ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ ⴰⴷ ⴷ-ⵜⴻⴹⴹⴻⴼ 42 000 ⵏ ⵜⵏⴻⵣⴷⵓⵖⵉⵏ ⴷⴻⴳ 2016

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⴷⴻⴳ ⵓⵙⴻⴳⴳⴰⵙ ⵏ 2016, ⴰⴷ ⴷ-ⵜⴻⴹⴹⴻⴼ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ 42.000 ⵏ ⵜⵏⴻⵣⴷⵓⵖⵉⵏ ⵙⴻⴳ ⴳⴰⵔ 150.000 ⴰⵢ ⵍⴰ ⵢⴻⵜⵜⵡⴰⴱⵏⴰⵢⴻⵏ ⵉⵎⵉⵔ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⴱⴷⴻⵔ ⵜⴻⵛⵔⴰⵡⵜ ⵜⴰⵙⴻⴳⵙⴰⵏⵜ ⵏ ⵡⴻⵔⵎⵓⴷ ⵏ ⵜⵡⵉⵍⴰⵢⵜ.

ⵜⴰⵛⵔⴰⵡⵜ-ⴰ ⵜⴻⵜⵜⵡⴰⵇⴻⴷⴷⴻⵎ-ⴷ ⴷⴻⴳ ⵜⴻⴷⵡⵉⵍⵜ ⵏ ⵓⵙⴻⵇⵇⴰⵎⵓ ⴰⵖⴻⵔⴼⴰⵏ ⵏ ⵜⵡⵉⵍⴰⵢⵜ, ⵢⴻⵔⵏⵓ ⵜⵅⴻⴱⴱⴻⵔ-ⴷ ⴷⴰⴽⴽⴻⵏ ⵜⴰⵡⵉⵍⴰⵢⵜ ⴰⴷ ⴷ-ⵜⴻⴹⴹⴻⴼ 42.358 ⵏ ⵜⵏⴻⵣⴷⵓⵖⵉⵏ ⴷⴻⴳ 2016, ⴳⴰⵔ-ⴰⵙⴻⵏⵜ 22.677 ⵏ ⵜⵏⴻⵣⴷⵓⵖⵉⵏ ⵏ ⵡⴰⵀⵉⵍ ⵏ ⵓⵙⵙⴻⵏⵣⵉ ⵙ ⵍⴻⴽⵔⴰ (ⴰⴰⴷⵍ) ⴷ ⵡⵓⴳⴰⵔ ⵏ 7000 ⵏ ⵜⵏⴻⵣⴷⵓⵖⵉⵏ ⵜⵉⵏⵎⴻⵜⵜⵉⵢⵉⵏ ⵜⴰⵡⵡⴰⵙⴰⵏⵉⵏ (ⵜⴰⵙⴰⵀⵓⵎⵉ).

ⴰⵎⴹⴰⵏ (ⵄⴰⴷⴰⴷ) ⴰⵎⴰⵜⵓ ⵏ ⵜⵏⴻⵣⴷⵓⵖⵉⵏ ⴰⵢ ⵍⴰ ⵢⴻⵜⵜⵡⴰⴱⵏⴰⵢⴻⵏ ⵢⴻⵡⵡⴻⴹ ⵖⴻⵔ 151.040, ⵖⴻⴼ ⵍⴻⵃⵙⴰⴱ ⵏ ⵜⴻⵛⵔⴰⵡⵜ-ⴰ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵏⴻⵣⴷⵓⵖⵜ ⵜⴰⵏⴰⴳⴷⵓⴷⵜ (ⵄⵓⵎⵓⵎⵉⵢⵢⴰ) ⵙ ⵍⴻⴽⵔⴰ, ⵜⴰⵡⵉⵍⴰⵢⵜ ⴰⴷ ⴷ-ⵜⴻⴹⴹⴻⴼ 12.300 ⵏ ⵜⵏⴻⵣⴷⵓⵖⵉⵏ, ⴳⴰⵔ-ⴰⵙⴻⵏⵜ 9.597 ⵏ ⵜⵏⴻⵣⴷⵓⵖⵉⵏ ⵢⴻⵍⵍⴰⵏ ⴷⴻⴳ ⵡⴰⵀⵉⵍ ⵏ ⵙⴻⵎⵎⵓⵙ ⵏ ⵢⵉⵙⴻⴳⴳⴰⵙⴻⵏ ⵏ 2010-2014, ⵖⴻⴼ ⵡⴰⴽⴽⴻⵏ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵛⵔⴰⵡⵜ-ⴰ.

ⴷⴻⴳ 2015, ⵜⴻⴱⴷⴰ-ⴷ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ ⵍⴻⴱⵏⵉ ⵏ 30.700 ⵏ ⵜⵏⴻⵣⴷⵓⵖⵉⵏ ⵏ ⵚⵚⴻⵏⴼ ⵏ ⵓⵙⵙⴻⵏⵣⵉ ⵙ ⵍⴻⴽⵔⴰ, ⵢⴻⵔⵏⵓ ⵜⴻⴹⴹⴻⴼ-ⴷ 11.700 ⵏ ⵜⵏⴻⵣⴷⵓⵖⵉⵏ ⵜⵉⵏⴰⴳⴷⵓⴷⵉⵏ ⵏ ⵍⴻⴽⵔⴰ ⴷ ⵜⵏⴻⵣⴷⵓⵖⵉⵏ ⵜⵉⵏⵎⴻⵜⵜⵉⵢⵉⵏ ⵜⴰⵡⵡⴰⵙⴰⵏⵉⵏ.

52.418 ⵏ ⵢⵉⵙⴻⵏⴼⴰⵔⴻⵏ ⴰⵢ ⵍⴰ ⵢⴻⵜⵜⵡⴰⵣⵔⴰⵡⴻⵏ, ⵢⴻⵔⵏⵓ ⴰⵣⴳⴻⵏ ⵙⴻⴳ-ⵙⴻⵏ ⴷ ⵜⵉⵏⴻⵣⴷⵓⵖⵉⵏ ⵜⵉⵏⴰⴳⴷⵓⴷⵉⵏ ⵙ ⵍⴻⴽⵔⴰ (29.094) ⴷ 17.000 ⵏ ⵜⵏⴻⵣⴷⵓⵖⵉⵏ ⵏ ⴰⴰⴷⵍ ⴷ ⵍⴻⵚⵏⴰⴼ ⵏⵉⴹⴻⵏ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⴻⵙⵎⴻⴽⵜⵉ-ⴷ ⵜⴻⵛⵔⴰⵡⵜ-ⴰ ⴷⴰⴽⴽⴻⵏ 39.000 ⵏ ⵜⵡⴰⵛⵓⵍⵉⵏ ⵓⵎⵉ ⴱⴻⴷⴷⵍⴻⵏ ⵜⴰⵏⴻⵣⴷⵓⵖⵜ ⴷⴻⴳ ⵡⴰⵙⵎⵉ ⴰⵢ ⴷ-ⵢⴻⴱⴷⴰ ⵡⴻⴼⵔⴰⵇ ⵏ ⵜⵏⴻⵣⴷⵓⵖⵉⵏ ⵜⵉⵎⴰⵢⵏⵓⵜⵉⵏ ⵙⴻⴳ ⵢⵓⵏⵢⵓ ⵏ 2014 ⵖⴻⵔ ⵜⴳⴰⵔⴰ ⵏ 2015. ⴳⴰⵔ ⵜⵡⴰⵛⵓⵍⵉⵏ-ⴰ, 9.000 ⵙⴼⴰⵢⴷⵉⵏⵜ-ⴷ ⵙⴻⴳ ⵜⵏⴻⵣⴷⵓⵖⵉⵏ ⵜⵉⵏⵎⴻⵜⵜⵉⵢⵉⵏ ⵜⴰⵡⵡⴰⵙⴰⵏⵉⵏ, ⵎⴰ ⴷ ⵜⵉⵢⴰⴹ ⵙⴼⴰⵢⴷⵉⵏⵜ-ⴷ ⵙⴻⴳ ⵜⵏⴻⵣⴷⵓⵖⵉⵏ ⵜⵉⵏⴰⴳⴷⵓⴷⵉⵏ ⵏ ⵍⴻⴽⵔⴰ.

ⴷⴻⴳ 2015, 17.000 ⵏ ⵜⵡⴰⵛⵓⵍⵉⵏ ⵓⵎⵉ ⴱⴻⴷⴷⵍⴻⵏ ⵜⴰⵏⴻⵣⴷⵓⵖⵜ ⴷⴻⴳ 5 ⵏ ⵜⴻⵎⵀⴰⵍ (ⵄⴰⵎⴰⵍⵉⵢⵢⴰⵜ) ⵜⵉⵎⴻⵇⵔⴰⵏⵉⵏ ⵏ ⵓⴱⴻⴷⴷⴻⵍ ⵏ ⵜⵏⴻⵣⴷⵓⵖⵜ, ⵢⴻⵔⵏⵓ ⵉⵃⵓⵣⴰ-ⴷ ⴰⵢⴰ 87.000 ⵏ ⵢⴻⵎⴷⴰⵏⴻⵏ ⵢⴻⵍⵍⴰⵏ ⵣⴻⴷⵖⴻⵏ ⵏⴰⵇⴰⵍ ⴷⴻⴳ ⵢⵉⴱⴻⵕⵕⴰⴽⴻⵏ ⴷ 22 ⵏ ⵢⵉⵣⴰⴷⴰⵖⴻⵏ ⵉⵇⴱⵓⵔⴻⵏ ⴷ 1263 ⵏ ⵚⵚⴷⵓⵃⴰⵜ ⵏⴻⵖ ⵏ ⵢⵉⴷⴻⵔⴱⵓⵣⴻⵏ.

ⵜⴰⵙⴻⵇⵇⴰⵎⵓⵜ ⵏ ⵜⵏⴻⵣⴷⵓⵖⵜ ⵏ ⵜⵡⵉⵍⴰⵢⵜ ⵜⴻⴹⴹⴻⴼ-ⴷ 7000 ⵏ ⵢⵉⵛⵛⴻⵜⴽⵉⵢⴻⵏ, ⴳⴰⵔ-ⴰⵙⴻⵏ 6438 ⵜⵜⵡⴰⴳⵉⵏ, 415 ⵜⵜⵡⴰⵇⴻⴱⵍⴻⵏ, ⴳⴰⵔ-ⴰⵙⴻⵏ 103 ⵏ ⵢⵉⵛⵛⴻⵜⴽⵉⵢⴻⵏ ⵙⵖⵓⵔ ⵢⵉⵎⴻⵣⴷⴰⵖⴻⵏ ⵏ ⵢⵉⴱⴻⵕⵕⴰⴽⴻⵏ ⵏ ⵕⵕⴻⵎⵍⵉ, ⴷⴻⴳ ⵓⵙⴰⴽⴰ ⵏ ⵇⵙⴻⵏⵟⵉⵏⴰ.

ⵜⴰⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ ⵍⵍⴰⵏⵜ ⴷⴻⴳ-ⵙ 646.560 ⵏ ⵜⵏⴻⵣⴷⵓⵖⵉⵏ, ⵢⴻⵔⵏⵓ ⵢⴰⵍ ⵜⴰⵏⴻⵣⴷⵓⵖⵜ ⵜⴻⵙⵄⴰ ⵜⴰⵍⴻⵎⵎⴰⵙⵜ 5,08 ⵏ ⵢⵉⵎⴻⵣⴷⴰⵖⴻⵏ ⵖⴻⴼ ⵍⴻⵃⵙⴰⴱ ⵏ ⵜⴰⴷⴷⴰⴷⴰⵏⵉⵏ (ⵉⵃⵚⴰ’ⵉⵢⵢⴰⵜ) ⵏ ⵜⵡⵉⵍⴰⵢⵜ-ⴰ ⴰⵢⴷⴻⴳ ⵣⴻⴷⵖⴻⵏ 3,1 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵎⴻⵣⴷⴰⵖⴻⵏ ⴷⴻⴳ 2015.