Asebter amenzawi

Anmager Amatu n tsednan tiwamniyin yefka arraz uzzig i unabaḍ adzayri

LEZZAYER TAMANEɣT - Yeɛzem Wenmager Amatu n Tsednan Tiwamniyin ad yefk arraz uzzig (xaṣṣ) i unabaḍ (ḥukuma) adzayri.

Arraz-a ad yettunefk ass n laṛebɛa deg Ɛemman (Luṛdun) i unabaḍ adzayri, yernu d taneɣlaft n temseltlelt taɣelnawt, Massa Mounia Meslem, ad ikellef uselway n tegduda, Abdelaziz Bouteflika, akken ad t-id-teḍḍef.

«Tukci n warraz-a i Lezzayer d ayen ay d-yesskanayen tajmilt ay rrant tuddsiwin (munaḍḍamat) n wenmager-a i yisurifen ay tga tmurt-nneɣ ɣer sdat deg wesfulmen (istiqlaliyya) n tmeṭṭut deg wakk inurar, ama d tasertit neɣ d tadamsa », ɣef wakken ay d-yenna welɣu n weɣlif n temsetlelt taɣelnawt.

Timliliyin n wenmager-a « ad d-lhunt s usentel n ‘Tisednan deg tsertit, afara (taqaddum) arurad’, yernu ad d-yili deg-sent uwekked ɣef dduṛ n tmeṭṭut tawamnit deg wahilen igraɣlanen d temsal timiranin », ɣef wakken ay d-yenna welɣu-a (bayan).

Anmager Amatu n Tsednan Tiwamniyin yella-d i tikkelt tamezwarut deg temnaḍt n Wegmuḍ Alemmas d Tefriqt n Ugafa.

Anmager-a d llsas n uxeddim d wemciweṛ asertan yernu yettili-d yal aseggas deg ukatar n usenfar amnaḍan umi semman « Assejhed n wesfulmen n tmeṭṭut deg yemnan d uttekki-nnes asertan ».