ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵎⴻⵣⴳⵓⵏ ⵏ ⵡⴻⵀⵕⴰⵏ: « ⵍⵖⴻⵍⵟⴰ » ⵜⴻⵄⵊⴻⴱ ⵉ ⵢⴻⵎⴼⴻⵕⵕⴵⴻⵏ
ⵡⴻⵀⵕⴰⵏ – ⵜⴻⵄⵊⴻⴱ ⵜⵎⴻⵣⴳⵓⵏⵜ ⵏ « ⵍⵖⴻⵍⵟⴰ » (ⵜⵓⵛⵛⴹⴰ) ⵉ ⵢⴻⵎⴼⴻⵕⵕⴵⴻⵏ ⴰⵢ ⴷ-ⵢⵓⵙⴰⵏ ⴰⴷ ⴰⵙ-ⵏⴻⵣⵣⵀⴻⵏ ⴷⴻⴳ ⵓⵎⴻⵣⴳⵓⵏ ⴰⵎⵏⴰⴹⴰⵏ ⵏ « ⴰⴱⴷⴻⵍⴽⴰⴷⴻⵔ ⴰⵍⵍⵧⵓⵍⴰ » ⵏ ⵡⴻⵀⵕⴰⵏ.
ⵜⴰⵎⴻⵍⵍⴰⵖⵜ-ⴰ ⵜⴰⵏⵎⴻⵜⵜⵉⵜ (ⴽⵓⵎⵉⴷⵢⴰ ⵉⴵⵜⵉⵎⴰⵄⵉⵢⵢⴰ) ⵜⵄⴻⴷⴷⴰ-ⴷ ⴰⵙⵙ ⵏ ⵙⵙⴻⴱⵜ ⴷⴻⴳ ⵜⵣⴻⵇⵇⴰ ⵢⴻⵞⵞⵓⵕⴻⵏ ⴷ ⵍⵖⴰⵛⵉ, ⵢⴻⵔⵏⵓ ⵢⴻⵜⵜⴱⴰⵏ-ⴷ ⴷⴰⴽⴽⴻⵏ ⴰⴷ ⴷ-ⵜⴰⵡⵉ ⴰⵎⴻⵛⵡⴰⵕ ⴷ ⵓⵔⴱⵉⵃ ⵉⵎⵉ ⵉⵎⴼⴻⵕⵕⴵⴻⵏ ⵙⴻⴼⴼⵇⴻⵏ ⴼⴻⵍⵍ-ⴰⵙ ⴰⵛⵃⴰⵍ ⴷ ⵜⵉⴽⴽⴻⵍⵜ.
ⵓⵍⴰⵛ ⵛⵛⴻⴽ ⴷⴰⴽⴽⴻⵏ ⴰⵢⴻⵏ ⴰⵢ ⵉⵄⴻⵊⴱⴻⵏ ⵓⴳⴰⵔ ⵉ ⵎⴻⴷⴷⴻⵏ ⴷⴻⴳ ⵜⵎⴻⵣⴳⵓⵏⵜ-ⴰ ⴷ ⵕⵕⵓⵃ-ⵏⵏⴻⵙ ⵏ ⵜⴰⴹⵙⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵍⵍⴰⵏ ⴷⴰⵖ ⵡⵓⵔⴰⵔⴻⵏ ⵏ ⵜⴽⵓⵕⵉⴳⵕⴰⴼⵉⵜ ⵉⵛⴻⴱⵃⴻⵏ ⴰⵢⴷⴻⴳ ⵉⵣⴻⴼⴼⴰⵏⴻⵏ (ⵎⵓⵎⴰⵜⵜⵉⵍⵉⵏ) ⵛⴻⴹⵃⴻⵏ ⴰⵎⴰ ⵙ ⵓⵥⴰⵡⴰⵏ ⴰⴷⵣⴰⵢⵔⵉ, ⴰⵎⴰ ⵙ ⵓⵥⴰⵡⴰⵏ ⴰⵏⵎⴰⴹⴰⵍ.
ⵜⴰⵎⴻⵣⴳⵓⵏⵜ-ⴰ ⵜⵃⵓⵣⴰ-ⴷ ⴰⵙⴻⵏⵜⴻⵍ ⵏ ⵜⵎⴻⵟⵟⵓⵜ ⴰⵢ ⵉⵅⴻⴷⴷⵎⴻⵏ ⴷ ⵍⵇⴻⵍⵍⴰ ⵏ ⵡⴻⵎⵙⴻⴼⵀⴰⵎ ⴳⴰⵔ ⵡⴻⵔⴳⴰⵣ ⴷ ⵜⵎⴻⵟⵟⵓⵜ-ⵏⵏⴻⵙ ⵜⴰⵅⴻⴷⴷⴰⵎⵜ, ⵍⵃⴻⵕⵙ ⵏ ⵜⵎⴻⴷⴷⵓⵔⵜ ⵜⴰⵜⵔⴰⵔⵜ ⴷ ⵜⵎⵓⵖⵍⵉ ⵜⴰⵎⴻⵏⵙⴰⵢⵜ ⵏ ⵜⵎⴻⵜⵜⵉ ⵜⴰⴷⵣⴰⵢⵔⵉⵜ.
ⴰⵎⵙⵓⴷⴻⵎ (ⵛⴰⵅⵚⵉⵢⵢⴰ) ⴰⴳⴻⵊⴷⴰⵏ, ⵄⵎⴻⵕ, ⴷ ⴰⵙⴻⵍⵎⴰⴷ ⴷⴻⴳ ⵜⴻⵙⵏⴰⵡⵉⵜ ⵢⴻⵔⵏⵓ ⵙⴻⴳ ⵎⴻⵍⵎⵉ ⴽⴰⵏ ⴰⵢ ⵢⴻⵣⵡⴻⴵ. ⵜⴰⵎⴻⵟⵟⵓⵜ-ⵏⵏⴻⵙ ⵜⴻⴱⴹⴰ ⴷ ⵜⴻⵅⴷⴻⵎ ⴰⴽⴽⴻⵏ ⴰⴷ ⵜ-ⵜⵄⴰⵡⴻⵏ ⴷⴻⴳ ⵡⴰⴽⵓⴷ ⴰⵢⴷⴻⴳ ⵜⴰⵎⴻⴷⴷⵓⵔⵜ-ⵏⵙⴻⵏ ⵜⴻⵡⵄⴻⵕ ⵢⴻⵔⵏⵓ ⵜⴻⵙⵙⵓⵜⵓⵔ-ⴷ ⵓⴳⴰⵔ ⵏ ⵢⴻⴷⵔⵉⵎⴻⵏ ⴰⴽⴽⴻⵏ ⴰⴷ ⵇⴰⴱⵍⴻⵏ ⵜⴰⵙⵡⵉⵄⵜ.
ⴷⴻⴳ ⵜⴳⴰⵔⴰ, ⵢⴻⵇⴱⴻⵍ ⵄⵎⴻⵕ ⴰⴷ ⵜⴻⵅⴷⴻⵎ ⵜⵎⴻⵟⵟⵓⵜ-ⵏⵏⴻⵙ, ⵎⴰⵛⴰ ⴷⵉⵏⴷⵉⵏ ⴽⴰⵏ ⵜⴳⴻⵔ ⵜⵏⴻⴳⴳⴰⵔⵓⵜ-ⴰ ⵜⴰⵎⴰⵡⵜ ⴷⴰⴽⴽⴻⵏ ⵢⴻⵡⵄⴻⵕ ⴰⴷ ⵜⴻⵅⴷⴻⵎ ⴱⴻⵕⵕⴰ ⵉ ⵡⴻⵅⵅⴰⵎ ⵢⴻⵔⵏⵓ ⴰⴷ ⵜⴻⴱⴷⴻⴷ ⵉ ⵡⴻⵅⵅⴰⵎ-ⵏⵏⴻⵙ.
ⴰⵎⴻⵙⴽⴰⵔ ⵏ ⵜⵎⴻⵣⴳⵓⵏⵜ-ⴰ ⴷ ⵉⵍⴻⵎⵥⵉ ⴼⴰⵀⵙⵉ ⵙⴰⵉⴷ, ⵎⴰ ⴷ ⵉⵎⵙⴻⴹⵔⵓ-ⵏⵏⴻⵙ ⴷ ⵎⵧⵓⵍⴰⵢ ⵎⴻⵍⵉⴰⵏⵉ ⵢⴻⵔⵏⵓ ⴷ ⵜⴰ ⴰⵢ ⴷ ⵜⴰⵎⴻⵣⴳⵓⵏⵜ-ⵏⵏⴻⵙ ⵜⵉⵙ ⵙⵏⴰⵜ ⴷⴻⴼⴼⵉⵔ ⵎⴰ ⵢⴻⵙⵙⴻⴹⵔⴰ-ⴷ ⵢⴰⴳⵉ « ⵏⴻⵡⵡⴰⵕ ⵚⵚⴱⴻⵔ » ⴷⴻⴳ 2014 ⵙ ⵡⴻⵎⵄⴰⵡⴻⵏ ⴷ ⴼⴰⴷⴻⵍⴰ ⵀⴰⵛⵀⴻⵎⴰⵧⵓⵉ. ⵜⴰⵎⴻⵣⴳⵓⵏⵜ ⵏ « ⵍⵖⴻⵍⵟⴰ » ⵉⵄⴰⵡⴻⵏ-ⵉⵜ ⴷⴻⴳ-ⵙ ⴰⴱⴷⴻⵍⵀⴰⴼⵉⴷ ⴱⵧⵓⴰⵍⴻⵎ ⴰⵢ ⵢⴻⵜⵜⵡⴰⵙⵙⵏⴻⵏ ⴷⴰⵖ ⵙ ⵓⵎⴻⵛⵡⴰⵕ-ⵏⵏⴻⵙ ⴰⵎⴻⵕⴽⴰⵏⵜⵉ ⴷⴻⴳ ⵓⵎⴻⵣⴳⵓⵏ ⵏ ⵢⵉⴳⴻⵔⴷⴰⵏ.
