Asebter amenzawi

Tamenɣest: aḥuddu n twennaḍt yeḥwaǧ abgas n wakk tizemmar n twilayt (tiddukliwin)

TAMENɣEST - Grent-d tiɣri tiddukliwin d yigemmigen (faɛilin) n tmetti taɣarimt n twilayt n Tmenɣest akken ad mɛawanen akk yidisan ay terza temsalt i weḥbas n wezraɛ n tursaḍ deg tmaneɣt-a n Uhaggaṛ.

Tagnit-a tamecɣabt teccmet tugna tamerrayant (siyaḥiyya) n temdint n Tmenɣest, yernu tḍurr tawennaḍt-nnes. S waya, yessefk akk tizemmar tidiganin (maḥalliyya) ad ttekkint deg ussizdeg n twennaḍt, am wakken ay yessefk ad yegget ccɣel n wesḥulfu n medden d tuẓut n yedles n weḥraz n twennaḍt, ɣef wakken ay d-nnan wid ay d-yegren tiɣri.

Yenna-d uselway n tnarit (maktab) n twilayt n Tiddukla n Yilemẓiyen Aggagen (mutaqqafin), Abdelghani Medeb, dakken yessefk ad yettunefk wazal i lecɣal iqerben ɣer medden yernu d tiddukliwin ay yessefken ad gent aya s wemɛawen d wudusen d teṛmsin ay terza temsalt i ussizdeg n twennaḍt.

Iwekked-d daɣ dakken yessefk ad d-yili ussetrer (ɛaṣrana) n ttawilat n ussizdeg n temdint akken ad d-yili ussizdeg akken iwata yernu ad neqsen waḍḍanen ay d-yettekken seg wammus n twennaḍt.

Ma d amasay (mas’ul) n yiwet n tnegga n tmerrit n Tmenɣest, Ahmed Hamdaoui, iwekked-d dakken yessefk ad d-yili wemɛawen i weḥraz n tugna tucbiḥt n tmaneɣt n Uhaggaṛ yettwassnen s tmerrit, ladɣa imi ammus d wexṣar n twennaḍt yezmer ad iḍurr tamerrit yellan d aḥric ayyes tettzuxxu temnaḍt-a.