Asebter amenzawi

Tesseḍra-d Lezzayer imhazen imeqqranen deg wayen yerzan tilelli n wawal

LEZZAYER TAMANEɣT - Tesseḍra-d Lezzayer ‘’imhazen imeqqranen’’ deg wayen yerzan tilelli n wawal, ideg tesfaydi tɣamsa s yiwet n ’’tlelli tummidt’’, i d-yenna ass n ttlata deg Tmaneɣt, uneɣmas n Teɣwalt, Hamid Grine.

Yemmeslay-d deg terga tis III n umaṭṭaf aɣelnaw, almend n Wass amaḍlan n tlelli n tɣamsa, Mass Grine isers-d ɣer sdat dakken Lezzayer attan deg yiwet n liḥala ‘’n yiwet n tmurt seg tid imehzen’’ deg wayen yerzan tilelli n wawal akked tin n tɣamsa, ma nesserwes-itent ɣer ddeqs n tmura nniḍen.

Yenna-d uneɣlaf dakken taɣamsa tazzayrit ‘’d yiwet seg gar tid yellan d tilellit ugar’’ mi ara naf kra n yeɣmisen ‘’neṭṭgen baṭel deg unabaḍ war ma yessaweḍ-iten ɣer teɣdemt’’.

Zemren ad arun yineɣmasen ayen bɣan ur kecmen ara ɣer lḥebs, aya d amhaz ameqqran’’, i d-yenna, yugi ad yeqbel ‘’akk aseḍyeq i ɣef d-ttmeslayen kra kan n yimidyaten’’.

Yezɣen, deg ukatar-a, iɣmisen ‘’yeddsen iman-nsen d adefrir n tanfa (…) yebɣan ad ɛefsen iṣuḍaf n Tegduda’’, yesseḍlem-iten dɣa, ɣef ‘’tmuɣli-nsen tufcilt’’ ɣer kra n tɣawsiwin.