ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⵇⴰⵏⵓⵏ ⴰⵎⴰⵢⵏⵓ ⵏ ⵓⵅⴻⴷⴷⵉⵎ ⴰⴷ ⵉⵡⴰⵜⵉ ⵜⴰⴷⴰⵎⵙⴰ ⵜⴰⵎⴰⵢⵏⵓⵜ ⵏ ⵓⵎⴰⴹⴰⵍ (ⴰⵏⴻⵖⵍⴰⴼ)
ⵡⴻⵀⵕⴰⵏ– ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵓⵎⴰⵀⵉⵍ (ⵄⴰⵎⴰⵍ), ⵎⵧⵀⴰⵎⴻⴷ ⴻⵍ ⴳⵀⴰⵣⵉ, ⴰⵙⵙ ⵏ ⵙⵙⴻⴱⵜ ⴷⴻⴳ ⵡⴻⵀⵕⴰⵏ, ⴷⴰⴽⴽⴻⵏ ⴰⵙⴰⴹⵓⴼ ⴰⵎⴰⵢⵏⵓ ⵏ ⵓⵎⴰⵀⵉⵍ ⵢⴻⴷⴷⴰ ⴷ ⵛⵛⵓⵔⵓⴹ ⵏ ⵓⵏⴰⴳⵔⴰⵡ ⴰⴷⴰⵎⵙⴰⵏ ⴰⵏⵎⴰⴹⴰⵍ.
«ⴰⵙⴰⴹⵓⴼ ⴰⵎⴰⵢⵏⵓ ⵏ ⵓⵎⴰⵀⵉⵍ ⵍⴰ ⴷ-ⵢⴻⵜⵜⵡⴰⵀⴻⵢⵢⴰⵢ ⵙ ⵡⴻⵎⵛⵉⵡⴻⵕ ⴷ ⵢⴻⵛⵔⵉⴽⴻⵏ ⵉⵏⵎⴻⵜⵜⵉⵢⴻⵏ (ⵜⴰⴷⵓⴽⵍⵉ ⵜⴰⵎⴰⵜⵓⵜ ⵏ ⵢⵉⵅⴻⴷⴷⴰⵎⴻⵏ ⵉⴷⵣⴰⵢⵔⵉⵢⴻⵏ ⴷ ⵢⵉⵖⴼⴰⵡⴻⵏ ⵏ ⵜⴻⵕⵎⵉⵙⵉⵏ), ⵢⴻⵔⵏⵓ ⴰⴷ ⵢⵉⵍⵉ ⴷ ⴰⵙⴰⴹⵓⴼ ⴰⵜⵔⴰⵔ ⴰⵢ ⴷ-ⵢⴻⵎⵢⴻⵣⴳⴻⵏ ⵛⵛⵓⵔⵓⴹ ⵏ ⵓⵏⴰⴳⵔⴰⵡ ⴰⴷⴰⵎⵙⴰⵏ ⴰⵏⵎⴰⴹⴰⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵎⴰⵙⵙ ⵎⵧⵀⴰⵎⴻⴷ ⴻⵍ ⴳⵀⴰⵣⵉ ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⵉ ⵜⵖⴻⵎⵙⴰ ⴷⴻⴳ ⵢⵉⵊⵉⴼⴻⵕ ⵏ ⵜⴼⵓⴳⵍⴰ ⵏ ⵡⴻⵙⵜⴻⵏⵢⵉ ⵏ ⵡⴻⵎⵜⴰⵡⴰ ⵏ ⵡⴻⵔⴽⴰⴷ ⴷ ⵡⴻⵙⵏⴻⴼⵍⵉ ⴳⴰⵔ ⵜⴻⴷⴱⴻⵍⵜ ⵏ ⵢⵉⵙⵓⴳⴰⵏ ⵏ ⵍⴻⵣⵣⴰⵢⴻⵔ ⴷ ⵜⴼⵉⴷⵉⵕⴰⵍⵉⵜ ⵏ ⵢⵉⵅⴻⴷⴷⴰⵎⴻⵏ ⵏ ⵢⵉⵙⵓⴳⴰⵏ ⵏ ⵜⴷⵓⴽⵍⵉ ⵜⴰⵎⴰⵜⵓⵜ ⵏ ⵢⵉⵅⴻⴷⴷⴰⵎⴻⵏ ⵉⴷⵣⴰⵢⵔⵉⵢⴻⵏ.
« ⴰⵙⴰⴹⵓⴼ-ⴰ, ⴰⴷ ⵢⴻⵜⵜⵓⵏⴻⴼⴽ ⵉ ⵓⵙⴻⵇⵇⴰⵎⵓ ⵏ ⵓⵏⴰⴱⴰⴹ ⴷ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ, ⵙⴰⴽⴽⵉⵏ ⴰⴷ ⵢⴻⵜⵜⵓⵏⴻⴼⴽ ⵉ ⵡⴻⵎⵏⵉ (ⴱⴰⵔⵍⴰⵎⴰⵏ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ, ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⴰⴷ ⴷ-ⵢⴻⵎⵢⴻⵣⴳ ⵓⵙⴰⴹⵓⴼ-ⴰ ⴰⴽⴽⴻⵏ ⵉⵡⴰⵜⴰ ⴷ ⵡⴻⵎⵜⴰⵡⴰ ⴰⴳⵔⴰⵖⵍⴰⵏ ⵏ ⵢⵉⵅⴻⴷⴷⴰⵎⴻⵏ. ⵏⵏⵉⴳ ⵡⴰⵢⴰ, ⵢⴻⵏⵏⴰ-ⴷ ⴷⴰⴽⴽⴻⵏ ⴰⵙⴰⴹⵓⴼ-ⴰ ⵢⴻⵜⵜⵃⴰⵕⴰⴱ ⴰⴽⴽ ⵍⴻⵚⵏⴰⴼ ⵏ ⵜⴻⵎⵙⴰⴽⵍⵉⵜ ⴷ ⵓⵎⴻⵃⵢⴰⴼ ⴷⴻⴳ ⵡⴻⵎⴽⴰⵏ ⵏ ⵓⵎⴰⵀⵉⵍ, ⴰⵎ ⵡⴰⴽⴽⴻⵏ ⴰⵢ ⵢⴻⵜⵜⵃⴰⵕⴰⴱ ⴰⵙⵙⴻⵅⴷⴻⵎ ⵏ ⵢⵉⴳⴻⵔⴷⴰⵏ.
ⵉⵅⴻⴱⴱⴻⵔ-ⴷ ⴷⴰⵖ ⵓⵏⴻⵖⵍⴰⴼ ⴷⴰⴽⴽⴻⵏ ⴰⵙⴰⴹⵓⴼ-ⴰ ⵉⴳⴰ-ⴷ ⵜⴰⵔⴰⵔⴰⵙⵜ (ⵜⴰⵃⴷⵉⵜ) ⵉ ⵢⵉⵙⵓⴹⴰⴼ ⵢⴻⵍⵍⴰⵏ ⵢⴰⴳⵉ ⵉ ⵓⵙⵙⴻⵍⵀⵓ ⵏ ⵜⴻⴳⵏⵉⵜ ⵏ ⵢⵉⵅⴻⴷⴷⴰⵎⴻⵏ ⴷ ⵡⴻⵃⵔⴰⵣ ⵏ ⵢⵉⵣⴻⵔⴼⴰⵏ-ⵏⵙⴻⵏ ⴰⴽⴽⴻⵏ ⴰⴷ ⵙⵄⴻⴷⴷⵉⵏ ⴰⴽⵓⴷ ⵏ ⵣⵣⵀⵓ ⴷ ⵢⵉⴳⴻⵔⴷⴰⵏ-ⵏⵙⴻⵏ.
«ⵍⴰ ⵏⵅⴻⴷⴷⴻⵎ ⴷⴰⵖ ⴰⴽⴽⴻⵏ ⴰⴷ ⵏⴻⴼⴽ ⵜⵓⵣⵡⵉⵔⵜ ⵉ ⵢⵉⵅⴻⴷⴷⴰⵎⴻⵏ ⵉⴷⵣⴰⵢⵔⵉⵢⴻⵏ ⵙ ⵓⵙⵙⵓⴳⴳⴻⵜ ⵏ ⵓⵙⵙⵉⵍⴻⵖ ⴷ ⵓⵙⵙⵉⵖⴻⵔ (ⵜⴰ’ⵀⵉⵍ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ.
