ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵔⴻⵡⵍⴰ ⵏ ⵢⵉⵡⴻⵏ ⵏ ⵓⵎⴻⵃⴱⵓⵙ ⵙⴻⴳ ⵍⵃⴻⴱⵙ ⵏ ⵍⵃⴻⵕⵕⴰⵛ: 17 ⵏ ⵢⴻⵎⴷⴰⵏⴻⵏ ⴷⴻⴳ ⵛⵛⵕⴻⵄ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – 17 ⵏ ⵢⴻⵎⴷⴰⵏⴻⵏ ⴰⵢ ⵉⵄⴻⴷⴷⴰⵏ, ⴰⵙⵙ ⵏ ⵍⵊⴻⵎⵄⴰ ⵙⴷⴰⵜ ⵢⴻⵎⵡⴻⴽⴽⴻⵍ ⵏ ⵜⴻⴳⴷⵓⴷⴰ ⴷⴻⴳ ⵡⴻⵅⵅⴰⵎ ⵏ ⵛⵛⵕⴻⵄ ⵏ ⵍⵃⴻⵕⵕⴰⵛ, ⵉⵎⵉ ⴰⵢ ⵜⵜⵡⴰⵜⵜⴻⵀⵎⴻⵏ ⵙ ⵍⴻⵎⵄⴰⵡⵏⴰ ⵏ ⵓⵎⴻⵃⴱⵓⵙ « ⵀ. ⵧⵓⵙⵙⴰⵎⴰ » ⴰⴽⴽⴻⵏ ⴰⴷ ⵢⴻⵔⵡⴻⵍ ⵙⴻⴳ ⵍⵃⴻⴱⵙ ⵏ ⵍⵃⴻⵕⵕⴰⵛ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵙⵙ ⵏ ⵙⵙⴻⴱⵜ, ⵢⵉⵡⴻⵏ ⵏ ⵡⴻⵍⵖⵓ (ⴱⴰⵢⴰⵏ) ⵏ ⵛⵛⵕⴻⵄ ⵏ ⵍⴻⵣⵣⴰⵢⴻⵔ.

ⵖⴻⴼ ⵍⴻⵃⵙⴰⴱ ⵏ ⵡⴻⵃⵜⴰⵛ ⴰⵢ ⴳⴰⵏ ⵢⵉⵎⴻⵥⵍⴰ ⵏ ⵜⴻⵎⵙⵓⵍⵜⴰ ⵜⴰⵖⴻⴷⵎⴰⵏⵜ (ⵛⵓⵔⵟⴰ ⵇⴰⴹⴰ’ⵉⵢⵢⴰ) ⴷⴷⴰⵡ ⵓⵙⵙⵉⴳⴳⵉ ⵏ ⵡⴻⵅⵅⴰⵎ ⵏ ⵛⵛⵕⴻⵄ, ⴰⵎⴻⵃⴱⵓⵙ-ⴰ ⵙⵙⴰⴼⴻⵙⵙⴻⵏ-ⴰⵙ ⵜⴰⵔⴻⵡⵍⴰ ⵢⴻⵔⵏⵓ ⵢⴻⵜⵜⴻⴽⴽⴰ ⴷⴻⴳ-ⵙ ⵓⵍⴰ ⴷ ⵜⴰⴱⵓⴳⴰⵟⵓ-ⵏⵏⴻⵙ ⴷ ⴽⵔⴰ ⵏ ⵢⵉⵄⴻⵙⵙⴰⵙⴻⵏ ⴷ ⵡⵉⴷ ⴰⵢ ⴰⵙ-ⵢⴻⵜⵜⵉⵍⵉⵏ.

ⵙ ⵡⴰⵢⴰ, ⵢⴻⴱⴷⴰ-ⵜ ⵡⴻⵃⵜⴰⵛ ⴰⵖⴻⴷⵎⴰⵏ ⵉ ⵓⵏⴰⴷⵉ ⵏ ⵜⵓⵇⵇⵏⴰ ⵏ ⵡⵉⴷ ⵢⴻⵜⵜⵡⴰⵜⵜⴻⵀⵎⴻⵏ ⴷⴻⴳ ⵍⴻⵎⵄⴰⵡⵏⴰ ⵏ ⵓⵎⴻⵃⴱⵓⵙ-ⴰ ⴰⴽⴽⴻⵏ ⴰⴷ ⵢⴻⵔⵡⴻⵍ.

ⴰⵏⴻⵣⵔⴰⴼ (ⵇⴰⴹⵉ) ⵏ ⵡⴻⵃⵜⴰⵙ ⵢⵓⵎⴻⵕ ⴰⴽⴽⴻⵏ ⴰⴷ ⵜⵜⵡⴰⴹⴹⴼⴻⵏ 10 ⵏ ⵢⵉⵎⴻⵜⵜⵀⵓⵎⴻⵏ ⴷ ⵓⵙⵙⵓⴼⴼⴻⵖ ⵏ ⵍⴻⵡⵚⴰⵢⴰⵜ ⵏ ⵜⵓⴹⴹⴼⴰ ⵉ ⵡⵉⴷ ⴰⵢ ⵉⵔⴻⵡⵍⴻⵏ.

ⴰⵃⵜⴰⵛ-ⴰ ⵎⴰⵣⴰⵍ ⵍⴰ ⵢⴻⵜⵜⴽⴻⵎⵎⵉⵍ.

7 ⵏ ⵢⴻⵎⴷⴰⵏⴻⵏ, ⴳⴰⵔ-ⴰⵙⴻⵏ 3 ⵙⴻⴳ ⵡⵉⴷ ⴰⵢ ⴰⵙ-ⵢⴻⵜⵜⵉⵍⵉⵏ ⵉ ⵓⵎⴻⵔⵡⴰⵍ-ⵏⵏⵉ ⴷ ⵢⵉⵡⴻⵜ ⵏ ⵜⴱⵓⴳⴰⵟⵓⵜ, ⵜⵜⵡⴰⴹⴹⴼⴻⵏ ⵢⴻⵔⵏⵓ ⵜⵜⵡⴰⵃⴻⴱⵙⴻⵏ ⵙⴻⴳ ⵍⴻⵄⴹⵉⵍ ⴷⴻⴳ ⵓⴽⴰⵜⴰⵔ ⵏ ⵡⴻⵃⵜⴰⵛ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵙⵙ ⵏ ⵙⵙⴻⴱⵜ, ⵢⵉⵡⴻⵏ ⵏ ⵡⴻⵍⵖⵓ ⵏ ⵜⴻⵎⵙⴻⵜⵍⴰ (ⴷⴰⵔⴰⴽ) ⵜⴰⵖⴻⵍⵏⴰⵡⵜ.