ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵓⵥⵓⵜ ⵏ ⵢⴻⴳⵎⴰⵏⴻⵏ ⵏ ⵢⴻⵎⴷⴰⵏⴻⵏ ⵢⴻⵎⵎⵓⵜⴻⵏ ⵓⵔ ⴷ-ⵜⴻⵜⵜⴽⴰⴼⵉ ⵉ ⵓⵇⴰⴱⴻⵍ ⵏ ⵡⴰⵢⴻⵏ ⵃⵡⴰⴵⴻⵏ ⵢⵉⵎⵓⴹⵉⵏⴻⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴷⴰⵡⵙⴰ, ⴰⴱⴷⴻⵍⵎⴰⵍⴻⴽ ⴱⵧⵓⴷⵉⴰⴼ, ⴰⵙⵙ ⵏ ⵍⴻⵜⵏⵉⵢⴻⵏ, ⴷⴰⴽⴽⴻⵏ ⵜⵓⵥⵓⵜ ⵏ ⵢⴻⴳⵎⴰⵏⴻⵏ (ⴰⵄⴹⴰ’) ⵏ ⵢⴻⵎⵚⴻⴷⴷⵇⴻⵏ ⵢⴻⵎⵎⵓⵜⴻⵏ ⵓⵔ ⴷ-ⵜⴻⵜⵜⴽⴰⴼⵉ ⵉ ⵓⵎⵎⴰⴳⴻⵔ ⵏ ⵡⴰⵢⴻⵏ ⵃⵡⴰⴵⴻⵏ ⵢⵉⵎⵓⴹⵉⵏⴻⵏ ⴰⵢ ⵍⴰ ⵢⴻⵜⵜⵕⴰⵊⵓⵏ ⴰⵍⴻⵇⵇⴻⵎ.
ⵎⵉ ⴷ-ⵢⴻⴱⴷⴰ ⵓⵙⴰⵔⴰⴳ ⴰⴳⵔⴰⵖⵍⴰⵏ ⵖⴻⴼ « ⵓⵙⵙⴻⵎⵢⵓⴷⴷⴻⵙ ⴳⴰⵔ ⵢⴻⵙⴱⵉⵟⴰⵔⴻⵏ ⴷⴻⴳ ⵜⵓⴽⴽⵙⴰ ⵏ ⵡⴰⵟⴰⵙ ⵏ ⵢⴻⴳⵎⴰⵏⴻⵏ » ⵙⴻⴳ ⵢⴻⵎⵚⴻⴷⴷⴻⵇ ⵢⴻⵎⵎⵓⵜⴻⵏ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ « ⵓⵍⴰ ⵎⴰ ⵜⴻⵍⵍⴰ-ⴷ ⵜⵉⴷⴷⵉⵜ ⵖⴻⵔ ⵙⴷⴰⵜ ⴷⴻⴳ ⵜⵓⵥⵓⵜ ⵏ ⵢⴻⴳⵎⴰⵏⴻⵏ », ⵎⴰⵣⴰⵍ ⵢⴻⵍⵍⴰ ⵍⴻⵅⵚⴰⵚ ⵉ ⵓⵎⵎⴰⴳⴻⵔ ⵏ ⵡⴰⵢⴻⵏ ⵃⵡⴰⴵⴻⵏ ⵢⵉⵎⵓⴹⵉⵏⴻⵏ ⴰⵢ ⵍⴰ ⵢⴻⵜⵜⵕⴰⵊⵓⵏ ⴰⵍⴻⵇⵇⴻⵎ.
ⴷⵖⴰ, ⴷⴻⴳ ⵜⴻⵎⵙⴰⵍⵜ-ⴰ, ⵢⴻⵏⵏⴰ-ⴷ ⴷⴰⴽⴽⴻⵏ ⵢⴻⵍⵍⴰ-ⴷ ⵍⴻⵅⵚⴰⵚ ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴹⴹⴰⵏⴻⵏ ⵏ ⵜⴻⴳⵥⴰⵍ ⴷ ⵜⴰⵙⴰ, ⵢⴻⵔⵏⵓ ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵢⴻⵎⵚⴻⴷⴷⵇⴻⵏ ⵏ ⵙⵉⵏ-ⴰ ⵏ ⵢⴻⴳⵎⴰⵏⴻⵏ ⴷ ⵉⵎⵓⴷⴷⵉⵔⴻⵏ.
ⵎⴰⵙⵙ ⴱⵧⵓⴷⵉⴰⴼ ⵢⴻⴼⴽⴰ-ⴷ ⵜⴰⴷⴷⴰⴷⴰⵏⵉⵏ (ⵉⵃⵚⴰ’ⵉⵢⵢⴰⵜ) ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵍⴻⵇⵇⴻⵎ ⵏ ⵜⴻⴳⵥⴰⵍ, ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ, ⴷⴻⴳ ⵜⵍⴻⵎⵎⴰⵙⵜ, 230 ⵏ ⵢⵉⵎⵓⴹⵉⵏⴻⵏ ⵓⵎⵉ ⵜⵜⵍⴻⵇⵇⵉⵎⴻⵏ ⵜⵉⴳⵥⴰⵍ, ⵢⴻⵔⵏⵓ « ⴰⵢⴰ ⵉⵅⵓⵚⵚ ⴰⵟⴰⵙ ⵖⴻⴼ ⵍⴻⵃⵙⴰⴱ ⵏ ⵡⴰⵢⴻⵏ ⴰⵢ ⵍⴰ ⵜⵜⵕⴰⵊⵓⵏ ⵢⵉⵎⵓⴹⵉⵏⴻⵏ » ⴰⵢ ⵢⴻⵜⵜⵡⴰⵃⵙⴰⴱⴻⵏ ⵙ ⵢⵉⴳⵉⵎⴰⵏ (ⴰⵍⴰⴼ).
ⴰⵢⴰ ⵢⴻⵙⵙⴽⴰⵏⴰⵢ-ⴷ ⴷⴰⴽⴽⴻⵏ ⵢⴻⵍⵍⴰ ⵍⴻⵅⵚⴰⵚ ⴷⴻⴳ ⵜⵓⵥⵓⵜ ⵏ ⵢⴻⴳⵎⴰⵏⴻⵏ ⴰⵢ ⴷ-ⵢⴻⵜⵜⴻⴽⴽⴻⵏ ⵓⵍⴰ ⵙⴻⴳ ⵢⴻⵎⵚⴻⴷⴷⵇⴻⵏ ⵉⵎⵓⴷⴷⵉⵔⴻⵏ, ⵢⴻⵔⵏⵓ ⵜⵉⴼⵔⴰⵜ ⵜⴰⵡⵃⵉⴷⵜ ⴷ ⴰⵀⴻⵢⵢⵉ ⵏ ⵓⴽⴰⵜⴰⵔ ⵏ ⵓⵙⵙⵓⴷⴷⴻⵙ (ⵜⴰⵏⴹⵉⵎ) ⵉⵡⴰⵜⴰⵏ ⵉ ⵡⴻⵙⵏⴻⴼⵍⵉ (ⵜⴰⵏⵎⵉⵢⴰ) ⵏ ⵓⵍⴻⵇⵇⴻⵎ ⵏ ⵢⴻⴳⵎⴰⵏⴻⵏ, ⵏ ⵜⵥⴻⴹⴹⴰⵡⵉⵏ ⴷ ⵜⴻⴱⵏⵉⵇⵉⵏ ⵙⴻⴳ ⵢⴻⵎⵚⴻⴷⴷⵇⴻⵏ ⵓⵎⵉ ⵢⴻⵎⵎⵓⵜ ⵡⴰⵍⵍⴰⵖ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
