Asebter amenzawi

Awekked ɣef wazal n udellel deg ussidrem n teṛmisin n yisalan

SSƐIDA – Wekkden-d yemttekkiyen deg wemyager n « Tilawt n tɣemsa yuran deg Lezzayer », ass n ttlata deg Ssɛida, ɣef wazal ay yesɛa udellel deg ussidrem (tamwil) n teṛmisin n tɣemsa deg Lezzayer.

Nnan-d daɣ yemttekkiyen deg wemyager-a, ay d-iga ufurk n Ssɛida n Wenmalu Aɣelnaw n Yineɣmasen i lmend n wass agraɣlan n tlelli n wawal, dakken tagnit tadamsant n tmurt tezmer ad tesswaɣ kra n yeɣmisen.

Dɣa i lmend n waya, yenna-d uneɣmas Mustapha Ait Mouhoub dakken, seg wasmi ay d-yebda useggas-a, aṭas n yeɣmisen ay iḥebsen ɣef lǧal n lexṣaṣ n yedrimen d lqella n udellel.

Ma d amaru-aneɣmas Bekki Banameur iwekked-d dakken taɣemsa n lkaɣeḍ ad tenger lemmer ad ixaṣṣ ussidrem d udellel, ladɣa imi ay tella deg temsizwert d ttawilat n yisalan iliktṛunanen.

Yella-d wemyager-a daɣ d tagnit i tririt n tejmilt i yineɣmasen imeṛḥumen Nasredine Fillali (Taṛmist Taɣelnawt n Wesnezwi Ameslan - Ṛṛadyu n Ldzayer) d Bachir El Arabi (El Khabar).