Asebter amenzawi

Talɣuɣa n Lezzayer n waddalen n tiɣilt gar 6 d 7 Mayu deg Wehṛan

WEHṚAN – Talɣuɣa n Lezzayer n waddalen n tiɣilt (addayen, iqcicen) ad d-tili ussan n ljemɛa d ssebt deg tzeqqa takkaddalt n Ssanya (Wehṛan), ɣef wakken ay aɣ-d-tenna temɣunt (rabiṭa) d-yelhan d ussuddes-nnes (tanḍim).

Amsizwer-a n sin n wussan ay d-tessuddes temɣunt n waddalen n tiɣilt n Wehṛan s wemɛawen d Tfidiṛalit Tadzayrit n Waddalen n Tiɣilt Icerken d Tmehla n Yilemẓiyen d Waddal n Wehṛan, ad d-mlilen deg-s 220 n yinaddalen imeẓyanen n tiɣilt tilellit d tiɣilt tagrigit-taṛumanit seg 13 n temɣunin n twilayt, yernu inaddalen-a seg wid ay d-yefrurin deg twilayin-nsen.

Timɣunin ad yettekkin d tid n Lezzayer Tamaneɣt, Ɛennaba, Ṭṭaref, Skikda, Lbuṛj Buɛṛiṛij, Sḍif, Tubiret, Bgayet, Tipaza, Leblida, Cclef, Mestɣanem d Wehṛan.

Ass amezwaru n wemsizwer-a ad d-yili i 5 n lmizanat yemgerraden, ma d ass wis sin d win aydeg ad d-adfen 5 n lmizanat niḍen.