Asebter amenzawi

Assewjed i Wenmager Adzayri-Abriṭani ɣef tnezzut d ussefti n 22 Mayu

LEZZAYER TAMANEɣT – Yemmuger uneɣlaf n temguri (ṣinaɛa), Mass Abdessalem Bouchouareb, ass n letniyen deg Lezzayer Tamaneɣt, anmahal (safir) n Briṭanya Tameqrant deg Lezzayer, Mass Andrew J. Noble, yernu ssawlen ɣef ussewjed n wenmager wis 2 adzayri-abriṭani ɣef tnezzut d ussefti ad d-yilin ass n 22 Mayu deg Lezzayer, ɣef leḥsab n welɣu n weɣlif.

Yella-d wemyager-a s weḥdaṛ n Mass Atam Sandhu, aselway-anemhal amatu n Developing Markets Associates (DMA), « yernu yella-d deg-s ussukku n tiṭ ɣef ussewjed i Wenmager wis 2 Adzayri-Abriṭani ɣef Tnezzut d Ussefti (…) d anmager aydeg ḥaren ad ttekkin yergazen n yiweẓla idzayriyen d yebriṭaniyen, yernu ad d-yesduqqes waya assaɣen isindisanen gar tmura-nneɣ, am wakken ad d-yili waya d akemmel n wenmager-nni amezwaru ay d-yellan deg Dujembeṛ n 2014 », ɣef wakken ay d-yenna welɣu-nni.

Tettekka tmagla (wafd) tabriṭanit s waṭas n teṛmisin tibriṭaniyin timeqranin (ugar n 100) seg yeḥricen yemgerraden, ɣef leḥsab n weɣlif.

Yenna-d daɣ Mass Bouchoaureb dakken atan yewjed akken ad d-yessewjed akk tignatin iwatan i usserbeḥ n ttiɛad-a adamsan ad d-yilin deg tegnit aydeg tamurt la tessefɛal aṭas n tsemmeskal (iṣlaḥat) i lmend n unewweɛ n tdamsa taɣelnawt.