Asebter amenzawi

Asagen n Cercal: « Nezmer ad nessidrem asenfar-a war idrimen n lxezna » (aneɣlaf)

WEHṚAN – Yenna-d uneɣlaf n umesni, Boudjemaa Talai, ass n ssebt deg Wehṛan, dakken asenfar n usagen (mina’) n Cercal (deg Tipaza) yezmer ad yettwassidrem war lemɛawna n lxezna tanagdudt (ɛumumiyya).

« Nezmer ad nessidrem asenfar n usagen ad yettwebnun deg Cercal war ma nettkel ɣef lxezna tanagdudt, acku wa d armud araray (nacaṭ murbiḥ) », ɣef wakken ay d-iwekked uneɣlaf deg yiwet n tseɣrut (taṣriḥ) i tɣemsa deg yijifeṛ n tfugla n westenyi n wemtawa n werkad d wesnefli gar Tedbelt n Yisugan n Lezzayer d Tfidiṛalit n Yixeddamen n Yisugan yeqqnen ɣer Tdukli Tamatut n Yixeddamen Idzayriyen.

Yerna-d Mass Boudjemaa Talai dakken aɣlif-nnes la yessefray ad yebdu aɣellet n usagen-a deg 2021, am wakken ay d-yerna dakken d wa ad yuɣalen d asagen ameqran akk deg yilel Agrakal.

Seg yidis niḍen, ixebber-d uneɣlaf dakken la d-yettwaheyyay ussuddes (tanḍim) amaynu n yisugan i lmend n ussidef n tedrimt d wesnulfu n yimukan n uxeddim. « Isugan ttwassuddusen i lmend n ussifses n ussiǧew (taṣdir) yernu yella-d waya deg ukatar n wesnefli n tdamsa yexḍan timerɣa », ɣef wakken ay d-yerna, am wakken ay d-yenna dakken Lezzayer ad d-teg « igniren izegzawen » i ussiǧew n sselɛa d ussifses-nnes.