Asebter amenzawi

Asbuɣer n yisuḍaf ɣef telɣut temmal-d tuṭṭfa n Lezzayer deg tlelli n wawal (aselway Bouteflika)

LEZZAYER – Aselway n Tegduda, Abdelaziz Bouteflika, yenna-d ass n letniyen dakken asbuɣer n yisuḍaf yerzan talɣut usan-d akken ad sǧehden tuṭṭfa n Lezzayer deg tlelli n wawal.

Seg uzal i nefka i tɣamsa akked laman numen dakken d allal yesɛa tamlilt yelhan i lfayda n tikli n uɣref-nneɣ deg ubrid n tlelli akked tugdut, nexdem tazmer-nneɣ, iseggasen-a ineggura, akken ad nesbuɣer isuḍaf n tmurt-nneɣ yerzan taɣamsa, akken tebɣa tili telɣa-nsen’’, i d-yesseddi uselway Bouteflika deg yiwen n yizen tameddit n wass qbel ass n usfugel n Wass amaḍlan n tlelli n tɣamsa (ass n 3 mayu).

Aselway n Tegduda yezzireg-d dakken asbuɣer-a ‘’ yusad akken ad yesseǧhed tuṭṭfa-nneɣ deg tlelli n wawal akked tẓersegta tasertant, d tilawt ur nettbeddil deg tmurt-nneɣ’’, yerna yenna-d ’’tasemmeskelt n yisuḍaf tḥettem-d iman-is seg tissegtit i nessekles deg tmurt-nneɣ deg taɣult n tɣamsa akked yimidyaten isliẓranen’’.