ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵏⴻⵙⵙⴰⵔⴰⵎ ⴰⴷ ⴷ-ⵜⵓⵖⴰⵍ ⵜⵓⵖⴷⴰⴹⵜ ⵏ ⵎⵉⵏⵓⵔⵙⵧ ⵙ ⵡⴰⵀⵉⵍ ⵉⴱⴰⵏⴻⵏ ⵉ ⵓⵙⵙⵓⴷⴷⴻⵙ ⵏ ⵜⵙⴻⴼⵔⴰⵏⵜ ⵏ ⵓⴳⴳⵓⵛⵛⴻⵍⵎⴰⵏ
ⵡⴻⵀⵕⴰⵏ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⵎⴻⵏⵣⵓ ⴰⵚⴻⵃⵔⴰⵡ, ⴰⴱⴷⴻⵍⴽⴰⴷⴻⵔ ⵜⴰⵍⴻⴱ ⵧⵎⴰⵔ, ⴰⵙⵙ ⵏ ⵍⵃⴻⴷⴷ ⴷⴻⴳ ⵡⴻⵀⵕⴰⵏ, ⴷⴰⴽⴽⴻⵏ ⵜⴰⵎⵓⵔⵜ-ⵏⵏⴻⵙ ⵜⴻⵙⵙⴰⵔⴰⵎ ⴰⴷ ⴷ-ⵜⵓⵖⴰⵍ ⵜⵓⵖⴷⴰⴹⵜ ⵏ ⵎⵉⵏⵓⵔⵙⵧ ⵖⴻⵔ ⵓⵏⴻⵥⵔⵓⴼ ⵓⵜⵔⵉⵎ ⵙ ⵡⴰⵀⵉⵍ ⵉⴱⴰⵏⴻⵏ ⴰⴽⴽⴻⵏ ⴰⴷ ⵜⴻⵙⵙⵓⴷⴷⴻⵙ ⵜⴰⵙⴻⴼⵔⴰⵏⵜ ⵏ ⵓⴳⴳⵓⵛⵛⴻⵍⵎⴰⵏ (ⵉⵙⵜⵉⴼⵜⴰ’ ⵜⴰⵇⵔⵉⵔ ⵎⴰⵚⵉⵔ).
ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ ⴰⵢ ⴷ-ⵢⴻⵍⵍⴰⵏ ⴷⴻⴼⴼⵉⵔ ⵡⴻⵙⴼⵓⴳⴻⵍ ⵏ ⵡⴰⵙⵙ ⴰⵏⵎⴰⴹⴰⵍ ⵏ ⵢⵉⵅⴻⴷⴷⴰⵎⴻⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⵙⴰⴳⴻⵏ (ⵎⵉⵏⴰ’) ⵏ ⵡⴻⵀⵕⴰⵏ ⵙ ⵓⴱⴻⵔⵔⵉⵃ ⵏ « ⵜⴻⵎⵙⴻⵜⵍⴻⵍⵜ (ⵜⴰⴹⴰⵎⵓⵏ) ⵜⵓⵎⵎⵉⴷⵜ ⴷ ⵡⴻⵖⵔⴻⴼ ⴰⵚⴻⵃⵔⴰⵡⵉ », ⵢⴻⵏⵏⴰ-ⴷ ⵎⴰⵙⵙ ⴰⴱⴷⴻⵍⴽⴰⴷⴻⵔ ⵜⴰⵍⴻⴱ ⵧⵎⴰⵔ ⴷⴰⴽⴽⴻⵏ « ⵍⴰ ⵏⴻⵙⵙⴰⵔⴰⵎ ⴷⴰⴽⴽⴻⵏ ⵜⴰⵏⴻⵖⵜⵓⵙⵜ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵢⴻⵔⵣⴰⵏ ⵓⵖⴰⵍ ⵏ ⵎⵉⵏⵓⵔⵙⵧ ⵖⴻⵔ ⵢⵉⴽⴰⵍⴻⵏ ⵉⵚⴻⵃⵔⴰⵡⵉⵢⴻⵏ ⴰⴷ ⴷ-ⵢⴰⵡⵉ ⴰⵢⴻⵏ ⵢⴻⵍⵀⴰⵏ, ⵎⴰⵛⴰ ⵏⴻⵙⵙⴰⵔⴰⵎ ⴷⴰⴽⴽⴻⵏ ⵓⵖⴰⵍ-ⴰ ⴰⴷ ⴷ-ⵢⴻⴳⵍⵓ ⵢⵉⴷ-ⵙ ⵙ ⵢⵉⵃⴻⵣⵣⵉⴱⴻⵏ ⴷ ⵜⴻⵙⵡⴰⵙⵜ ⵉⴱⴰⵏⴻⵏ ⵉ ⵓⵙⵙⵓⴷⴷⴻⵙ ⵏ ⵜⵙⴻⴼⵔⴰⵏⵜ ⵏ ⵓⴳⴳⵓⵛⵛⴻⵍⵎⴰⵏ ⴰⴽⴽⴻⵏ ⴰⴷ ⵜⴼⴰⴽ ⵜⵓⴹⴹⴼⴰ ».
ⵢⴻⵙⵎⴻⴽⵜⵉ-ⴷ ⵓⵎⴰⵙⴰⵢ-ⴰ (ⵎⴰⵙ’ⵓⵍ) ⴰⵚⴻⵃⵔⴰⵡⵉ ⴷⴰⴽⴽⴻⵏ ⵜⵓⵖⴷⴰⴹⵜ ⵏ ⵎⵉⵏⵓⵔⵙⵧ ⵜⴻⵏⵏⵓⵍⴼⴰ-ⴷ ⴰⴽⴽⴻⵏ ⴽⴰⵏ ⴰⴷ ⵜⴻⵙⵙⵓⴷⴷⴻⵙ ⵜⴰⵙⴻⴼⵔⴰⵏⵜ ⵏ ⵓⴳⴳⵓⵛⵛⴻⵍⵎⴰⵏ ⵙ ⵢⵉⵙⴻⵎ-ⵏⵏⴻⵙ ⴷ ⴰⵣⵔⴻⴼ ⵏ ⵡⴻⵖⵔⴻⴼ ⴰⵚⴻⵃⵔⴰⵡⵉ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵜⵓⵖⴷⴰⴹⵜ-ⴰ ⵜⴻⵍⵍⴰ-ⴷ ⴷ ⴰⵛⵇⵉⵔⵔⴻⵡ ⵢⴻⵔⵏⵓ ⴷ ⴰⴽⴰⵢⴰⴷ ⵏ ⵜⵉⴷⴻⵜ ⵉ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.
ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⵎⴻⵏⵣⵓ ⴰⵚⴻⵃⵔⴰⵡⵉ ⴷⴰⴽⴽⴻⵏ ⵢⴻⵙⵙⴰⵔⴰⵎ ⴰⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵏ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴷ ⵢⴻⵙⵙⵉⵡⴻⴹ ⴰⴷ ⴷ-ⵉⵃⴻⵜⵜⴻⵎ ⴰⵢⴰ ⵢⴻⵔⵏⵓ ⴰⴷ ⵢⴻⵃⵕⴻⵙ ⵎⴻⵕⵕⵓⴽ ⴰⴽⴽⴻⵏ ⴰⴷ ⴷ-ⵜⵓⵖⴰⵍ ⵖⴻⵔ ⵍⵇⴰⵏⵓⵏ ⴰⴳⵔⴰⵖⵍⴰⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷⴰⴽⴽⴻⵏ ⴰⵢⴰ ⴷ ⴰⵙⵙⵎⴰⴷ ⵉ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⵏ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⴷⴻⴳ ⵜⴻⵎⵏⴰⴹⵜ ⴷ ⵓⵎⴰⴹⴰⵍ.
ⵉⵄⴻⵢⵢⴻⵏ-ⴷ ⴷⴰⵖ ⵓⵎⴰⵙⴰⵢ-ⴰ ⴰⵚⴻⵃⵔⴰⵡⵉ ⵖⴻⴼ ⵓⴽⴻⵎⵎⴻⵍ ⵏ ⵜⴻⴳⵏⵉⵜ-ⴰ ⵏ ⵜⴻⵣⵖⵉⵏⵜ (ⴰⵣⵎⴰ) ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ, ⵍⴰⴷⵖⴰ ⵉⵎⵉ ⵎⴻⵕⵕⵓⴽ ⵜⴻⵙⵙⵖⴻⵔ ⵉⵖⴻⴼ-ⵏⵏⴻⵙ ⵢⴻⵔⵏⵓ ⵜⵓⴳⵉ ⴰⴷ ⵜⵇⴰⴷⴻⵔ ⵍⵇⴰⵏⵓⵏ ⴰⴳⵔⴰⵖⵍⴰⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⴷⴰⴽⴽⴻⵏ ⵛⵛⴻⵔⴹ ⵏ ⵡⴻⵎⵜⴰⵡⴰ (ⵉⵜⵜⵉⴼⴰⵇ) ⵏ ⵡⴻⵃⴱⴰⵙ ⵏ ⵢⵉⵎⴻⵏⵖⵉ ⴷ ⴰⵙⵙⵓⴷⴷⴻⵙ ⵏ ⵜⵙⴻⴼⵔⴰⵏⵜ ⵏ ⵓⴳⴳⵓⵛⵛⴻⵍⵎⴰⵏ.
