ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

16 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵢ ⴹⴹⴼⴻⵏ ⵢⵉⵖⴰⵍⵍⴻⵏ ⵉⵙⵕⴰⵢⵉⵍⵉⵢⴻⵏ ⵏ ⵜⵓⴹⴹⴼⴰ ⴷⴻⴳ ⵍⵇⵓⴷⵙ ⴷ ⵓⴳⴻⵎⵎⴰⴹ ⵓⵜⵔⵉⵎ

ⵔⴰⵎⴰⵍⵍⴰⵀ (ⴰⴳⴻⵎⵎⴰⴹ ⵓⵜⵔⵉⵎ)– 16 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵢ ⴹⴹⴼⴻⵏ, ⴰⵙⵙ ⵏ ⵍⴻⵜⵏⵉⵢⴻⵏ, ⵢⵉⵖⴰⵍⵍⴻⵏ ⵉⵙⵕⴰⵢⵉⵍⵉⵢⴻⵏ ⵏ ⵜⵓⴹⴹⴼⴰ ⴷⴻⴳ ⵍⵇⵓⴷⵙ ⵜⴰⴳⵎⵓⴹⴰⵏⵜ ⴷ ⵓⴳⴻⵎⵎⴰⴹ ⵓⵜⵔⵉⵎ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ ⵡⴻⵙⵔⵉⵔ ⵏ ⵢⵉⵎⴻⵃⴱⴰⵙ ⵉⴼⴰⵍⴻⵙⵟⵉⵏⵉⵢⴻⵏ.

« ⴳⴰⵏ ⵢⵉⵖⴰⵍⵍⴻⵏ ⵏ ⵜⵓⴹⴹⴼⴰ ⵢⵉⵡⴻⵜ ⵏ ⵜⴻⵥⴷⴰⵎⵜ ⵖⴻⴼ ⵜⴻⵎⴷⵉⵏⵉⵏ ⵏ ⵏⴰⴱⵍⵓⵙ, ⵍⵅⴰⵍⵉⵍ ⴷ ⴱⴻⵉⵜⵍⴰⵀⴻⵎ ⴷ ⵡⴰⵟⴰⵙ ⵏ ⵢⴻⴳⵎⴰⵎⴻⵏ (ⴰⵃⵢⴰ’) ⵏ ⵍⵇⵓⴷⵙ ⵜⴰⴳⵎⵓⴹⴰⵏⵜ ⵙ ⵜⵢⵉⵜⴰ ⵏ ⵡⴰⵟⴰⵙ ⵏ ⵔⵔⵚⴰⵚ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵙⵔⵉⵔ ⴰⵢ ⴷ-ⵜⴻⴱⴷⴻⵔ ⵜⵏⴻⴳⴳⴰ ⵜⴰⴼⴰⵍⴻⵙⵟⵉⵏⵉⵜ ⵏ ⵢⵉⵙⴰⵍⴰⵏ ⵏ ⵡⴰⴼⴰ. « ⵜⵜⵡⴰⴹⴹⴼⴻⵏ, ⵙ ⵓⵊⴻⵎⵎⴰⵍ, 16 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ.

ⵜⴰⵔⴻⴷⵙⴰ (ⴵⴰⵢⵛ) ⵏ ⵜⵓⴹⴹⴼⴰ ⵜⵉⵙⵕⴰⵢⵉⵍⵉⵜ ⵜⴻⵜⵜⴰⴹⴹⴰⴼ ⵢⴰⵍ ⴰⵙⵙ ⵜⵉⵎⴻⵔⵡⵉⵏ (ⵄⴰⵛⴰⵔⴰⵜ) ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴷⴻⴳ ⵜⴻⵎⴷⵉⵏⵉⵏ ⴷ ⵜⵓⴷⴷⴰⵔ ⵏ ⵓⴳⴻⵎⵎⴰⴹ ⵓⵜⵔⵉⵎ ⵢⴻⵔⵏⵓ ⵜⴻⵜⵜⴰⴼ-ⴷ ⵜⵉⵙⴻⴱⴱⵉⵡⵉⵏ ⵢⴻⵎⴳⴻⵔⵔⴰⴷⴻⵏ ⴰⴽⴽⴻⵏ ⴰⴷ ⵜⴻⴳ ⴰⵢⴰ.

ⴷⴻⴳ ⵢⴻⴱⵔⵉⵔ, 490 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵢ ⵜⴻⴹⴹⴻⴼ ⵜⵔⴻⴷⵙⴰ ⵜⵉⵙⵕⴰⵢⵉⵍⵉⵜ, ⴳⴰⵔ-ⴰⵙⴻⵏ ⵜⵉⵎⴻⵔⵡⵉⵏ ⵏ ⵢⵉⴳⴻⵔⴷⴰⵏ ⵢⴻⵙⵄⴰⵏ ⴳⴰⵔ 13 ⴷ 17 ⵏ ⵢⵉⵙⴻⴳⴳⴰⵙⴻⵏ, ⵖⴻⴼ ⵍⴻⵃⵙⴰⴱ ⵏ ⵢⴻⵣⵡⵉⵍⴻⵏ (ⴰⵔⵇⴰⵎ) ⵓⵏⵚⵉⴱⴻⵏ ⵉⴼⴰⵍⴻⵙⵟⵉⵏⵉⵢⴻⵏ.

ⴰⵣⴰⵍ ⵏ 7.000 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵢ ⵢⴻⵜⵜⵡⴰⴹⴹⴼⴻⵏ ⴷⴻⴳ 2015, ⴳⴰⵔ-ⴰⵙⴻⵏ 2.200 ⵏ ⵢⵉⴳⴻⵔⴷⴰⵏ, ⵖⴻⴼ ⵍⴻⵃⵙⴰⴱ ⵏ ⵜⴻⵛⵔⴰⵡⵜ (ⵃⴰⵙⵉⵍⴰ) ⵜⵓⵏⵚⵉⴱⵜ.