Asebter amenzawi

Ikayaden iɣelnawen: ajbad n lekwaɣeḍ n teɣri seg wass n ttlata d asawen

LEZZAYER TAMANEɣT – Imazwaren (muraccaḥin) n yikayaden n lbak, agerdas n welmud alemmas d ukayad n tgara n tallust tamenzut (2016) ad bdun ad d-jebbden lekwaɣeḍ-nsen n teɣri seg udeg n Internet n Udiwan Aɣelnaw n Yikayaden d Temsizewrin.

«Ajbad n teɣra i yimazwaren n yikayaden n lbak, agerdan n welmud alemmas d tgata n tallust tamenzut, ad d-yebdu ass n ttlata yernu ad ikemmel arma d ass n ukayad. Ajbad-a ad d-yili seg yideggen-a www.bac.onec.dz, www.bem.onec.dz akked www.cinq.onec.dz", ɣef wakken ay aɣ-d-yenna unemhal amatu n Udiwan Aɣelnaw n Yikayaden d Temsizewrin, Mohamed-Amine Mebrek.

ɣef leḥsab n yezwilen (arqam) n Udiwan-a ay d-tefka tneɣlaft n ussegmi aɣelnaw, Nouria Bengebrit, imazwaren n lbak wwḍen ɣer 818.520 n yinelmaden, imazwaren n ugerdas n welmud alemmas wwḍen ɣer 559.926, ma d imazwaren n ukayad n tgara n tallust tamenzut, wwḍen ɣer 705.460.

Ikayaden n lbak ad d-ilin gar 29 Mayu d 2 Yunyu, wid n ugerdas n welmud alemmas gar 24 d 26 Mayu, ma d wid n tgara n tallust tamenzut ass n 22 Mayu.