ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵇⴱⵓⵛⵜ ⵏ ⵜⵛⵉⵔⴼⵓⵙⵜ ⵏ ⵍⴻⵣⵣⴰⵢⴻⵔ (ⵉⵔⴳⴰⵣⴻⵏ): ⵜⴻⵔⴱⴻⵃ ⵎⵛ ⵙⵙⵄⵉⴷⴰ ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵔⴱⴻⵃ ⵎⵛ ⵙⵙⵄⵉⴷⴰ, ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴷⴻⴳ ⵓⵎⴻⵣⵔⵓⵢ-ⵏⵏⴻⵙ, ⵜⴰⵇⴱⵓⵛⵜ ⵏ ⵍⴷⵣⴰⵢⴻⵔ ⵏ ⵜⵛⵉⵔⴼⵓⵙⵜ (ⵉⵎⴻⵇⵔⴰⵏⴻⵏ-ⵉⵔⴳⴰⵣⴻⵏ) ⵎⵉ ⵜⴻⵔⵏⴰ ⵛⵔⴱ ⴱⴻⵔⵔⴰⵇⵉ ⵙ 22 ⵖⴻⵔ 21 ⴷⴻⴳ ⵡⴰⴽⵓⴷ ⵏ ⵓⵙⵙⴻⵖⵣⴻⴼ ⴷⴻⴳ ⵜⵏⴻⴳⴳⴰⵔⵓⵜ ⵜⵉⵙ 50 ⴰⵢ ⵓⵔⴰⵔⴻⵏⵜ ⴷⴻⴳ ⵜⵣⴻⵇⵇⴰ ⵏ ⵀⴰⵔⵛⵀⴰ-ⵀⴰⵛⴻⵏⴻ (ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ).

ⴷⴻⴳ ⵜⵏⴻⴳⴳⴰⵔⵓⵜ ⴰⵢⴷⴻⴳ ⴷ-ⵢⴻⵍⵍⴰ ⵡⴻⵎⵙⵉⵣⵡⴻⵔ ⵙⴻⴳ ⵜⴻⵣⵡⴰⵔⴰ ⴰⵔⵎⵉ ⴷ ⵜⴰⴳⴰⵔⴰ, ⴷ ⴱⴻⵔⵔⴰⵇⵉ ⴰⵢ ⵢⴻⴱⴷⴰⵏ ⵏⴰⵇⴰⵍ ⵎⵍⵉⵃ ⵙ 7 ⵖⴻⵔ 3, ⵎⴰⵛⴰ ⵜⵓⵖⴰⵍ-ⴷ ⵎⵛ ⵙⵙⵄⵉⴷⴰ ⴰⴽⴽⴻⵏ ⴰⴷ ⵜⴻⵙⵙⴰⵍⵉ ⴰⴳⵎⵓⴹ ⴰⵢ ⵢⵓⵖⴰⵍⴻⵏ 9 ⵖⴻⵔ 9 ⴷⴻⴳ ⵜⴻⴷⵇⵉⵇⵜ ⵜⵉⵙ 29. ⵉⴼⵓⴽ ⵡⴻⵣⴳⴻⵏ ⴰⵎⴻⵣⵡⴰⵔⵓ ⵙ 10 ⵖⴻⵔ 9 ⵉ ⵍⴼⴰⵢⴷⴰ ⵏ ⴱⴻⵔⵔⴰⵇⵉ.

ⴷⴻⴳ ⵡⴻⵣⴳⴻⵏ ⵡⵉⵙ ⵙⵉⵏ, ⴱⴻⵔⵔⴰⵇⵉ ⵜⴻⵙⵙⴰⵡⴻⴹ ⴰⴳⵎⵓⴹ ⵖⴻⵔ 14 ⵖⴻⵔ 12 ⴷⴻⴼⴼⵉⵔ 10 ⵏ ⵜⴻⴷⵇⵉⵇⵉⵏ ⵏ ⵡⵓⵔⴰⵔ, ⵎⴰⵛⴰ ⵙⴰⴽⴽⵉⵏ, ⵉⴼⵓⴽ ⵡⴰⴽⵓⴷ ⵏ ⵜⴻⵎⵍⵉⵍⵉⵜ ⵙ 18 ⵖⴻⵔ 18.

ⴷⴻⴳ ⵡⴰⴽⵓⴷ ⵏ ⵓⵙⵙⴻⵖⵣⴻⴼ, ⵙⵙⴻⴽⵏⴻⵏ-ⴷ ⵢⵉⵎⴰⵔⵉⵔⴻⵏ ⵏ ⵙⵙⵄⵉⴷⴰ ⵓⴳⴰⵔ ⵏ ⵍⴻⴱⵖⵉ ⴰⴽⴽⴻⵏ ⴰⴷ ⵔⴻⴱⵃⴻⵏ, ⵢⴻⵔⵏⵓ ⴷ ⴰⵢⴰ ⴰⵢ ⵢⴻⵙⵙⴰⵡⴹⴻⵏ ⴰⴳⵎⵓⴹ ⵖⴻⵔ 22 ⵖⴻⵔ 21.

ⵙ ⵔⵔⴱⴻⵃ-ⴰ, ⴷ ⵎⵛ ⵙⵙⵄⵉⴷⴰ ⴰⵢ ⴷ-ⵉⵅⴻⵍⴱⴻⵏ ⵛⵔⴱ ⴱⴻⵔⵔⴰⵇⵉ ⴰⵢ ⵉⵔⴻⴱⵃⴻⵏ ⵢⴰⴳⵉ ⵜⴰⵇⴱⵓⵛⵜ-ⴰ ⴷⴻⴳ 2015 ⵎⵉ ⵜⴻⵔⵏⴰ ⵛⵔ ⵍⴱⵓⵕⵊ ⴱⵓⵄⵕⵉⵕⵉⵊ ⵙ 25 ⵖⴻⵔ 20.

ⵎⵛ ⵙⵙⵄⵉⴷⴰ ⵜⴻⵡⵡⴻⴹ ⵜⵉⴽⴽⴻⵍⵜ ⴽⴰⵏ ⵖⴻⵔ ⵜⵏⴻⴳⴳⴰⵔⵓⵜ, ⴷⴻⴳ 2007, ⵎⴰⵛⴰ ⴷ ⵎⵛ ⵍⴻⵣⵣⴰⵢⴻⵔ ⴰⵢ ⵜⵜ-ⵢⴻⵔⵏⴰⵏ ⵙ 38 ⵖⴻⵔ 22.