ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⵇⴰⵏⵓⵏ ⵏ ⵡⴻⵙⵍⴰⴳⴰⵏ ⵏ ⵓⵎⴰⵔⵓⴷ ⵏ 2013: ⴰⵥⴻⴹⴹⴰ ⵏ ⵢⴻⴱⵔⵉⴷⴻⵏ ⵢⴻⵡⵡⴻⴹ ⵖⴻⵔ 118.000 ⵏ ⵢⵉⴽⵉⵍⵓⵎⵉⵜⵔⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵢⵉⵎⴰⵀⵉⵍⴻⵏ (ⴰⵛⵖⴰⵍ) ⵉⵏⴰⴳⴷⵓⴷⴻⵏ, ⴰⴱⴷⴻⵍⴽⴰⴷⴻⵔ ⵧⵓⴰⵍⵉ, ⴰⵙⵙ ⵏ ⵍⴻⵜⵏⵉⵢⴻⵏ, ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵏ ⵜⴻⵙⵎⵉⵍⵜ ⵏ ⵜⴻⴷⵔⵉⵎⵜ ⴷ ⵓⵎⴰⵔⵓⴷ (ⵎⵉⵣⴰⵏⵉⵢⵢⴰ) ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ, ⴷⴰⴽⴽⴻⵏ ⴰⵥⴻⴹⴹⴰ ⴰⵖⴻⵍⵏⴰⵡ ⵏ ⵢⴻⴱⵔⵉⴷⴻⵏ ⵢⴻⵔⵏⴰ ⵙⴻⴳ 115.952 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ 2012 ⵖⴻⵔ 118.567 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ ⵜⴳⴰⵔⴰ ⵏ 2013.

«ⵜⴰⵊⵓⵎⵎⴰ (ⵎⵉⵙⴰⵃⴰ) ⵏ ⵡⴻⴱⵔⵉⴷ ⴰⵎⴰⵣⵣⴰⵍ ⴰⴳⵎⵓⴹ-ⴰⵜⴰⵔⴰⵎ ⵢⴻⵔⵏⴰ ⵙⴻⴳ 114 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ 2005 ⵖⴻⵔ 1093,5 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ 2013, ⵢⴻⵔⵏⵓ ⵢⴻⵍⵍⴰ ⵉⵔⴻⵏⵏⵓ ⵙ 108,83 ⵏ ⵢⵉⴽⵉⵍⵓⵎⵉⵜⵔⴻⵏ ⵉ ⵓⵙⴻⴳⴳⴰⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵧⵓⴰⵍⵉ ⴷⴻⴳ ⵢⵉⵡⴻⵜ ⵏ ⵜⵖⵉⵎⵉⵜ ⴰⵢ ⴷ-ⵢⴻⵍⵍⴰⵏ ⵉ ⵡⴻⵙⴽⴰⵙⵉ (ⵏⵉⵇⴰⵛ) ⵖⴻⴼ ⵓⵙⴻⵏⴼⴰⵔ ⵏ ⵍⵇⴰⵏⵓⵏ ⵏ ⵡⴻⵙⵍⴰⴳⴰⵏ ⵏ ⵓⵎⴰⵔⵓⴷ ⵏ 2013 ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ, ⴷ ⵜⵉⵖⵉⵎⵉⵜ ⴰⵢ ⴷ-ⵢⴻⵍⵍⴰⵏ ⴷⴷⴰⵡ ⵜⵙⴻⵍⵡⵉⵜ ⵏ ⴱⴻⴷⴰ ⵎⴰⵀⴷⵊⵧⵓⴱ, ⴰⵙⴻⵍⵡⴰⵢ ⵏ ⵜⴻⵙⵎⵉⵍⵜⵏ (ⵍⴰⴵⵏⴰ), ⵙ ⵡⴻⵃⴷⴰⵕ ⵏ ⵓⵏⴻⵖⵍⴰⴼ ⵏ ⵡⴰⵙⵙⴰⵖⴻⵏ ⴷ ⵡⴻⵎⵏⵉ, ⵜⴰⵀⴰⵔ ⴽⵀⴰⵧⵓⴰ.

ⵢⴻⵙⴼⴰⵢⴷⵉ-ⴷ ⵡⴻⵃⵔⵉⵛ ⵏ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ, ⴷⴻⴳ 2013, ⵙⴻⴳ ⵓⵎⴰⵔⵓⴷ ⵏ ⵜⵉⴷⴷⵉⵜ ⵏ 9,942 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ, ⵙⴰⴽⴽⵉⵏ ⵢⴻⵡⵡⴻⴹ ⵖⴻⵔ 11,175 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ. ⵙ ⵡⴰⵢⴰ, ⵢⴻⵔⵏⴰ ⵓⵎⴰⵔⵓⴷ-ⵏⵏⴻⵙ ⵙ 1,275 ⴷ ⴰⵎⴻⵍⵢⴰⵕ ⵏ ⵢⵉⴷⵉⵏⴰⵕⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷⴰⴽⴽⴻⵏ ⵜⵉⵎⴻⵔⵏⵉⵡⵜ-ⴰ ⵜⴻⵍⵍⴰ-ⴷ ⵉ ⵜⵓⴽⵛⵉ ⵏ ⵜⵜⴰⵡⵉⵍⴰⵜ ⵏ ⵓⵎⴻⵙⵏⵉ (ⵏⴰⵇⵍ) ⴷ ⵜⴻⵖⵡⴰⵍⵜ ⵉ ⵜⵎⴻⵀⵍⵉⵡⵉⵏ (ⵎⵓⴷⵉⵔⵉⵢⵢⴰⵜ) ⵏ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ, ⵢⴻⵔⵏⵓ ⵢⴻⵙⵇⴰⵎ-ⴷ ⵡⴰⵢⴰ 435 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ, ⴰⵎ ⵡⴰⴽⴽⴻⵏ ⴰⵢ ⵜⵜⵡⴰⵙⵇⴻⴷⵛⴻⵏ ⴷⴰⵖ 840 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⴷⴻⴳ ⵓⵅⴻⵍⵍⴻⵚ ⵏ ⵡⴰⵢⴻⵏ ⴰⵢ ⵜⵜⴰⵍⴰⵙⴻⵏ ⵢⵉⵅⴻⴷⴷⴰⵎⴻⵏ ⴷⴻⴳ ⵓⵄⴰⵡⴻⴷ ⵏ ⵜⵎⵓⵖⵍⵉ ⴷⴻⴳ ⵍⴻⵅⵍⴰⵚ-ⵏⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ.

ⵉⵎⴻⵚⵔⵓⴼⴻⵏ ⵢⴻⵜⵜⵡⴰⵡⴻⵀⵀⴰⵏ ⵉ ⵜⵖⴰⵡⵙⵉⵡⵉⵏ ⵢⴻⵎⴳⴻⵔⵔⴰⴷⴻⵏ ⵢⴻⵇⵇⵏⴻⵏ ⵖⴻⵔ ⵍⴻⵛⵖⴰⵍ ⵏ ⵡⴻⵖⵍⵉⴼ ⵡⵡⴹⴻⵏ ⵖⴻⵔ 8,144 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ, ⴳⴰⵔ-ⴰⵙⴻⵏ 549 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⵜⵜⵡⴰⵃⴰⵣⴻⵏ-ⴷ ⵉ ⵜⴻⴷⴱⴻⵍⵜ ⵜⴰⵍⴻⵎⵎⴰⵙⵜ ⴷ 7,5 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⵉ ⵢⵉⵎⴻⵥⵍⴰ ⵢⴻⵔⵔⵓⵎⵎⵙⴻⵏ (ⵎⴰⵚⴰⵍⵉⵃ ⵖⴰⵢⵔ ⵎⵓⵎⴰⵔⴽⴰⵣⴰ) (72% ⵙⴻⴳ ⵓⵎⴰⵔⵓⴷ).

ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⴰⵏⵇⴰⵙ ⴷⴻⴳ ⵢⴻⴷⵔⵉⵎⴻⵏ ⵢⴻⵜⵜⵡⴰⵃⴰⵣⴻⵏ ⵉ ⵢⴻⵃⵔⵉⵛⴻⵏ ⵢⴻⵎⴳⴻⵔⵔⴰⴷⴻⵏ ⵢⴻⵍⵍⴰ-ⴷ ⵙⴻⴳ ⵡⴻⴱⵟⴰⵍ ⵏ ⴽⵔⴰ ⵏ ⵍⴻⵄⵇⵓⴷⴰⵜ ⵏ ⵜⵉⵖⵉⵏ ⵏ ⵜⴽⴻⵕⵕⵓⵙⵉⵏ ⵏ ⵓⵅⴻⴷⴷⵉⵎ ⵉⵎⵉ ⵜⵉⵖⵔⴰ ⵉ ⵓⵙⵙⵓⵎⴻⵔ (ⵎⵓⵏⴰⵇⴰⵚⴰⵜ) ⴰⵢ ⴷ-ⵢⴻⵍⵍⴰⵏ ⵉ ⵍⵎⴻⵏⴷ ⵏ ⵡⴰⵢⴰ ⵓⵔ ⴷ-ⵢⴻⴼⵔⵓⵔⵉ ⵙⴻⴳ-ⵙⴻⵏⵜ ⵡⴰⵛⴻⵎⵎⴰ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵎⴰⵔⵓⴷ ⵏ ⵡⴻⵙⴳⴰⵍⴻⴼ (ⵜⴰⴵⵀⵉⵣ), ⵢⴻⵙⴼⴰⵢⴷⵉ-ⴷ ⵡⴻⵖⵍⵉⴼ ⵏ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ ⴷⴻⴳ 2013 ⵙⴻⴳ 250,365 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⴷ ⴰⵙⵎⴰⴷ ⵏ ⵓⵅⴻⵍⵍⴻⵚ, ⴳⴰⵔ-ⴰⵙⴻⵏ 87,160 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⵜⵜⵡⴰⵃⴰⵣⴻⵏ-ⴷ ⵉ ⵜⴻⴷⴱⴻⵍⵜ ⵜⴰⵍⴻⵎⵎⴰⵙⵜ.