Asebter amenzawi

Massa Faraoun testen deg Genève azref n unekcum, i medden akk, ɣer Internet

GENEVE – Taneɣlaft n Tnazzant (lbuṣṭa) akked tesnatwilin n telɣut akked teɣwalt (PTIC), Imane Houda Faraoun, testen deg Genève (Swis) dakken yessefk ad yili umenzay n uzref n unekcum, i medden akk, ɣer Internet.

Deg yiwet n tseɣrut i d-teɣra deg usarag n uswir unnig i d-yettwasuddsen deg ukatar n Tqacuct tamaḍlant n Teṛmist n Telɣut (SMSI) i la d-iḍerrun tura deg Genève seg wass n 02 ɣer 06 mayu 2016, tenna-d tneɣlaft anbaḍ n Internet yessefk ad yili yebna ɣef umenzay n ’’unekcum i medden akk’’, akken ad tetbet ‘’tnaya n yiɣerfan akked yiɣlanen’’.

Massa Faraoun terna tenna-d dakken Lezzayer teddem ‘’imenzayen ibanen yesɛan azadur-nsen d anbaḍ n Internet ara iḍemnen asnefli izerfan n umdan akked teɣdemt tanmettant deg uswir aɣelnaw akked ugraɣlan.