Asebter amenzawi

Aselway Bouteflika yemdiwenni akked umtil-is n Côte d'Ivoire

LEZZAYER TAMANEɣT – Aselway n Tegduda, Abdelaziz Bouteflika, yemdiwenni ass n ttlata deg Tmaneɣt akked umtil-is n Côte d'Ivoire, Alassane Dramane Ouattara, yellan deg tirzi n Uwanek deg tmurt n Lezzayer.

Yeḍra-d udiwenni s tihawt n uselway n Useqqamu n uɣlan, Abdelkader Bensalah, n uneɣlaf Amezwaru, Abdelmalek Sellal, n uneɣlaf n Uwanek, anemhal n tselwit n Tegduda, Ahmed Ouyahia, n uneɣlaf n Uwanek, aneɣlaf n Tɣawsiwin n berra akked Umedhel agraɣlan, Ramtane Lamamra, akked uneɣlaf n Temguri akked Lminat, Abdesalam Bouchouareb.

Tirzi-a d tagnit i yettunefken i sin iɣella n Uwanek akken ad fken ‘’afud amaynut i udiwenni akked umedhel yellan gar snat tmura, akked uswaḍ n tuttriwin yesɛan lfayda tucrikt, icudden ɣer liḥala yellan deg umenẓaw afriqi s umata, dɣa ayen yerzan talwit akked tɣellist deg temnaḍt’’, i d-tenna tselwit n Tegduda deg yiwen n ulɣu.

Mass Ouattara yebda ass n letniyen yiwet n tirzi n Uwanek n kuẓ wussan deg Tmurt n Lezzayer, s usnebgi n uselway Bouteflika.