Asebter amenzawi

Aneẓruf utrim : Izul Bouteflika addud n UGTA ɣer yidis n uzref n yiɣerfan i tguccelmant

WEHRAN : Aselway n Tegduda Abdelaziz Bouteflika izul, ass n lḥedd, addud n Tdukli tamatut n yixeddamen izzayriyen (UGTA) s idis n tmentilin tuɣdimin deg umaḍal akked uzref n yiɣerfan i tguccelmant.

Deg yiwen yizen almend n usfugel n wass amaḍlan n umahil i d-yeɣra s yisem-is Mohamed Benamar Zerhouni d asemtar deg tselwit n Tegduda, Aselway n Tegduda yezzireg-d dakken ‘’afran n Tdukli tamatut n yixeddamen izzayriyen (UGTA) akken ad tesfugel aseggas-a tameɣra n yixeddamen ddaw usentel ‘’Tamsetlelt akked uɣref n uneẓruf utrim’’, tban d beɣɣu n tuddsa-nwen, am akk aɣref azzayri, akken ad tbeddem ɣer yidis n tmentilin tuɣdimin deg umaḍal akked uḥuddu n umenzay n uzref n yiɣerfan i tguccelmant.

Aɣtas-a yemmal-d tuṭṭfa n tnammast tanmalant deg yimenzayen n lsas akked umezruy-is, d tin yellan d yiwen seg yiferdisen igejdanen n umussu n uslelli aɣelnaw n uzarug akked tnaya n Lezzayer’’, i d yezzireg uɣella n Uwanek deg yizen-is.