Asebter amenzawi

16 n Yifalesṭiniyen ay ḍḍfen yiɣallen isṛayiliyen n tuḍḍfa deg Lquds d Ugemmaḍ Utrim

RAMALLAH (Agemmaḍ Utrim)– 16 n Yifalesṭiniyen ay ḍḍfen, ass n letniyen, yiɣallen isṛayiliyen n tuḍḍfa deg Lquds Tagmuḍant d Ugemmaḍ Utrim, ɣef wakken ay d-ixebber Wesrir n Yimeḥbas Ifalesṭiniyen.

« Gan yiɣallen n tuḍḍfa yiwet n teẓdamt ɣef temdinin n Nablus, Lxalil d Beitlahem d waṭas n yegmamen (aḥya’) n Lquds Tagmuḍant s tyita n waṭas n rrṣaṣ », ɣef wakken ay d-yenna Wesrir ay d-tebder tnegga tafalesṭinit n yisalan n Wafa. « Ttwaḍḍfen, s ujemmal, 16 n Yifalesṭiniyen », ɣef wakken ay d-nnan.

Taredsa (ǧayc) n tuḍḍfa tisṛayilit tettaḍḍaf yal ass timerwin (ɛacarat) n Yifalesṭiniyen deg temdinin d tuddar n Ugemmaḍ Utrim yernu tettaf-d tisebbiwin yemgerraden akken ad teg aya.

Deg Yebrir, 490 n Yifalesṭiniyen ay teḍḍef tredsa tisṛayilit, gar-asen timerwin n yigerdan yesɛan gar 13 d 17 n yiseggasen, ɣef leḥsab n yezwilen (arqam) unṣiben ifalesṭiniyen.

Azal n 7.000 n Yifalesṭiniyen ay yettwaḍḍfen deg 2015, gar-asen 2.200 n yigerdan, ɣef leḥsab n tecrawt (ḥasila) tunṣibt.