Asebter amenzawi

Tabṛatt n Bouteflika almend n wass ageraɣlan n tlelli n tɣamsa

Lezzayer- Yuzen uselway n Tegduda, Mas Abdelaziz Bouteflika, ass n letniyen tabratt almend n wesmekti n was ageraɣlan n tlelli n tɣamsa d-yemmezgen d 3 mayu. Yenna uselway “Ḥesbeɣ ass ageraɣlan n tɣamsa, id-nesmektay yal aseggas, d tiɣawsiwin tigejdanin ɣef ilaq ad nebded deg wadeg ay tuklal, acku taɣamsa akk d yineɣmasen d tigejda unegmu n tɣermiwin, d usnerni n tussna d usemɣeṛ n tmuɣli tanmettant” I yenna Bouteflika.

“Tella taɣamsa akk d teɣwalt s umata d imezwura deg umagger n tlufa di tmurt-nneɣ segmi yebda Umussu aɣelnaw anda ssawḍen yeɣmisen, ɣas drus, akken ad d-tbeggen udem ilaw n wemḥeṛṣan” ikemmel yenna uselway n Tegduda.