Asebter amenzawi
Azgen n tneggarut n Teqbuct n Lezzayer n Tleggimt: d ileggamen n teɣlamt taserdasant ay d-yefrurin
LEBLIDA – D ileggamen n teɣlamt taɣelnawt taserdasant n tleggimt ay d-yefrurin, ass n lḥedd tameddit, deg wezgen n tneggarut n Teqbuct n Lezzayer n Tleggimt ay d-yebdan ass n lexmis deg tzeqqa n Baaziz deg Leblida.
Taɣlamt taserdasant teḍmen-d attekki n qrib akk ileggamen-nnes deg tneggarut ad d-yilin ass n letniyen, ladɣa Soltani Mohamed (49 n yikilugṛamen), Aggar Cherif (75 n yikilugṛamen) d Bougherara Mabrouk (91 n yikilugṛamen) ay iɛeddan akk ɣer tneggarut.
Imenɣiyen niḍen d wid ifuken s uɛeddi n uleggam Fettih Nabil (71 n yikilugṛamen) n Lemdeyya, Bekki Nacer (49 n yikilugṛamen) n Leblida, Mourad Abdelhadi (65 n yikilugṛamen) n Wehṛan, Kennouche (56 n yikilugṛamen) n Lezzayer Tamaneɣt, Bensaid Nacerredine (64 n yikilugṛamen) n Bumerdas, Chaouche Faycal (64 n yikilugṛamen) n Uḥuddu Aɣarim d Goumeziane Rafik (75 n yikilugṛamen) n Bgayet.
Aḥdaṛ ameqran n lɣaci deg tzeqqa n Baaziz d ayen ay yettekkan deg ussali n weswir n temsizwert-an, ɣef wakken ay d-yenna unemhal atwilan (tiqni) Mourad Meziane, yernu yenna-d dakken tineggura-a n Teqbuct n Lezzayer d tagnit i yileggamen-a akken ad sselhun aswir-nsen atwilan.
« Imenɣiyen n tneggarut ad d-ilin s weswer yelhan ugar ɣef leḥsab n wakken nwala annerni n weswir segmi ay d-tebda temsizwert », ɣef wakken ay aɣ-d-yenna, am wakken ay yessarem ad d-yas wugar n lɣaci deg wass-a aneggaru n temsizwert.
