ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵙⵙⴻⴼⴽ ⴰⴷ ⴷ-ⴰⴳⵎⴻⵏⵜ ⵜⵙⵓⵜⵡⵉⵏ ⵜⵉⵎⴻⵥⵢⴰⵏⵉⵏ ⵙⴻⴳ ⵓⵎⴻⴷⵢⴰ ⵏ ⵢⵉⵎⴻⵖⵔⵓⵙⴻⵏ (ⴰⵏⴻⵖⵍⴰⴼ)
ⵜⵉⵙⴻⵎⵙⵉⵍⵜ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵢⴻⵎⵊⴰⵀⴷⴻⵏ, ⵜⴰⵢⴻⴱ ⵣⵉⵜⵧⵓⵏⵉ, ⴰⵙⵙ ⵏ ⵙⵙⴻⴱⵜ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⴰⴳⵎⴻⵏⵜ ⵜⵙⵓⵜⵡⵉⵏ ⴰⵢ ⴷ-ⵉⵏⴻⴽⴽⵔⴻⵏ ⵙⴻⴳ ⵓⵎⴻⴷⵢⴰ ⵏ ⵢⵉⵎⴻⵖⵔⵓⵙⴻⵏ (ⵛⵓⵀⴰⴷⴰ’) ⴰⴽⴽⴻⵏ ⴰⴷ ⵙⵙⴰⵍⵉⵏ ⴰⵣⴰⵍ ⵏ ⵍⴻⵣⵣⴰⵢⴻⵔ.
ⴷⴻⴳ ⵜⴻⴱⵕⴰⵜ-ⵏⵏⴻⵙ ⴰⵢ ⴷ-ⵢⴻⵖⵔⴰ ⵓⵏⴻⵎⵀⴰⵍ (ⵎⵓⴷⵉⵔ) ⵏ ⵢⴻⵎⵊⴰⵀⴷⴻⵏ ⵏ ⵜⵙⴻⵎⵙⵉⵍⵜ ⵉ ⵍⵎⴻⵏⴷ ⵏ ⵡⴻⵙⴼⵓⴳⴻⵍ ⵏ ⵓⵎⵓⵍⵍⵉ ⵡⵉⵙ 55 ⵏ ⵜⵎⴻⵜⵜⴰⵏⵜ ⵏ ⵓⵎⴻⵖⵔⵓⵙ ⴷⵊⵉⵍⵍⴰⵍⵉ ⴱⵧⵓⴷⴻⵔⵏⴰⵏⴻ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ « ⵜⵉⵙⵓⵜⵡⵉⵏ ⵢⴻⵙⵙⴻⴼⴽ ⴰⴷ ⴷ-ⴰⴳⵎⴻⵏⵜ ⵙⴻⴳ ⵢⵉⵣⴰⵎⵓⵍⴻⵏ ⵉⵖⴻⵍⵏⴰⵡⴻⵏ ⴰⴽⴽⴻⵏ ⴰⴷ ⵙⵙⴰⵍⵉⵏ ⴰⵣⴰⵍ ⵏ ⵍⴻⵣⵣⴰⵢⴻⵔ ⴰⵢ ⵍⴰ ⵢⴻⵜⵜⴻⴷⴷⵓⵏ ⵖⴻⵔ ⵙⴷⴰⵜ ⵡⴰⵔ ⴰⴽⵓⴽⵔⵓ ⵙ ⵡⴻⵃⴽⴰⵎ ⵓⵕⵛⵉⴷ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ ».
« ⴰⵙⵙ-ⴰ, ⴰⵇⵍ-ⴰⵖ ⵍⴰ ⵏⴻⵙⵙⴰⵡⴰⴹ ⵕⵕⴻⵃⵎⴰ ⵉ ⵢⵉⵎⴻⵖⵔⵓⵙⴻⵏ ⵢⴻⵔⵏⵓ ⵍⴰ ⴷ-ⵏⴻⵙⵎⴻⴽⵜⴰⵢ ⴰⵢⴻⵏ ⴰⵢ ⴷ-ⴵⴵⴰⵏ ⵙ ⵜⵓⴹⴹⴼⴰ ⴷⴻⴳ ⵡⴰⵣⴰⵍⴻⵏ ⵉⵏⴰⴼⴻⵍⵍⴰⵜⴻⵏ (ⵇⵉⵢⴰⵎ ⵄⵓⵍⵢⴰ) ⵏ ⵜⴻⴳⵔⴰⵡⵍⴰ ⵏ ⵡⴻⵎⴱⴻⵔ ⴷ ⵢⵉⵣⴰⵎⵓⵍⴻⵏ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵣⵉⵜⵧⵓⵏⵉ.
ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⴰⵙⴼⵓⴳⴻⵍ-ⴰ ⴷ ⵜⴰⴳⵏⵉⵜ ⵉ ⵓⵣⵓⵅⵅⵓ ⵙ ⵢⵉⵎⴻⵏⵖⵉ ⴰⵙⴰⴹⴰⵏ (ⴱⵓⵟⵓⵍⵉ) ⵏ ⵓⵎⴻⵖⵔⵓⵙ-ⴰ, ⴰⵎⵎⴻⴽⵜⵉ ⵏ ⵓⵎⴻⵛⵡⴰⵕ-ⵏⵏⴻⵙ, ⴰⴳⴰⵎ ⵙⴻⴳ ⵡⴰⵣⴰⵍⴻⵏ-ⵏⵏⴻⵙ ⵉⵀⴰⴳⴳⴰⵕⴻⵏ ⴰⵢ ⴰⵙ-ⵉⴳⴰⵏ ⵉⴼⴰⴷⴷⴻⵏ ⴰⴽⴽⴻⵏ ⴰⴷ ⵢⴻⵏⵏⴰⵖ ⵖⴻⴼ ⵜⵎⵓⵔⵜ, ⴰⴽⴽⴻⵏ ⴰⴷ ⵏⴻⵙⵄⴻⴷⴷⵉ ⴰⵣⴰⵍⴻⵏ-ⴰ ⵉ ⵜⵙⵓⵜⵡⵉⵏ ⵜⵉⵎⴰⵢⵏⵓⵜⵉⵏ.
« ⵉⵙⵡⵉ ⵏ ⵡⴻⵙⴼⵓⴳⴻⵍ-ⴰ ⴷ ⵜⵓⵥⵓⵜ, ⴷⴻⴳ ⵡⵓⵍⴰⵡⴻⵏ ⵏ ⵢⵉⵍⴻⵎⵥⵉⵢⴻⵏ, ⵏ ⵣⵣⵓⵅ ⵙ ⵢⵉⵙⴻⴼⵍⴰⵏ ⴰⵢ ⴼⴽⴰⵏ ⵢⵉⴱⴰⴱⴰⵜⴻⵏ ⴷ ⵍⴻⵊⴷⵓⴷ-ⵏⵙⴻⵏ, ⴷ ⵡⴻⴼⵀⴰⵎ ⵏ ⵡⴰⵣⴰⵍ ⴰⵢ ⵙⵄⴰⵏⵜ ⵜⵍⴻⵍⵍⵉ ⴷ ⵓⵣⴰⵔⵓⴳ ⴰⵢⴷⴻⴳ ⵏⴻⵣⵀⴰ ⴰⵙⵙ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⵉⵖⵔⵉ ⵉ ⵢⵉⵍⴻⵎⵥⵉⵢⴻⵏ ⴰⴽⴽⴻⵏ ⴰⴷ ⵙⵎⴻⵖⵔⴻⵏ ⵙ ⵓⵎⴻⵣⵔⵓⵢ-ⵏⵙⴻⵏ ⴰⴽⴽⴻⵏ ⴰⴷ ⵇⴰⴱⵍⴻⵏ ⵉⵛⵇⵉⵔⵔⵡⴻⵏ ⵏ ⵡⴰⵙⵙ-ⴰ ⵙ ⵍⴰⵎⴰⵏ ⴷ ⵍⴻⵀⵏⴰ.
« ⵉⵙⴻⵎ ⵏ ⵙⵙⵉ ⴷⵊⵉⵍⵍⴰⵍⵉ ⴱⵧⵓⴷⴻⵔⵏⴰⵏⴻ ⴷ ⴰⴳⴷⴰⵡⴰⵍ (ⵎⵓⵔⴰⴷⵉⴼ) ⵏ ⵜⴻⴱⵖⴻⵙⵜ ⴷ ⵜⴻⴽⴷⵉⵜ (ⵡⴰⴼⴰ’), ⵢⴻⵔⵏⵓ ⴷ ⴰⵣⴰⵎⵓⵍ ⵏ ⵡⴻⵙⴼⴻⵍ ⴷ ⵜⴻⵙⴹⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵏⴻⵖⵍⴰⴼ ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ ⴰⵎⴻⵖⵔⵓⵙ-ⴰ ⵢⴻⴵⴵⴰ-ⴷ ⵍⴰⵜⴻⵕ ⴷⴻⴳ ⵢⵉⵎⴻⵏⵖⵉ, ⴷⴻⴳ ⵡⴻⵏⵣⴰⴹ ⴷ ⵜⵎⴻⵜⵜⴰⵏⵜ ⵖⴻⴼ ⵜⵎⵓⵔⵜ, ⴷ ⵍⴰⵜⴻⵔ ⵓⵔ ⵢⴻⵣⵎⵉⵔ ⴰⴷ ⵜ-ⵢⴻⵙⴼⴻⴹ ⵡⴰⴽⵓⴷ ».
