ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵧⵓⵍⴷ ⴽⵀⴻⵍⵉⴼⴰ ⵢⴻⵙⵙⴰⵡⴻⵍ ⴷ ⵡⴻⵏⵎⴰⵀⴰⵍ ⵏ ⵜⴻⴼⵔⵉⵇⵜ ⵏ ⵡⴻⵏⵥⵓⵍ ⵖⴻⴼ ⵡⴻⵎⵄⴰⵡⴻⵏ ⴰⵙⵉⵏⴷⵉⵙⴰⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵎⵎⵓⴳⴻⵔ ⵓⵙⴻⵍⵡⴰⵢ ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ, ⵎⵧⵀⴰⵎⴻⴷ ⵍⴰⵔⴱⵉ ⵧⵓⵍⴷ ⴽⵀⴻⵍⵉⴼⴰ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴰⵏⵎⴰⵀⴰⵍ (ⵙⴰⴼⵉⵔ) ⵏ ⵜⴻⴼⵔⵉⵇⵜ ⵏ ⵡⴻⵏⵥⵓⵍ ⴷⴻⴳ ⵍⴻⵣⵣⴰⵢⴻⵔ, ⴷⴻⵏⵉⵙ ⵜⵀⵧⴽⵧⵣⴰⵏⵉ ⴷⵍⵧⵎⵧ, ⵢⴻⵔⵏⵓ ⵙⵙⵓⴽⴽⴻⵏ-ⴷ ⵜⵉⵟ ⴷⴻⴳ ⵙⵉⵏ ⵖⴻⴼ ⵡⴰⵎⴻⴽ ⴰⴷ ⵢⴻⵜⵜⵡⴰⵙⵙⴻⵊⵀⴻⴷ ⵡⴻⵎⵄⴰⵡⴻⵏ ⴰⵙⵉⵏⴷⵉⵙⴰⵏ ⴳⴰⵔ ⵍⴻⵣⵣⴰⵢⴻⵔ ⴷ ⵜⴻⴼⵔⵉⵇⵜ ⵏ ⵡⴻⵏⵥⵓⵍ, ⵍⴰⴷⵖⴰ ⴷⴻⴳ ⵡⴻⵏⵔⴰⵔ ⵏ ⵡⴻⵎⵏⵉ (ⴱⴰⵔⵍⴰⵎⴰⵏ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵡⴻⵍⵖⵓ ⵏ ⵡⴻⴳⵔⴰⵡ.
ⵉⵡⴻⴽⴽⴻⴷ-ⴷ ⵓⵙⴻⵍⵡⴰⵢ ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ, ⴷⴻⴳ ⵡⴻⵎⵢⴰⴳⴻⵔ-ⴰ, ⴷⴰⴽⴽⴻⵏ ⵍⴻⵣⵣⴰⵢⴻⵔ ⴷ ⵜⴻⴼⵔⵉⵇⵜ ⵏ ⵡⴻⵏⵥⵓⵍ « ⵛⴻⵔⴽⴻⵏ-ⵜⴻⵏⵜ ⵡⴰⵣⴰⵍⴻⵏ ⵉⵍⵙⴰⵏⴻⵏ, ⵎⴻⵏⵖⵉⵔ ⴰⵎⴻⵣⵔⵓⵢ-ⵏⵙⴻⵏ ⴰⵇⴱⵓⵔ ⵏ ⵢⵉⵎⴻⵏⵖⵉ ⵉ ⵍⵎⴻⵏⴷ ⵏ ⵜⵍⴻⵍⵍⵉ ⴷ ⵜⴳⴰⴷⴷⴰ. ⴷ ⵏⵉⵜⴻⵏⵜⵉ ⴰⵢ ⴷ ⵜⵉⵣⴻⴳⵍⵉⵏ (ⴰⵇⵟⴰⴱ) ⵏ ⵜⴻⴼⵔⵉⵇⵜ, ⵍⴰⴷⵖⴰ ⵉⵎⵉ ⴰⵢ ⵙⵄⴰⵏⵜ ⴰⵣⴰⵍ ⴷ ⴷⴷⵓⵕ ⴰⴽⴻⵍⵙⵓⴷⴷⵙⴰⵏ (ⴵⵉⵢⵓⵉⵙⵜⵔⴰⵜⵉⴵⵉ) ⴷ ⴰⵎⴻⵇⵔⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ-ⴰ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵎⵄⴰⵡⴻⵏ ⴰⵡⴰⵎⵏⵉ (ⴱⴰⵔⵍⴰⵎⴰⵏⵉ), ⵢⴻⵏⵏⴰ-ⴷ ⵎⴰⵙⵙ ⵧⵓⵍⴷ ⴽⵀⴻⵍⵉⴼⴰ ⴷⴰⴽⴽⴻⵏ « ⵢⴻⵄⵊⴻⴱ-ⴰⵙ ⵓⵅⴻⴷⴷⵉⵎ ⵏ ⵜⴻⴳⵔⴰⵡⵜ ⵜⴰⵡⴰⵎⵏⵉⵜ ⵏ ⵜⴰⵎⵎⵉⴷⵡⴰ (ⵚⴰⴷⴰⵇⴰ) ⴳⴰⵔ ⵍⴻⵣⵣⴰⵢⴻⵔ ⴷ ⵜⴻⴼⵔⵇⵉⵜ ⵏ ⵡⴻⵏⵥⵓⵍ », ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⵉⵖⵔⵉ ⵉ ⵡⴻⴱⴷⴰⴷ « ⵖⴻⵔ ⵢⵉⴷⵉⵙ ⵏ ⵍⴻⵛⵖⴰⵍ ⵉⵡⴰⵎⵏⵉⵢⴻⵏ ⵉ ⵓⵙⵙⴻⵎⵇⴰⵔⴻⴱ ⴳⴰⵔ ⵢⵉⵖⴻⵔⴼⴰⵏ ⴷ ⵡⴻⵙⵎⴰⵍ ⵏ ⵡⴰⵙⵙⴰⵖⴻⵏ ⵉⵍⵙⴰⵏⴻⵏ ⴳⴰⵔ ⵢⴻⵖⵍⴰⵏⴻⵏ ».
« ⵢⴻⵍⵍⴰ-ⴷ ⵡⴻⵎⵙⴻⴼⵀⴰⵎ ⵖⴻⴼ ⵓⵏⴻⵡⵡⴻⵄ ⵏ ⵢⵉⵏⵓⵔⴰⵔ ⵏ ⵡⴻⵎⵄⴰⵡⴻⵏ ⴰⵙⵉⵏⴷⵉⵙⴰⵏ ⴷ ⵡⴻⵙⴼⴰⵢⴷⵉ ⵙⴻⴳ ⵜⵣⴻⵎⵎⴰⵔ ⵜⵉⵎⴻⵇⵔⴰⵏⵉⵏ ⴰⵢ ⵙⵄⴰⵏⵜ ⵙⵏⴰⵜ-ⴰ ⵏ ⵜⵎⵓⵔⴰ ⴰⵢ ⵍⴰ ⵢⴻⵜⵜⴽⴻⵎⵎⵉⵍⴻⵏ ⴰⵎⵛⵉⵡⴻⵕ ⵖⴻⴼ ⵜⴻⵎⵙⴰⵍ ⵜⵉⵎⴻⵇⵔⴰⵏⵉⵏ ⴰⵢ ⵢⴻⵔⵣⴰⵏ ⴰⵎⴻⵏⵥⴰⵡ (ⵇⴰⵔⵔⴰ), ⵍⴰⴷⵖⴰ ⵉⵎⴻⵏⵖⵉ ⵎⴳⴰⵍ ⵜⵔⴻⵎⵎⵉⵖⵜ (ⵉⵔⵀⴰⴱ) ⴷ ⵜⵜⴰⵡⵉⵍⴰⵜ ⵏ ⵡⴻⴱⴷⴰⴷ ⵖⴻⵔ ⵢⵉⴷⵉⵙ ⵏ ⵡⴻⵣⵔⴻⴼ ⵏ ⵡⴻⵖⵔⴻⴼ ⴰⵚⴻⵃⵔⴰⵡⵉ ⵉ ⵓⴳⴳⵓⵛⵛⴻⵍⵎⴰⵏ ⴷⴻⴳ ⵢⴻⵎⵢⴰⴳⵔⴻⵏ ⵉⵡⴰⵎⵏⵉⵢⴻⵏ ⵉⴼⵔⵉⵇⵉⵢⴻⵏ ⴷ ⵢⴻⴳⵔⴰⵖⵍⴰⵏⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵡⴻⵍⵖⵓ-ⵏⵏⵉ.
