ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵡⴻⵍⵀⴰ ⵏ ⴷⴷⵉⵏ ⴷⴻⴳ ⵍⴻⵣⵣⴰⵢⴻⵔ, ⵍⵎⴻⵖⵔⴻⴱ ⴷ ⵜⴻⴼⵔⵉⵇⵜ ⵜⴻⵜⵜⴰⴳⴻⵎ-ⴷ ⵙⴻⴳ ⵢⵉⵡⴻⵜ ⴽⴰⵏ ⵏ ⵜⴰⵍⴰ (ⴰⵏⴻⵖⵍⴰⴼ)

ⵜⵉⴱⴻⵙⴽⴻⵔⵜ– ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴷⵉⵏ, ⵎⵧⵀⴰⵎⴻⴷ ⴰⵉⵙⵙⴰ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵙⵉⴷⵉ ⵄⵓⵇⴱⴰ (18 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ ⵡⴻⴳⵎⵓⴹ ⵏ ⵜⴱⴻⵙⴽⴻⵔⵜ) ⴷⴰⴽⴽⴻⵏ ⵜⴰⵡⴻⵍⵀⴰ (ⵎⴰⵔⴵⴰⵄⵉⵢⵢⴰ) ⵏ ⴷⴷⵉⵏ ⴷⴻⴳ ⵍⴻⵣⵣⴰⵢⴻⵔ, ⵍⵎⴻⵖⵔⴻⴱ ⴷ ⵜⴻⴼⵔⵉⵇⵜ ⵜⴻⵜⵜⴰⴳⴻⵎ-ⴷ ⵙⴻⴳ ⵢⵉⵡⴻⵜ ⵏ ⵜⴰⵍⴰ.

ⵎⵉ ⵢⴻⵙⵙⴻⵍⵡⵉ ⴰⵙⴰⵔⴰⴳ ⴰⴳⵔⴰⵖⵍⴰⵏ ⵡⵉⵙ 5 ⵏ ⵄⵓⵇⴱⴰ ⵉⴱⵏ ⵏⴰⴼⵉⵄ ⴰⵍ-ⴼⵉⵀⵔⵉ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⵍⵉⵙⵍⴰⵎ ⴰⵢ ⵏⴻⵙⵙⴻⵏ ⴷⴻⴳ ⵍⴻⵣⵣⴰⵢⴻⵔ, ⵍⵎⴻⵖⵔⴻⴱ ⴷ ⵜⴻⴼⵔⵉⵇⵜ ⵢⴻⵙⵄⴰ ⵢⵉⵡⴻⵜ ⴽⴰⵏ ⵏ ⵜⴻⵖⴱⴰⵍⵓⵜ, ⴷ ⵜⵉⵏ ⴰⵢ ⴷ-ⵢⴻⵡⵡⵉ ⵄⵓⵇⴱⴰ ⵉⴱⵏ ⵏⴰⴼⵉⵄ ⴰⵍ-ⴼⵉⵀⵔⵉ ⵙⴻⴳ ⵜⴻⵎⴷⵉⵏⵜ ⵜⵉⵎⵏⴻⵡⵡⴻⵕⵜ ⵢⴻⵔⵏⵓ ⵡⴻⵚⵚⴰⵏ-ⴷ ⴼⴻⵍⵍ-ⴰⵙ ⵢⵉⵎⴰⵙⵙⴰⵏⴻⵏ ⴷ ⵢⴻⵎⴼⴻⵚⵚⵔⴻⵏ ⵏ ⴷⴷⵉⵏ.

ⴷⴻⴳ ⵢⵉⵊⵉⴼⴻⵕ ⵏ ⵜⵖⵉⵎⵉⵜ ⵏ ⵡⴻⵔⵥⴰⵎ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⵍⵇⴰⵏⵓⵏ ⵏ ⵓⵡⴻⵍⵍⴻⵀ ⵏ ⵡⴻⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴷⴷⵉⵏ ⵉⵙⵡⵉ-ⵏⵏⴻⵙ ⴷ ⴰⵙⵍⵓⴳⴻⵏ (ⵜⴰⵙⵡⵉⵢⴰ) ⵏ ⵓⵙⵙⴻⴼⵔⴻⴽ (ⵜⴰⵙⵢⵉⵔ) ⵏ ⵜⵎⴻⵙⴳⵉⴷⵉⵡⵉⵏ, ⵉⵖⴻⵔⴱⴰⵣⴻⵏ ⵏ ⵍⴻⵇⵔⴰⵏ ⴷ ⵓⵙⵙⵓⴷⴷⴻⵙ ⵏ ⵣⵣⴰⴽⴰⵜ ⴷ ⵍⵃⵓⴱⵓⵙ.

ⵢⴻⵏⵏⴰ-ⴷ ⴷⴰⴽⴽⴻⵏ ⴰⴽⴽ ⵉⵃⵔⵉⵛⴻⵏ-ⴰ ⴰⴷ ⴷ-ⵢⵉⵍⵉ ⴼⴻⵍⵍ-ⴰⵙⴻⵏ ⵡⴻⵙⴽⴰⵙⵉ ⴷⴻⴳ ⵙⵏⴰⵜ ⵏ ⵜⴻⵅⵅⴰⵎⵉⵏ ⵏ ⵡⴻⵎⵏⵉ ⴰⴽⴽⴻⵏ ⴰⴷ ⵙⵄⴻⴷⴷⵉⵏ ⵍⵇⴰⵏⵓⵏ-ⴰ ⵙⴻⴳ-ⴰ ⵖⴻⵔ 2019.

ⴰⵙⴰⵔⴰⴳ-ⴰ ⵏ 3 ⵏ ⵡⵓⵙⵙⴰⵏ ⴰⴷ ⴷ-ⵢⵉⵍⵉ ⴷⴻⴳ ⵓⵙⵓⴷⴷⵉⵙ ⵉⵙⵍⴰⵎⴰⵏ ⵏ ⵜⴻⵎⴷⵉⵏⵜ ⵏ ⵙⵉⴷⵉ ⵄⵓⵇⴱⴰ, ⵢⴻⵔⵏⵓ ⵢⴻⵍⵍⴰ-ⴷ ⴷⴷⴰⵡ ⵍⴻⵄⵏⴰⵢⴰ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ.

ⵉⵎⵙⴰⵔⴰⴳⴻⵏ ⴰⵢ ⴷ-ⵢⴻⵜⵜⵡⴰⵄⴻⵔⴹⴻⵏ ⵖⴻⵔ ⵜⴻⵥⵔⵉⴳⵜ-ⴰ (ⵟⴰⴱⵄⴰ) ⵜⵉⵙ 5 ⴰⴷ ⴷ-ⵙⵙⵉⵡⵍⴻⵏ ⵖⴻⴼ « ⵜⵎⵓⵙⵙⵏⵉ ⴷ ⵜⵡⴻⵍⵀⴰ ⵏ ⴷⴷⵉⵏ ⴷⴻⴳ ⵜⵎⵓⵔⴰ ⵏ ⵍⵎⴻⵖⵔⴻⴱ ⴷ ⵜⴻⴼⵔⵉⵇⵜ ».