ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵖⵍⵉⴼ ⵏ ⵜⴻⵖⴷⴻⵎⵜ ⵍⴰ ⵉⵅⴻⴷⴷⴻⵎ ⴰⴽⴽⴻⵏ ⴰⴷ ⵢⴻⴽⴽⴻⵙ ⵍⵃⴻⵕⵙ ⵖⴻⴼ ⵢⵉⵏⴻⵣⵔⴰⴼⴻⵏ (ⴰⵏⴻⵖⵍⴰⴼ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵜ, 28 ⵢⴻⴱⵔⵉⵔ 2016 – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴻⵖⴷⴻⵎⵜ, ⵜⴰⵢⴻⴱ ⵍⵧⵓⵀ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷⴰⴽⴽⴻⵏ ⴰⵖⵍⵉⴼ-ⵏⵏⴻⵙ ⵍⴰ ⵉⵅⴻⴷⴷⴻⵎ ⴰⴽⴽⴻⵏ « ⴰⴷ ⵢⴻⴽⴽⴻⵙ ⴰⴽⴽ ⵍⵃⴻⵕⵙ » ⴰⵢ ⵉⵣⴻⵎⵔⴻⵏ ⴰⴷ ⴷ-ⵢⵉⵍⵉ ⵖⴻⴼ ⵢⵉⵏⴻⵣⵔⴰⴼⴻⵏ (ⵇⵓⴹⴰⵜ), ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵛⴻⴳⴳⴻⵔ (ⵎⵓⵔⴰⴵⴰⵄⴰ) ⵏ ⵓⵏⴰⴳⵔⴰⵡ ⵏ ⵓⵙⵙⵉⵍⴻⵖ ⵏ ⵢⵉⵏⴻⵣⵔⴰⴼⴻⵏ.

ⴷⴻⴳ ⵢⵉⵡⴻⵏ ⵏ ⵓⵏⴻⵙⴽⵉⵏ (ⵄⴰⵔⴹ) ⴰⵢ ⴷ-ⵉⵇⴻⴷⴷⴻⵎ ⵉ ⵜⵙⴻⵇⵇⴰⵎⵓⵜ ⵏ ⵜⴻⴷⵔⵉⵎⵜ ⴷ ⵓⵎⴰⵔⵓⴷ ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ, ⴷⴻⴳ ⵓⴽⴰⵜⴰⵔ ⵏ ⵓⵙⵙⵓⴽⴽⵓ ⵏ ⵜⵉⵟ ⵖⴻⴼ ⵓⵙⴻⵏⴼⴰⵔ ⵏ ⵍⵇⴰⵏⵓⵏ ⵏ ⵡⴻⵙⵍⴰⴳⴰⵏ ⵏ ⵓⵎⴰⵔⵓⴷ ⵏ 2013, ⵢⴻⵏⵏⴰ-ⴷ ⵎⴰⵙⵙ ⵍⵧⵓⵀ ⴷⴰⴽⴽⴻⵏ « ⵜⵓⴽⴽⵙⴰ ⵏ ⵍⵃⴻⵕⵙ ⵖⴻⴼ ⵢⵉⵏⴻⵣⵔⴰⴼⴻⵏ ⵉ ⵍⴻⴱⴷⴰ ⵜⴻⵜⵜⴻⴽⴽⴰ ⴷⴻⴳ ⵜⵙⴻⵎⵎⴻⵙⴽⴻⵍⵜ (ⵉⵚⵍⴰⵃ) ⵏ ⵜⴻⵖⴷⴻⵎⵜ ».

ⵉⵡⴻⴽⴽⴻⴷ-ⴷ ⴷⴰⵖ ⵓⵏⴻⵖⵍⴰⴼ ⴷⴰⴽⴽⴻⵏ ⴰⵛⴻⴳⴳⴻⵔ ⵏ ⵓⵏⴰⴳⵔⴰⵡ ⵏ ⵓⵙⵙⵉⵍⴻⵖ ⵏ ⵢⵉⵏⴻⵣⵔⴰⴼⴻⵏ ⴷ ⵡⵉⵏ ⴰⵢⴷⴻⴳ ⵜⴰⵍⵍⵉⵜ ⵏ ⵓⵙⵙⵉⵍⴻⵖ ⵜⴻⵣⵎⴻⵔ ⴰⴷ ⵜⵓⵖⴰⵍ 4 ⵏ ⵢⵉⵙⴻⴳⴳⴰⵙⴻⵏ ⴷⴻⴳ ⵡⴻⴱⴷⵉⵍ ⵏ 3, ⵢⴻⵔⵏⵓ ⴰⴷ ⴷ-ⵙⵏⵓⵍⴼⵓⵏ ⵜⵉⵣⴳⴻⵍⵜ ⵏ ⵓⴼⴰⵣⵉ (ⵇⵓⵟⴱ ⵉⵎⵜⵉⵢⴰⵣ) ⴷⴻⴳ ⵓⴽⴰⵜⴰⵔ ⵏ ⵡⴻⵙⵎⴰⵍ ⵏ ⵜⴻⵖⴱⵓⵍⴰ ⵜⴰⵍⵙⴰⵏⵉⵏ (ⵎⴰⵡⴰⵔⵉⴷ ⴱⴰⵛⴰⵔⵉⵢⵢⴰ).

ⵎⵉ ⵢⴻⵜⵜⵡⴰⵜⵜⴻⵔ ⵖⴻⴼ ⵓⵙⵙⴻⵄⵊⴻⵍ ⵏ ⵓⵙⴻⴽⴽⴻⵔ (ⵎⵓⵄⴰⵍⴰⴵⴰ) ⵏ ⵢⵉⴽⴰⵔⴰⵎⴻⵏ ⵏ ⵜⴻⵖⴷⴻⵎⵜ, ⵢⴻⵏⵏⴰ-ⴷ ⵎⴰⵙⵙ ⵍⵧⵓⵀ ⴷⴰⴽⴽⴻⵏ ⴰⴼⵎⵉⴹⵉ (ⵏⵉⵙⴱⴰ) ⵏ ⵓⵙⴻⴽⴽⴻⵔ ⵏ ⵜⴻⵎⵙⴰⵍ ⵏ ⵛⵛⵕⴻⵄ ⵏ ⵓⵄⴰⵇⴻⴱ ⵢⴻⵡⵡⴻⴹ ⵖⴻⵔ 92,85%, ⵜⵉⵎⵙⴰⵍ ⵜⵉⵖⴰⵔⵉⵎⵉⵏ ⵖⴻⵔ 81,91%, ⵜⵉⵎⵙⴰⵍ ⵜⵉⴷⴻⴱⵍⴰⵏⵉⵏ ⵖⴻⵔ 68,60%, ⵎⴰ ⴷ ⴰⴼⵎⵉⴹⵉ ⵏ ⵓⵙⵙⴻⵍⴽⴻⵎ ⵏ ⵓⵄⴰⵇⴻⴱ ⵢⴻⵡⵡⴻⴹ ⵖⴻⵔ 96,70%.

ⵢⴻⵏⵏⴰ-ⴷ ⴷⴰⵖ ⵓⵏⴻⵖⵍⴰⴼ ⴷⴰⴽⴽⴻⵏ ⵍⴰ ⵢⴻⵜⵜⵅⴻⵎⵎⵉⵎ ⵡⴻⵖⵍⵉⴼ ⴰⴷ ⵢⴻⵙⵙⵉⴼⵙⴻⵙ ⵜⵉⵙⴻⴽⴽⵉⵔⵉⵏ (ⵉⴵⵔⴰ’ⴰⵜ) ⵏ ⵜⵔⵓⵥⵉ ⵏ ⵛⵛⵕⴻⵄ ⴷⴻⴳ ⵛⵛⵕⴻⵄ ⴰⵄⵍⴰⵢⴰⵏ, ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⴰⵃⴻⵣⵣⵉⴱ-ⴰ ⴰⴷ ⵢⵉⵍⵉ ⴷ « ⵓⵍ ⵏ ⵜⵙⴻⵎⵎⴻⵙⴽⴻⵍⵜ ⵏ ⵜⴻⵖⴷⴻⵎⵜ », ⴰⵎ ⵡⴰⴽⴽⴻⵏ ⴰⵢ ⵢⴻⵃⵡⴰⵊ ⵡⴰⵢⴰ ⴰⵜⵜⴻⴽⴽⵉ ⵏ ⵢⵉⴷⵉⵙⴰⵏ ⵢⴻⵎⴳⴻⵔⵔⴰⴷⴻⵏ, ⴳⴰⵔ-ⴰⵙⴻⵏ ⵉⵏⴻⵣⵔⴰⴼⴻⵏ, ⵉⴱⵓⴳⴰⵟⵓⵜⴻⵏ ⴷ ⵢⵉⴳⴻⵏⵙⴰⵙⴻⵏ ⵏ ⵜⵎⴻⵜⵜⵉ ⵜⴰⵖⴰⵔⵉⵎⵜ (ⵎⵓⴵⵜⴰⵎⴰⵄ ⵎⴰⴷⴰⵏⵉ).