Asebter amenzawi

Aselway n Côte d'Ivoire yebda yiwet n tirzi n uwanak ɣer Lezzayer

LEZZAYER TAMANEɣT – Aselway n tagduda n Côte d'Ivoire, Alassane Dramane Ouattara, yebda ass n Letniyen yiwet n tirzi n uwanak ara yekken kuẓ (4) n wussan deg Lezzayer, s wencad n uselway n tagduda Abdelaziz Bouteflika.

Mass Ouattara yemmuger-it deg unafag agraɣlan n Houari Boumediene, Uselway n useqqamu n uɣlan Abdelkader Bensalah, Aneɣlaf amezwaru Abdelmalek Sellal, akked kra n yiɛeggalen n unabaḍ.

Tirzi-agi, i yellan d tirzi tamenzut seg yidis n yiɣellaten n Côte d'Ivoire ɣer Lezzayer, ad tefk talemmizt i sin yiɣellaten n tmura i wakken « ad d-fken ljehd s wudem amaynut, i udiwenni d umedhel gar snat tmura-a, akken ara tili d talemmizt i tmuɣli di temsal n nnfeɛ ucrik gar-asent, deg ayen icudden ɣer waddad ideg yella umenẓaw n Tefriqt s umata, ladɣa ayen yerzan talwit d tɣellist deg temnaḍt-a » ɣef akken i d-yenna yiwen n wulɣu n tselwit n tagduda.