰⵛⵓ ⴰⵔⴰ ⴷ-ⵜⵉⵏⵉ ⵜⴻⵖⴷⴻⵎⵜ’’, ⵢⴻⵔⵏⴰ ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⵢⴻⵜⵜⵎⴻⵙⵍⴰⵢ ‘’ⵡⴰⵔ ⴰⵔⴰⵎⵙⵓ ⵏⴻⵖ ⵉⴼⵔⴰⵢⴻⵏ’’.