Asebter amenzawi

Tabatent: abṭal n leɛqudat n 3 n teṛmisin n lebni n yisenfaren n tnezduɣt

TABATENT– Ttwabeṭlen leɛqudat n 3 n teṛmisin yettwakellfen s lebni n tnezduɣin deg twilayt n Tbatent ɣef lǧal n « lqella n uqader n wakud », ɣef wakken ay d-yenna, ass n ttlata tameddit yiwen n welɣu (bayan) n yimeẓla (maṣaliḥ) n twilayt.

Leɛqudat-a rzan lebni n 70 n tnezduɣin deg tɣiwant n Wad Cceɛba d 25 n tnezduɣin deg temdint n Ḥidusa, yernu isenfaren-a ɛeḍḍlen s waṭas ɣef leḥsab n welɣu-a.

Icanṭiyen-a n tnezduɣt yessefqed-iten-id uselway n wegraw n twilayt yernu ttunefkent lewṣayat i ussugget n yixeddamen deg-sen akken ad iɣiwel uxeddim, ɣef wakken ay d-iwekked welɣu-a.

I wesmekti, ttwaferqent, seg Meɣres yezrin, 750 n tnezduɣin tinagdudin n lekra (LPL) deg tɣiwanin n Ɛin Ttuta, Seggana, Fesdis d Ngawes.