Asebter amenzawi

Tarewla n yiwen n umeḥbus seg lḥebs n Lḥeṛṛac: 17 n yemdanen deg ccṛeɛ

LEZZAYER TAMANEɣT – 17 n yemdanen ay iɛeddan, ass n ljemɛa sdat yemwekkel n tegduda deg wexxam n ccṛeɛ n Lḥeṛṛac, imi ay ttwattehmen s lemɛawna n umeḥbus « H. Oussama » akken ad yerwel seg lḥebs n Lḥeṛṛac, ɣef wakken ay d-yenna, ass n ssebt, yiwen n welɣu (bayan) n ccṛeɛ n Lezzayer.

ɣef leḥsab n weḥtac ay gan yimeẓla n temsulta taɣedmant (curṭa qaḍa’iyya) ddaw ussiggi n wexxam n ccṛeɛ, ameḥbus-a ssafessen-as tarewla yernu yettekka deg-s ula d tabugaṭu-nnes d kra n yiɛessasen d wid ay as-yettilin.

S waya, yebda-t weḥtac aɣedman i unadi n tuqqna n wid yettwattehmen deg lemɛawna n umeḥbus-a akken ad yerwel.

Anezraf (qaḍi) n weḥtas yumeṛ akken ad ttwaḍḍfen 10 n yimetthumen d ussuffeɣ n lewṣayat n tuḍḍfa i wid ay irewlen.

Aḥtac-a mazal la yettkemmil.

7 n yemdanen, gar-asen 3 seg wid ay as-yettilin i umerwal-nni d yiwet n tbugaṭut, ttwaḍḍfen yernu ttwaḥebsen seg leɛḍil deg ukatar n weḥtac-a, ɣef wakken ay d-yenna, ass n ssebt, yiwen n welɣu n temsetla (darak) taɣelnawt.