ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴱⵓⵖⴻⵔ ⵏ ⵢⵉⵙⵓⴹⴰⴼ ⵖⴻⴼ ⵜⴻⵍⵖⵓⵜ ⵜⴻⵎⵎⴰⵍ-ⴷ ⵜⵓⵟⵟⴼⴰ ⵏ ⵍⴻⵣⵣⴰⵢⴻⵔ ⴷⴻⴳ ⵜⵍⴻⵍⵍⵉ ⵏ ⵡⴰⵡⴰⵍ (ⴰⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ)
ⵍⴻⵣⵣⴰⵢⴻⵔ – ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵢⴻⵏⵏⴰ-ⴷ ⴰⵙⵙ ⵏ ⵍⴻⵜⵏⵉⵢⴻⵏ ⴷⴰⴽⴽⴻⵏ ⴰⵙⴱⵓⵖⴻⵔ ⵏ ⵢⵉⵙⵓⴹⴰⴼ ⵢⴻⵔⵣⴰⵏ ⵜⴰⵍⵖⵓⵜ ⵓⵙⴰⵏ-ⴷ ⴰⴽⴽⴻⵏ ⴰⴷ ⵙⴵⴻⵀⴷⴻⵏ ⵜⵓⵟⵟⴼⴰ ⵏ ⵍⴻⵣⵣⴰⵢⴻⵔ ⴷⴻⴳ ⵜⵍⴻⵍⵍⵉ ⵏ ⵡⴰⵡⴰⵍ.
ⵙⴻⴳ ⵓⵣⴰⵍ ⵉ ⵏⴻⴼⴽⴰ ⵉ ⵜⵖⴰⵎⵙⴰ ⴰⴽⴽⴻⴷ ⵍⴰⵎⴰⵏ ⵏⵓⵎⴻⵏ ⴷⴰⴽⴽⴻⵏ ⴷ ⴰⵍⵍⴰⵍ ⵢⴻⵙⵄⴰ ⵜⴰⵎⵍⵉⵍⵜ ⵢⴻⵍⵀⴰⵏ ⵉ ⵍⴼⴰⵢⴷⴰ ⵏ ⵜⵉⴽⵍⵉ ⵏ ⵓⵖⵔⴻⴼ-ⵏⵏⴻⵖ ⴷⴻⴳ ⵓⴱⵔⵉⴷ ⵏ ⵜⵍⴻⵍⵍⵉ ⴰⴽⴽⴻⴷ ⵜⵓⴳⴷⵓⵜ, ⵏⴻⵅⴷⴻⵎ ⵜⴰⵣⵎⴻⵔ-ⵏⵏⴻⵖ, ⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ, ⴰⴽⴽⴻⵏ ⴰⴷ ⵏⴻⵙⴱⵓⵖⴻⵔ ⵉⵙⵓⴹⴰⴼ ⵏ ⵜⵎⵓⵔⵜ-ⵏⵏⴻⵖ ⵢⴻⵔⵣⴰⵏ ⵜⴰⵖⴰⵎⵙⴰ, ⴰⴽⴽⴻⵏ ⵜⴻⴱⵖⴰ ⵜⵉⵍⵉ ⵜⴻⵍⵖⴰ-ⵏⵙⴻⵏ’’, ⵉ ⴷ-ⵢⴻⵙⵙⴻⴷⴷⵉ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⴷⴻⴳ ⵢⵉⵡⴻⵏ ⵏ ⵢⵉⵣⴻⵏ ⵜⴰⵎⴻⴷⴷⵉⵜ ⵏ ⵡⴰⵙⵙ ⵇⴱⴻⵍ ⴰⵙⵙ ⵏ ⵓⵙⴼⵓⴳⴻⵍ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵜⵍⴻⵍⵍⵉ ⵏ ⵜⵖⴰⵎⵙⴰ (ⴰⵙⵙ ⵏ 3 ⵎⴰⵢⵓ).
ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵣⵣⵉⵔⴻⴳ-ⴷ ⴷⴰⴽⴽⴻⵏ ⴰⵙⴱⵓⵖⴻⵔ-ⴰ ‘’ ⵢⵓⵙⴰⴷ ⴰⴽⴽⴻⵏ ⴰⴷ ⵢⴻⵙⵙⴻⴵⵀⴻⴷ ⵜⵓⵟⵟⴼⴰ-ⵏⵏⴻⵖ ⴷⴻⴳ ⵜⵍⴻⵍⵍⵉ ⵏ ⵡⴰⵡⴰⵍ ⴰⴽⴽⴻⴷ ⵜⵥⴻⵔⵙⴻⴳⵜⴰ ⵜⴰⵙⴻⵔⵜⴰⵏⵜ, ⴷ ⵜⵉⵍⴰⵡⵜ ⵓⵔ ⵏⴻⵜⵜⴱⴻⴷⴷⵉⵍ ⴷⴻⴳ ⵜⵎⵓⵔⵜ-ⵏⵏⴻⵖ’’, ⵢⴻⵔⵏⴰ ⵢⴻⵏⵏⴰ-ⴷ ’’ⵜⴰⵙⴻⵎⵎⴻⵙⴽⴻⵍⵜ ⵏ ⵢⵉⵙⵓⴹⴰⴼ ⵜⵃⴻⵜⵜⴻⵎ-ⴷ ⵉⵎⴰⵏ-ⵉⵙ ⵙⴻⴳ ⵜⵉⵙⵙⴻⴳⵜⵉⵜ ⵉ ⵏⴻⵙⵙⴻⴽⵍⴻⵙ ⴷⴻⴳ ⵜⵎⵓⵔⵜ-ⵏⵏⴻⵖ ⴷⴻⴳ ⵜⴰⵖⵓⵍⵜ ⵏ ⵜⵖⴰⵎⵙⴰ ⴰⴽⴽⴻⴷ ⵢⵉⵎⵉⴷⵢⴰⵜⴻⵏ ⵉⵙⵍⵉⵥⵔⴰⵏⴻⵏ’’.
