ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⴱⴰⵜⴻⵏⵜ: ⴰⴱⵟⴰⵍ ⵏ ⵍⴻⵄⵇⵓⴷⴰⵜ ⵏ 3 ⵏ ⵜⴻⵕⵎⵉⵙⵉⵏ ⵏ ⵍⴻⴱⵏⵉ ⵏ ⵢⵉⵙⴻⵏⴼⴰⵔⴻⵏ ⵏ ⵜⵏⴻⵣⴷⵓⵖⵜ
ⵜⴰⴱⴰⵜⴻⵏⵜ– ⵜⵜⵡⴰⴱⴻⵟⵍⴻⵏ ⵍⴻⵄⵇⵓⴷⴰⵜ ⵏ 3 ⵏ ⵜⴻⵕⵎⵉⵙⵉⵏ ⵢⴻⵜⵜⵡⴰⴽⴻⵍⵍⴼⴻⵏ ⵙ ⵍⴻⴱⵏⵉ ⵏ ⵜⵏⴻⵣⴷⵓⵖⵉⵏ ⴷⴻⴳ ⵜⵡⵉⵍⴰⵢⵜ ⵏ ⵜⴱⴰⵜⴻⵏⵜ ⵖⴻⴼ ⵍⴵⴰⵍ ⵏ « ⵍⵇⴻⵍⵍⴰ ⵏ ⵓⵇⴰⴷⴻⵔ ⵏ ⵡⴰⴽⵓⴷ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵙⵙ ⵏ ⵜⵜⵍⴰⵜⴰ ⵜⴰⵎⴻⴷⴷⵉⵜ ⵢⵉⵡⴻⵏ ⵏ ⵡⴻⵍⵖⵓ (ⴱⴰⵢⴰⵏ) ⵏ ⵢⵉⵎⴻⵥⵍⴰ (ⵎⴰⵚⴰⵍⵉⵃ) ⵏ ⵜⵡⵉⵍⴰⵢⵜ.
ⵍⴻⵄⵇⵓⴷⴰⵜ-ⴰ ⵔⵣⴰⵏ ⵍⴻⴱⵏⵉ ⵏ 70 ⵏ ⵜⵏⴻⵣⴷⵓⵖⵉⵏ ⴷⴻⴳ ⵜⵖⵉⵡⴰⵏⵜ ⵏ ⵡⴰⴷ ⵛⵛⴻⵄⴱⴰ ⴷ 25 ⵏ ⵜⵏⴻⵣⴷⵓⵖⵉⵏ ⴷⴻⴳ ⵜⴻⵎⴷⵉⵏⵜ ⵏ ⵃⵉⴷⵓⵙⴰ, ⵢⴻⵔⵏⵓ ⵉⵙⴻⵏⴼⴰⵔⴻⵏ-ⴰ ⵄⴻⴹⴹⵍⴻⵏ ⵙ ⵡⴰⵟⴰⵙ ⵖⴻⴼ ⵍⴻⵃⵙⴰⴱ ⵏ ⵡⴻⵍⵖⵓ-ⴰ.
ⵉⵛⴰⵏⵟⵉⵢⴻⵏ-ⴰ ⵏ ⵜⵏⴻⵣⴷⵓⵖⵜ ⵢⴻⵙⵙⴻⴼⵇⴻⴷ-ⵉⵜⴻⵏ-ⵉⴷ ⵓⵙⴻⵍⵡⴰⵢ ⵏ ⵡⴻⴳⵔⴰⵡ ⵏ ⵜⵡⵉⵍⴰⵢⵜ ⵢⴻⵔⵏⵓ ⵜⵜⵓⵏⴻⴼⴽⴻⵏⵜ ⵍⴻⵡⵚⴰⵢⴰⵜ ⵉ ⵓⵙⵙⵓⴳⴳⴻⵜ ⵏ ⵢⵉⵅⴻⴷⴷⴰⵎⴻⵏ ⴷⴻⴳ-ⵙⴻⵏ ⴰⴽⴽⴻⵏ ⴰⴷ ⵉⵖⵉⵡⴻⵍ ⵓⵅⴻⴷⴷⵉⵎ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵡⴻⵍⵖⵓ-ⴰ.
ⵉ ⵡⴻⵙⵎⴻⴽⵜⵉ, ⵜⵜⵡⴰⴼⴻⵔⵇⴻⵏⵜ, ⵙⴻⴳ ⵎⴻⵖⵔⴻⵙ ⵢⴻⵣⵔⵉⵏ, 750 ⵏ ⵜⵏⴻⵣⴷⵓⵖⵉⵏ ⵜⵉⵏⴰⴳⴷⵓⴷⵉⵏ ⵏ ⵍⴻⴽⵔⴰ (ⵍⵒⵍ) ⴷⴻⴳ ⵜⵖⵉⵡⴰⵏⵉⵏ ⵏ ⵄⵉⵏ ⵜⵜⵓⵜⴰ, ⵙⴻⴳⴳⴰⵏⴰ, ⴼⴻⵙⴷⵉⵙ ⴷ ⵏⴳⴰⵡⴻⵙ.
