ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵡⴻⴽⴽⴻⴷ ⵖⴻⴼ ⵡⴰⵣⴰⵍ ⵏ ⵓⴷⴻⵍⵍⴻⵍ ⴷⴻⴳ ⵓⵙⵙⵉⴷⵔⴻⵎ ⵏ ⵜⴻⵕⵎⵉⵙⵉⵏ ⵏ ⵢⵉⵙⴰⵍⴰⵏ
ⵙⵙⵄⵉⴷⴰ – ⵡⴻⴽⴽⴷⴻⵏ-ⴷ ⵢⴻⵎⵜⵜⴻⴽⴽⵉⵢⴻⵏ ⴷⴻⴳ ⵡⴻⵎⵢⴰⴳⴻⵔ ⵏ « ⵜⵉⵍⴰⵡⵜ ⵏ ⵜⵖⴻⵎⵙⴰ ⵢⵓⵔⴰⵏ ⴷⴻⴳ ⵍⴻⵣⵣⴰⵢⴻⵔ », ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵙⵙⵄⵉⴷⴰ, ⵖⴻⴼ ⵡⴰⵣⴰⵍ ⴰⵢ ⵢⴻⵙⵄⴰ ⵓⴷⴻⵍⵍⴻⵍ ⴷⴻⴳ ⵓⵙⵙⵉⴷⵔⴻⵎ (ⵜⴰⵎⵡⵉⵍ) ⵏ ⵜⴻⵕⵎⵉⵙⵉⵏ ⵏ ⵜⵖⴻⵎⵙⴰ ⴷⴻⴳ ⵍⴻⵣⵣⴰⵢⴻⵔ.
ⵏⵏⴰⵏ-ⴷ ⴷⴰⵖ ⵢⴻⵎⵜⵜⴻⴽⴽⵉⵢⴻⵏ ⴷⴻⴳ ⵡⴻⵎⵢⴰⴳⴻⵔ-ⴰ, ⴰⵢ ⴷ-ⵉⴳⴰ ⵓⴼⵓⵔⴽ ⵏ ⵙⵙⵄⵉⴷⴰ ⵏ ⵡⴻⵏⵎⴰⵍⵓ ⴰⵖⴻⵍⵏⴰⵡ ⵏ ⵢⵉⵏⴻⵖⵎⴰⵙⴻⵏ ⵉ ⵍⵎⴻⵏⴷ ⵏ ⵡⴰⵙⵙ ⴰⴳⵔⴰⵖⵍⴰⵏ ⵏ ⵜⵍⴻⵍⵍⵉ ⵏ ⵡⴰⵡⴰⵍ, ⴷⴰⴽⴽⴻⵏ ⵜⴰⴳⵏⵉⵜ ⵜⴰⴷⴰⵎⵙⴰⵏⵜ ⵏ ⵜⵎⵓⵔⵜ ⵜⴻⵣⵎⴻⵔ ⴰⴷ ⵜⴻⵙⵙⵡⴰⵖ ⴽⵔⴰ ⵏ ⵢⴻⵖⵎⵉⵙⴻⵏ.
ⴷⵖⴰ ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵏⵏⴰ-ⴷ ⵓⵏⴻⵖⵎⴰⵙ ⵎⵓⵙⵜⴰⵒⵀⴰ ⴰⵉⵜ ⵎⵧⵓⵀⵧⵓⴱ ⴷⴰⴽⴽⴻⵏ, ⵙⴻⴳ ⵡⴰⵙⵎⵉ ⴰⵢ ⴷ-ⵢⴻⴱⴷⴰ ⵓⵙⴻⴳⴳⴰⵙ-ⴰ, ⴰⵟⴰⵙ ⵏ ⵢⴻⵖⵎⵉⵙⴻⵏ ⴰⵢ ⵉⵃⴻⴱⵙⴻⵏ ⵖⴻⴼ ⵍⴵⴰⵍ ⵏ ⵍⴻⵅⵚⴰⵚ ⵏ ⵢⴻⴷⵔⵉⵎⴻⵏ ⴷ ⵍⵇⴻⵍⵍⴰ ⵏ ⵓⴷⴻⵍⵍⴻⵍ.
ⵎⴰ ⴷ ⴰⵎⴰⵔⵓ-ⴰⵏⴻⵖⵎⴰⵙ ⴱⴻⴽⴽⵉ ⴱⴰⵏⴰⵎⴻⵓⵔ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⵜⴰⵖⴻⵎⵙⴰ ⵏ ⵍⴽⴰⵖⴻⴹ ⴰⴷ ⵜⴻⵏⴳⴻⵔ ⵍⴻⵎⵎⴻⵔ ⴰⴷ ⵉⵅⴰⵚⵚ ⵓⵙⵙⵉⴷⵔⴻⵎ ⴷ ⵓⴷⴻⵍⵍⴻⵍ, ⵍⴰⴷⵖⴰ ⵉⵎⵉ ⴰⵢ ⵜⴻⵍⵍⴰ ⴷⴻⴳ ⵜⴻⵎⵙⵉⵣⵡⴻⵔⵜ ⴷ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⵉⵍⵉⴽⵜⵕⵓⵏⴰⵏⴻⵏ.
ⵢⴻⵍⵍⴰ-ⴷ ⵡⴻⵎⵢⴰⴳⴻⵔ-ⴰ ⴷⴰⵖ ⴷ ⵜⴰⴳⵏⵉⵜ ⵉ ⵜⵔⵉⵔⵉⵜ ⵏ ⵜⴻⵊⵎⵉⵍⵜ ⵉ ⵢⵉⵏⴻⵖⵎⴰⵙⴻⵏ ⵉⵎⴻⵕⵃⵓⵎⴻⵏ ⵏⴰⵙⵔⴻⴷⵉⵏⴻ ⴼⵉⵍⵍⴰⵍⵉ (ⵜⴰⵕⵎⵉⵙⵜ ⵜⴰⵖⴻⵍⵏⴰⵡⵜ ⵏ ⵡⴻⵙⵏⴻⵣⵡⵉ ⴰⵎⴻⵙⵍⴰⵏ - ⵕⵕⴰⴷⵢⵓ ⵏ ⵍⴷⵣⴰⵢⴻⵔ) ⴷ ⴱⴰⵛⵀⵉⵔ ⴻⵍ ⴰⵔⴰⴱⵉ (ⴻⵍ ⴽⵀⴰⴱⴰⵔ).
